|
 Parlamentario
Monica Kock, MPA, a participa na reunion di Parlamento Latinoamericano
tocante energia alternativa y e prijs di petroleo. Na e reunionan a
participa e paisnan Chili, Argentinie, Uruguay, Mexico, Costa Rica,
Guatamala y Paraguay. Cada pais durante e reunion tabata trece nan puntonan
dilanti y kico nan ta haci concerni e prijsnan di energia cu ta afectando
nan pais. Mexico por ehempel tin petroleo di su mes, pero toch e tin
energia alternativa tambe. Tin diferente motibo pa cambia pa energia
alternativa y esun mas importante ta pa kita e dependencia di petroleo,
mas ainda cu energia alternativa ta miho pa nos ambiente. Click read more pa lesa mas.
E dependencia
di petroleo ta trece cu e paisnan mes no tin influencia riba e prijs
di petroleo y asina ta masha vulnerabel y dependiente di otro pais.
Aruba den esaki,
compara cu e otro paisnan presente, ta e pais cu ta depende mas ainda
riba petroleo. Nos awa y coriente ta depende di e petroleo. Nos turismo
ta depende riba petroleo pasobra ta via transporte nan ta yega Aruba,
mas tanto cu avion pero tambe barco. Nos alimentacion ta depende totalmente
riba transporte, kiermen petroleo pasobra nos ta importa tur cuminda.
Y mas ainda e transporte na Aruba mes pa nos funciona, bay trabou, school
etc ta depende di prijs di gasoline, kiermen petroleo.
Aruba den esaki
ta e pais mas dependiente di petroleo cu cualkier otro pais. Kiermen
e prijs di petroleo, of compania di petroleo lo dicidi e economia di
nos pais y bida di nos pueblo completo. Esaki lo ta e motibo mas cardinal
pa cambia pa energia alternativa. Cardinal ta pa no laga nos awa y coriente
depende totalmente riba petroleo pasobra sin esaki nos pais y pueblo
no por funciona.
Parlamentario
Monica Kock tin hopi tempo caba ta mustra cu mester kita e dependencia
di petroleo na Aruba. Ta awo parce cu gobierno no ta realisa e vulnerabilidad
cu nos pais tin a base di petroleo. Henter nos bida y bienestar ta depende
di petroleo directo of indirecto. No por laga e situacion di Aruba keda
manera e ta. Nos tur sa cu petroleo ta bay caba y Aruba no por keda
warda ten a final pa drecha su situacion. Mester ta pro activo en bes
di keda sinta warda y pensa cu e situacion di petroleo mundialmente
no ta bay afecta Aruba. No por keda warda mas. Hecho cu gobierno ta
acepta cu e plan di energia cu mester tabata cla 2005 te awe no a wordo
entrega na parlamento ta papia pa su mes. Pesey parlamentario Monica
Kock a haci e peticion pa regla un cita durante tripartiete na Hulanda
na juni 2008 pa parlamento tocante energia di biento como alternativa.
Pesey parlamentario Monica Kock tambe ta den e Comision di Energia di
Parlatino. Solucion tin suficiente. Ta accion vision, decision y accion
falta.
| Comments () >> |
 |
 |
