| Gobierno ta inverti $10 miyon den Turismo |
|
|
|
| Tuesday, 21 October 2008 - 01:08 | ||||||||||||||||||||||||||||||||||||||
 Durante e prome decada di siglo 21 turismo a conoce un sin fin di contratiempo y obstaculo pa su crecemento. Eventonan manera guerra, implementacion di Visa pa cierto paisna, ataquenan terrorista(9-11), crisis den area di salud(SARS), desaternan natural, e incrementacion di prijs di fuel y turismo. Awor aki Gobierno di Aruba(y rond mundo) y e industria turistico den su totalidad ta wordo enfrente cu otro tipo di menasa, esta e crisis den e area di "real estate" y e crisis global financiero, cu por ta e mesun of mas desatroso pa turismo cu esunan den pasado. Click read more pa lesa e articulo completo.Ta poco trempan ainda pa sa exactamente con e crisis mundial lo afecta turismo. Segun Bancop Central e situation economico/financiero di aruba ta stabil, y e prome kwartaal di 2008 tabata uno hopi bon pa turismo di Aruba, cu un crecemento average di 13.9% pa e prome 8 lunanan, u aresulta den un crecemento di 0.2 punto di porcentage (79%) den e "average occupancy rate" y un crecemento den tourism receipts di 22.42%. Sin enbargo, Minister di Turismo & Transporte conhuntamente cu ATA y AHATA a tuma pasonan necesario y a crea un Contingency Marketing Plan pa e siquinte 6 luna y 12 luna cu ta bin. Durante di un reunion sumamente positivo na Banco Central di Aruba, cu awordo atendi pa Directie Finacien,CBS,DEAZI,AIB,CBA,Minister President,Sr.Nelson Oduber,MInister di Finanzas y Economia,Sr,Nilo Swean a ricibi un introduction di e plan di contigencia. E plan strategico, cu a wordo elabora pa Myrna Jansen, Directora di ATA y Sr,Rob Smith, CEO di AHATA, lo requeri un inversion aproxima di $10 Miyon Dollar, adicional na e 4 Miyon Dollar cu a wordo inverti den e promocion nobo di Aruba cu lo start na November 2008. E plan strategico di contigencia lo duna un empuje adicional,necesario pa meradea Aruba na Merca, Europa y Latino America den e tempo di crisis financiero mundial cu ta asotando principalmente Merca y Europa. Cu esaki Gobierno ta spera pa mantene of incrementa e cantidad di stay over visitors, visitors nights, entrada di Gobierno y e Rev Par di hotelnan. Esaki ta crucial, ya cu si no inverti e indicadornan aki sigur lo wordo afecta na un manera mas grave, ya cu si atendee situacion actual manera recomenda den e plan. Segun Minister Briesen, e ta necesario pa Gobierno inverti den su economia y mustra cu e tin confianza den dje. Esaki lo yuda nos mantene nos pocision como destinacion y tambe lo duna inversionistanan e confianza necesario pa sigi inverti den Aruba. na final di e presentacion ya menciona, Minister di Economia y finanzas, Sr,Nilo Swean, a duna sosten na e plan y a compronde su mes pa incrementa e inversion den turismo di Aruba. Ademas di e "boost" di confianza aki, Minister President tambe a afirma cu lo inverti den mudamento di e haf na Barcadera, alredor di 20 miyon, den e Linear Park, cu lo tin un costo di aproximadamente 60 miyon, y den otro proyectonan infrastructural. Esaki un biaha mas ta un muestra palpable di Gobierno pa salvaguardia e industria turismo y tur esnan cu directamente e indirectamente ta labora den e sector principal aki y tur esnan cu ta "biba" di turismo.
