 Un trajectorio largo yena cu musica y alegria, ta loke Grupo di Betico
a brinda nos durante 40 aña largo. Ta pesey mes fanaticonan y pueblo
en general te keda cordialmente invita pa ta presente dia 25 october
2008 na Paseo Herencia pa e concierto yena cu alegria, canto y baile
cu Grupo di Betico lo brinda e anochiaki. E concierto aki lo wordo filma
y poni riba un DVD. Nos invitacion ta especialmente pa boso tambe join
nos y aparece riba nos DVD. Grupo di Betico ta lo ta dunando un presentacion en grande pa deleita
nos pueblo cu su canticanan bon conoci. Click read more pa lesa mas.
Ken no ta corda "Paranda
Arubiano", “Ban Celebre y Festehe”, “Ai’nobe Awe”, “Alegria”,
“Le la la wo”, "Mi Conono", “Fiesta den Famia”, "Dugudushi",
“Celebracion”, “Holgorio” y "Nos kier ta mey mey"
y sin laga afo hit di momento "Faya bo haya", Tur ta hitnan
cu a resona basta fuerte tur rond di Aruba. Cuanto di nos tur aña trempan
den october ta polish nos CD-nan di Grupo di Betico pa cuminsa prepara
pa e ambiente di fin aña? Otro ta verf cas, ta cose cortina of drecha
Kerstboom cu e canticanan di Grupo di Betico den backround? Ta hopi
famia ta uni pa traha ayaca of horna nan ham cantando e canticanan di
Grupo di Betico.
Pa no lubida mes con e telefonnan tabata ring tur diabierna pa check
unda e happy hour cu Grupo di Betico lo bay ta. Hopi di nan fanaticada
tabata compaña Grupo Betico unda nan bay. Tur esaki pa motibo cu Grupo
di Betico tabata sa di trece ambiente, alegria y diverticion unda cu
nan ta.
Grupo di Betico kier celebra su cuarenta aña hunto cu e pueblo Arubano
y lo percura pa e anochi aki bira uno inolvidable. Pesey mes laga nos
join e paranda dia 25 di october proximo na Paseo Herencia cuminsando
8:00 or di anochi. .
Grupo
di Betico a keda funda pa e estadista Arubano Betico Croes (que en
paz descanse) hunto cu su ruman- y primonan. E tempo ey e grupo tabata
carga e nomber "Betico y su Grupo". Betico y su Grupo tabata
pasa cas pa cas pa trece e bon mensahe di pasco na hopi di nos famianan
na Aruba. Y Aña nobo nan ta sali cu nan famoso Dande. Despues cu Betico
a bai laga nos, famianan a dicidi di trece un cambio chikito den e nomber
y a cambia esaki pa "Grupo Di Betico". E grupo aki tin como
meta pa mantene e nomber di Betico bibo den forma di crea y produci
musica folclor cu mensahe alegre. Betico tabata un personahe, un estadista,
un persona cu a nifica hopi pa nos pais. A pesar cu Betico tabata un
politico, Grupo di Betico no ta profila nan mes riba e tereno politico.
Nan tey si pa percura pa deleita nos cu canticanan tradicional Arubano
tur fin di aña.
Grupo di Betico na varios ocasion a representa nos pais den exterior
entre otro na Curacao (intercambio cultural), Boneiro (na varios ocasión),
St. Maarten (pa un celebracion di dia di Aruba), Hulanda, Alemania,
Belgica, Brasil (promoviendo nos turismo), Republica Dominicana (na
ocasión di nombracion di un caya na nomber di Betico Croes), y Cuba
(intercambio cultural).
Na Aruba
ultimo añanan Grupo di Betico ta goza di popularidad grandi, haciendo
nan presentacionanan den e temporada di fin di aña. Nos no kier
keda sin menciona e Paranda Balashi cu tambe a contribui na e popularidad
di e grupo aki. Un palabra di danki ta bai na tur nos fanaticonan, na
e pueblo en general cu semper ta presente na nos presentacionnan, esnan
cu semper a zorg pa tin nos CD-nan den nan coleccion. Tambe na nos comerciantenan
cu a coopera cu nos ora cu tabata necesario, un palabra profundo di
gratitud. Di parti di fundacion Promove Cultura y Folclore, nos kier
a gradici inmensamente e integrantenan di e grupo, danki pa haci Grupo
di Betico locual cu e ta awe. Na e famianan di e integrantenan nos ta
gradici nan pa nan pasenchi cu e integrantenan. E parandanan sa ta largo
durante e temporada di fin di aña. Nos kier a expresa un palabra di
gratitud tambe na e integrantenan cu ya no ta cu nos, pero nan famianan
si, pa e gran trabou cu nan a haci pa tene e grupo aki uni pa asina
hopi tempo. Nos promesa ta di sigui tene e grupo aki hunto hopi aña
mas.
Pa e
anochi di 25 di october 2008 na Paseo Herencia nos ta invita tur nos
fanatico, e pueblo di Aruba en general pa ta presente y join nos pa
e grabacion cu lo tuma lugar e anochi aki. Bin balia y canta cu nos.
| Comments () >> |
 |
 |
