| Cas Di Cultura Ta Celebra 50 Aña |
|
|
|
| Tuesday, 21 October 2008 - 00:21 | |||||||||||||
 15 di November aña 1958, 50 ana pasa a inaugura Cultureel Centrum Aruba, cu un presentacion di e Orkesta Symfonico Arubiano huntu cu e Arubaanse Oratoriumkoor.E presentacion aki a marka e comienso di un era nobo na Aruba, caminda gruponan ancioso a hanja un lugar kaminda nan por a desaroya y practica ARTE. Click read more pa lesa e articulo completo.
SPIRITO DI TEMPO
Kuminsando awe nos ta duna inicio na e gran celebracion di Cas Di Cultura su jubileo di Oro, habriendo e exposicion titula “SPIRITO DI TEMPO” 30 cuadro lo revela un parti di e desaroyo di arte di e 50 aña cu a pasa aki na Aruba. Lo exhibi arte di Jean Georges Pandellis, Piet Vervoord, Joannes Donati, Julie Quigley, Toton Quandt, Nigel Matthew, Ludwig D’Lisle, Giolina Henriquez, Ciro Abath, Elvis Lopez, Osaira Muyale, Alida Martinez, Belinda de Veer, Alfonso de Windt, Ryan Oduber. E meta ta pa stimula y motiva hobennan, ariba e tereno di arte y explora nos teatro nacional, 24 skol basico aki na Aruba a hanja e oportunidad cuminsando 17 Oktober te 24 di Oktober pa bishita e exposicion aki parti di mainta. Lo laga nan mira un pelicula di introduccion titula: “Echte kunst koop je niet in de supermarket”. Despues nan lo hanja un recorido den nos Cas Di Cultura cu ta inclui e exposicion den e sala di exposicion y lo hanja splicacion di tur cuadro y nan historia. E alumnonan lo hanja un peticion y algun splicacion pa participa na un competencia di pintamento, cu un premio atractivo pa e skol ganador. E exposicion ta habri pa publico general tur dia di Dialuna te Diabierna te 5:00 pm y dia 21 y 24 di Oktober for di 8:00 pm cu entrada di Afls 5,- esaki pasobra e publico lo por topa cu e artista nan, scucha un charla mas amplio tocante e obranan y combersa cu nan. MIND YOUR GAP Diasabra 15, diadomingo 16 y Dialuna 17 di November, Cas di Cultura ta celebra su jubileo di oro, y pa e ocacion aki Cas di Cultura ta presenta su mesun obra “MIND YOUR GAP”, cu ta un obra presenta pa nos artista nan hoben den estrecho coöperacion cu artista nan di oro, un obra contemporaneo basa ariba cultura y custumber nan di Aruba 20 artista leyenda lo saca nos historia den forma di baile, teatro, canto, musica, poesia y arte plastico. Artista nan manera: Ryan Oduber – Alydia Wever – Joan Danies – Tica Giel – Buchi Boekhoudt – Ruthy Vrieswijk – Carmen Herrera – Amy Lasten – Osaira Muyale – Glenda Heyliger – Nigel Matthew – Diana Antonette – Astrid Arends – Sonja Geevers - Takhai Mohamed – Quito Nicolaas – Eribert Delamarre – Hildward Croes – Vicente Ras- Juby Naar – Yvonne Spellen – Michael Lampe y Mo Mohamed e.o. CAMPAÑA Cas di Cultura kier hanja tur e atencion den e temporada aki, y pesey nos kier kuminsa cu un campaña di maleta, e maleta cultural! “MIND YOUR GAP” ta un frase combina di frasenan masha usa den e mundu viajero. Den e obra aki e frase kier alerta e pasajero (publico) di su posicion den su viaje cultural y guie na su posibel destinacion. Lo usa e maletanan aki pa décora Cas di Cultura. Nos ta haci peticion na un y tur cu tin un of mas maleta bieuw pa pasa lag’e pa nos aki na Cas Di Cultura, e idea ta cu nos artistanan lo elabora e maleta y expone. Cada hende mes tambe por elabora e maleta (pinta of dorna), esaki lo gana un premio masha atractivo y e maleta aki lo keda expone tambe. Kiko nos artistanan ta carga den nan maleta di experiencia? “MIND YOUR GAP”: con grandi e espacio ta entre abo y nos arte y cultura?
Calista
said:
|
|||||||||||||
 |
E artic*lo aki ta hopi amplio y bon awor dicon e no ta den e pagina di c*ltura? Ta e media aki e.o. ta esnan pa pasa e informacion y empuhe pa c*ltura haya atencion den nos comunidad. |
queenies
said:
|
Casa di Cultura pabien. Quito Nicolaas, Kahlil Gibran di Aruba y Hulanda a duna un acte de presence na Casa di Cosmetica Nubian Queen dia 31 di okt y e anochi tabata sensacional, ta manera un strea a llega Rotterdam(sin red carpet) Tur hende por mira e weblog di Quito, nos ta desea nos gran Poeta, Escritor y Filosofo hopi exito na Aruba. SALUDOS DESDE ROTTERDAM, QUEENIES TWINS |