ATE
said:
|
||||||||||||||||||||||||||||||||||||||
 |
Riba su mes no ta nada malo cu e inversion aki. Pero Gobierno no mester lubida nunca cu inverti den turismo, ta nifica al mismo tiempo inversionnan grandi tambe imediatamente den tur e otro sectornan, p.e. di vivienda, caretera i i principalmente riba e tereno social tambe. Dus, wak pa e fout no ripiti, cu ta laga solamente e industria turistico florece i no ta haci nada mas pa e otro ramonan cu ta involcra cu e sector turistico. Den practica esaki ta tur e otro ramonan. |
Donald Pieters
said:
|
Un bon paso tuma door di Globierno,AHATA,BCA,ATA etc. nos tin cu prepara dam pa warda awa.E bon noticia ta cu Banco Central a trece un alivio pa tur persona cu tin nan plaka gespaar na banconan.Hopi di nos tabata pensa cu e interes lo a bai baha . Pero despues di cu Banco Central a spilica detayadamente loke ta pasando nos a keda mashar satisfecho. Danki na sra Semereel di Banco Central ,Min.Fin,AHATA, ATA. Donald Pieters Catiri 1-C |
KMLO
said:
|
For di tempo cu Aruba a sali for di e recession cu e tawata aden na anja 2000-2002, despues cu turismo tawata cay y Aruba no tawata wordo promoshona mas e tempo ey y a sera mayora di oficinanan di turismo afor, toch nos ta contento cu ultimo anjanan cu turismo a lanta cabez back (cu exception di anja 2006 ora cu tawatin entre 800 y 1000 camber sera pa renovashon) y cosnan ta bayendo bon, specialmente si compara cu Aruba ta mihor para cu otro islanan den caribe y pronostico ta mas stabiel. Ta bon mes Aruba no core actua pura pura manera otro islanan y manera algun politico tawata kier, pasobra e lo no a resulta toch. Cos ta stabiel awo, ta pa futuro mester sigura cu e booking nan keda drenta. Hopi bon trabow, ATA, AHATA y ministerio di turismo. At least e biahenan ta duna fruto... |
r.b
said:
|
Gobierno ta inverti 10.000.000 den turismo,hopi pero hopi bn mes...... Gobierno ta inverti mas cu 10.000.000 den su sako i di famia i amigonan...hopi pero hopi malo mes.. |
Wowo
said:
|
@ r. b.: Si gobierno inverti 10.000.000 den saco di famia y amigonan, y e famianan y amigonan ey ta pueblo di Aruba, hopi bon mes... at least nos sa cu mayoria (esnan cu a vota MEP den ultimo election cu ta mayoria di Arubianonan) a disfruta di e economia cu nan a rescata for di gobierno di AVP, unda economia tawata cay, hotel tawata bashi y manda hende cas, corruption na ordo y keda sin paga miyones na e comerciantenan cu nan tawata debe.... ta e tikinan cu ta yora henter dia, tur dia, ta esnan cu no a hanja nada, ta pasobra den pasado caba nan a ABUSA y nan no por a ABUSA ultimo 8 anjanan. Tin un ta pura cu e por bolter e gobierno pa e bolbe hanja un descuento di e 9 miyon di florin cu e debe na PUEBLO di belasting..... |
r.b
said:
|
ai om wowo,dios sa cuanto biaha bo mes un jora con karo kos ta aki i con dushi e famia nan i amigo ta biba..of acaso bo ta kai den e grupo ei?mi mes conose minimo di 15 persona cu ta keha tur dia cu nan ta un di e blind nan cu a vota pa mep i cu jamas i nunka nan lo bolbe comete e error ei.otro anja nos ta wak |
Asfs
said:
|
si nan a hinca 10.000.0000 den famia nan saco.. lo polis a hiba nan sera foi masha ten cb!.. kiermen stoi trese testimonio sin pia sin cabes |
Aru
said:
|
Gobierno ta hinca 10 miljoen aki 4 miljoen aja, un cos cu gobierno no mester lubida ta e infrastructuur di Aruba den esei nan mester hinca miljoenes pasobra e infrastructuur di Aruba no ta voorbereid pa den futuro wat betreft cambio di klimaat, i si no haci nada aki 50 anja ongeveer hopi di e hotel nan ei na Aruba no ta exiciti mas.Ondergelopen door water.  |
DKT
said:
|
Asfs hiba ken sera? Stop di pp coi kens,atrobe hiba ken sera? Ta Shon Chiki nan ta sera, grandinan ta keda cana los y sigi abusa, Pakiko bo ta kere cu AVP tambe ta sali liber di Fondo di Desaroyo? Pasobra e mesun marionetanan di MEP lo no sera nan,pasobra nan ta mes of mas LADRON cu AVP. Tende Bon: MEP lo no sera AVP y AVP lo no sera MEP. Bo no a jega di tende CANI MI PA MI CANI BO. Esaki te WEGA, wega, wega, wega. Aruba ta di Caracas pa Coro, asunto di turismo ni papia, mira un october ki, mas malu cu malu, bay check e hotelnan boso comproba boso mes. Mi ta traha den turismo hopi ta bisa cu nan no ta ni bin mas. |
MRMR
said:
|
WAAAAW!!!!! 10 MILLION, DEN TURISMO, NOBRAMI TA KENDENAN OF DEPARTAMENTONAN NA MERCA LO RICIBI PIDA DI E BOLO DUSHI AKI. E TURISTAN CU TA BINIENDO NO TA GASTANDO CASI NADA, VARIOS HOTEL TA ALL INCLSVE. TIN DI NAN TA BINI CU $1000,00 Y SALI FOR DI ARUBA CU $10000,00. |
