| Dumfries ta asombra cu reaccion di AVP |
|
|
|
| Wednesday, 22 October 2008 - 00:02 | |||||||||||
 Cu asombro parlamentario Dirk Dumfries a tuma nota di e
reaccion pesimista di miembronan di AVP pa loke ta e extra 10 miyon
dollar cu gobierno ta bay inverti den promocion di nos turismo. Sr. Dumfries ta sigi enfatisa: "Mi ta
haya lastima e actitud negativo di parlamentario Mike Eman y Otmar
Oduber den e caso aki. Pakico nan ta contra hende muher? Turismo ta nos
pilar di nos economia y un sector masha vunerabel. E actual accion di
gobierno pa traha un plan di contegencia ta algo logico y necesario
mirando e crisis financiero na Merca cu ta afecta nos. E desicion pa
pone extra 10 miyon dollar pa promove nos turismo ta uno na tempo y
bon. Hasi politica cu algo serio cu ta nos turismo ta di condena
mirando cu hopi di nos tata y mama cu ta traha duro nan ta depende di
nos turismo. Hopi hotel a inverti pa hisa e calidad di nan servicio. Click read more pa mas detayes.Pa dal cacho no falta palo. Dia nos a drenta den gobierno nos a haya un turismo bandona y ta gracias na e vision di Minister Briesen y su staf di ATA a logra pone Aruba ariba e mapa di e estinacion mas preferi y di calidad. Pues e maneho cu Gabinete Oduber ta hibando ta uno democratico y transparente. Esmas ta involvi su partnernan pa hunto pensa pa mehora nos producto y nos economia. Notable ta cu varios hende muher den puesto clave tin algo di bisa den e toma di disicion. Loke den pasado ora Eman ta goberna no tabata e caso. Gabinete Oduber a demonstra cu e team cu a wordo crea ta esun mihor pa exito ariba corto, mediano y largo plazo. Segun parlamentario Dumfries, un team mixto caminda ta hasi bon uso di tur conocimento, sabiduria y talentonan di nos hendenan. Specialmente di nos hende muher den e mundo monetario, financiero y hotelero ta un garantia pa un planteamento. y resultado exitoso! Mi ta optimista, ta kere den nos hendenan y cu e desaroyo den e sector turistico ta bon. Cu e salida aki lo tin un resultado exitoso.
Aru
said:
|
|||||||||||
 |
Mr. Dirk Dumfries ami ta un arubiano, ami no ta miembro di ningun partido politico paso pa mi tur ta mes un cos tur ta priminti esaki of esaja, pero puntje bij paaltje majoria cos cu nan a priminti no wordu realisa. Pero pa mi bini ariba e punto cu mi kier ta,ta mas splicacion di gobierno su banda den ki projecto gobierno ta bai hinca e 10 miyon dollar aki? Ja nos arubiano nan biba na Aruba tambe ta keda na haltura con nan cen di belasting ta wordu usa. Met vriendelijke groet. V.Tromp |
Wowo
said:
|
E $ 10.000.000 lo wordo manda pa e compania di promoshon di USA cu lo percura pa traha, defundi material di promoshon, tanto ariba billboards (very common usa na USA), articles, radio promotions y TV reclame, cual ta esun di mas caro. Semper ta bon pa Arubiano sa unda e placa ta bay, tanto den proyectonan, promoshonan. Awendia bo ta wak esaki den infrastructura, edificionan, material pa justicia, seguridad nacional, proyectonan social, educashonal y miyones na salario di nos maestronan, polisnan, bomberonan y otro ambtenaarnan. Tambe gran parti ta bay pa nos economia via e comerciantenan local cu gobierno ta hasi uso di nan servicionan, banconan, bendedornan, tiendanan, wholesalers, importers etc etc etc cu algun hende ta yama nan awendia "friends and family'. |
what goes around...
said:
|
Transparancia ta falta na tur caminda. Ami a traha pa DAF na eindhoven. Ora e compania a bai broke hopi hulandesnan a pomp placa pa nada den dje .Nan a paga tur nan trahadornan y despues DAF a bai broke defenitivamente ! esei ta bai pasa cu section di turismo tambe ?!   |
xoxo
said:
|
Aru: loke Minister Briesen a bisa durante e reuda di prensa na Banco Cental ta: a traha un plan di contegencia. E plan aki di publicidad y mercandeo lo mester percura pa yena e cambernan di hotel. E lo costa 10 miyon dollar. Pues lo busca tur forma pa haya turista bini Aruba apesar di e crisis financiero. E situacion den nos turismo ta exihi pensamento, teamwork y un bon programa di mercandeo. Den e plan tin scirbi den detailles con ta bay aserca e turista na Merca, Sur America y Europa pa bini Aruba via tur medio di comunicacion, flyers y jamada personal na e repeat guestnan. Lo no paga ningun airolinea pa hinba turista Aruba. Tambe debi cu tur hotel a invert miyones pa 'up grade ' na cambernan y servicionan, lo no baha e prijs pa camber. Aruba ta keda un destinacion di calidad y safe |
