| III Encuentro Multicultural 2008 |
|
|
|
| Thursday, 23 October 2008 - 00:00 | |
|
E evento aki a
cuminsa bou iniciativa di Minister di Labor, Cultura y Deporte, Sr.
Ramon Lee na aña 2006, cu e fin di uni tur e diferente
colonianan cu ta biba na Aruba cu otro. E idea principal ta pa
fortifica e laso di amistad entre e Arubiano y paisano di otro
nacionalidad cu ta biba na Aruba. E ta un encuentro anual entre hende
di tur rasa, sexo, edad, credo y nacionalidad cu ta biba, traha y
contribui grandemente na desaroyo di Aruba pa stimula y sigui
comparti cada un su herencia, patrimonio y legado cultural.
Meta di e evento aki ta pa crea un espacio di intercambio caminda artista di tur genero y nacionalidad, por demostra su talento y potencial artistico cu ta rondona nos riba un solo isla, como tambe di cera conoci cu otro pa medio di arte, literatura, pensamento, filosofia, idioma, religion y folklore popular. Grupo di enfoke pa e anochi ta e Pueblo di Aruba, famia en general, bishitante, habitante stranhero, consulado y representantenan di diferente colonia establece na Aruba. E aña aki Departamento di Cultura ta organisa e encuentro aki bou di e tan conocido lema di sr. Hubert O. “Lio” Booi, esta: “Pone e Arubiano na altura di su cultura y siñ’e conoce di otro” y y ta conta cu participacion di paisnan manera: Costa Rica, Boneiro, China, Corsou, Filipinas, Colombia, Trinidad, Portugal, Republica Dominicana, India, Peru, Israel, Francia, Belgica, Venezuela y naturalmente Aruba. Esaki ta un oportunidad cu ningun hende por perde!!! Bin disfruta di un tremendo encuentro den forma di celebracion y keda sorpresa pa e diferente espectaculo multi-disciplinario y cultural, desplega den forma di baile, musica, teatro, documentario, obra, cuenta, poesia, declamacion of sketch teatral. Banda di tur esey, nos ta conta cu un exposicion artesanal hopi varia cu video, potret, calendario, buki, souvenir, obheto di coleccion, popchi cu trahe tipico, ceramica, pintura, escultura, bandera, escudo, moneda, paña, accesorio decorativo y un feria di cuminda cu varios cuminda tipico di diferente pais. Bin saborea y disfruta di e cultura y e platonan mas atractivo di e diferente colonianan cu ta comparti cu nos den un verdadero ambiente familiar!!! Pa mas informacion yama libremente den oranan di oficina na telefon 582.2185 y tuma contacto cu sr. Vale Croes of Jhon Fredy Montoya na Departamento di Cultura, of via e-mail na This e-mail address is being protected from spam bots, you need JavaScript enabled to view it |
