| RED cu exitoso reunion di membrecia |
|
|
|
| Wednesday, 29 October 2008 - 00:00 | |||||||||||||||||||||||||||||||||||||||||||||||||||||||
 Dia 26 di oktober 2008 a tuma
lugar e reunion anual di membrecia di partido RED. Un reunion cu participacion
activo y dinamico di nos miembronan. A resalta tambe serca nos invitadonan
cu e reunion di Partido RED ta bai asina democratico. Membrecia ta disidi
concientemente y ta hasi pregunta critico durante e reunion importante
aki cu a tuma lugar na Club Don Bosco, Noord. Click read more pa mas informacion.
A keda aproba e manifiesto
pa eleccion 2009, unda partido RED tin 5 prioridad di maneho, e red
di 5 “s”: sostenibilidad, salud, scol, seguridad y
Membrecia a aproba e relato
di directiva y e relato financiero. A keda expresa palabranan di elogio
pa e trabao di e secretaria, sra. Julie de Cuba, y e tesorero, sr. Henri
Coffi. A keda eligi como miembronan nobo di directiva: sr. Erwin Ras,
sr. Hubert Falcon, sr. Angelo Croes, y sr. Rudgery de Kort. Ta un enriquecimento
pa e organización di por tin dos hoben awor den directiva di RED. Tambe
a gradisi sr. Elio Nicolas kende pa motibo personal a baha como consehero,
kende a pone for di cuminzamento di RED su experiencia y sabiduria disponbel
pa nos organización. Nos ta desea sr. Nicolas hopi éxito den su projecto
personal y nos por sigui conta cu su apoyo. A keda nombra como consehero
nobo, sra. Enid de Kort, y nos ta hopi orguyoso di por tin un hende
muher como nos consehero. Riba e portret por aprecia e directiva completo
di RED, hunto cu su presidente actual, sr. Luigi Bergen. E punto culminante di e reunion tabata e conferencia di dr. Robert Leal. Su conferencia riba e topico di Etica y Politica a enfoca riba e dicho antiguo: si bo kier cambia mundo cuminza cu bo mes. Riba e portret por mira e momento cu Parlamentario Lampe ta obsequia dr. Leal como muestra di gratitud pa su aporte e ultimo publicacion di lider di fraccion di RED, “Mi ta djis cumpli cu mi deber. E balornan cu a guia mi di sacerdote pa politico”. RED por mira bek riba un reunion sumamente exitoso y e animo pa contribui na e cambio 2009 ta grandi. RED ta cla pa asumi gobernacion di Aruba na 2009!
michinen
said:
|
|||||||||||||||||||||||||||||||||||||||||||||||||||||||
 |
Mi dios ta unda e paar di payaso nan aki a sali ta cua circo nan a sali pade lampe i bo coleganan cu tur respet pa espues boso no jora baha i no pensa mes den politiek |
michinen
said:
|
Red cu cua placa lo bo traha si bo kita BBO boso ta lage sona bon pero contestami cu cua placa boso lo drecha Aruba su scol, salubiridad i etc hahahah di berdad boso no ta .... |
Anti-Hipocrecia
said:
|
Shon pueblo tin wowo tur caminda. Y danki na abo cu San Nicolaas a perde su unico projecto cual ta race track, bo ta corda con bo a drumi riba caminda bandi di Rudy Croes? Te dia di awe nos no a mirabo hiba un pida pan of tiki awa pa e shokonan y lagadishinan, ban serio Shon Rudy....bo ta purba di gara Dios na su barba? Wel esaki ta dijes un tiki di e manteca di porko cu tin den politikeria, esaki ta bo prome biaha pa hanja critica, dus preparabo paso "No ta abo so por critica". Stand by more to come .... |
Juan PUEBLO
said:
|
Pueblo di Aruba esakinan ta e futuro PASTOOR nan nobo pa Aruba. Mi ta spera cu nan tur SLAAG |
Chispa
said:
|
***** Un pabien na partido Red cu su miembronan di directiva. E entrada di e dos joven balentenan aki den directiva di partido Red ta refleha e anhelo di grandi y chikitu pa un Aruba diferente...Keep it Up Guys!!!!!! |
Playero
said:
|
Rudy stop di sonja lanta !!! Ni como parlamentario bo por asumi bo responsabilidad, corda como gobernante !!! Bai cambia e wayabero ey prome cu e broei !!! Ainda bo ta pega den tempo bieuw, tanto na bistimento como pensamento !!!  |
Bito
said:
|
Chispu.......5 kiko???oww..5 florin pe buki??great!!!hahaha |
TeeTia
said:
|
Mi ta uni mi mes na comentario di Chispa. Tambe mi tin un bon recomendacion pa esnan cu gusta literatura. "Stillness Speaks" di e author Eckhart Tolle.Y mi ta quote un pasahe den e buki: "True intelligence operates silently. Stillness is where creativity and solutions to problems are found". |
Hellraiser
said:
|
Mi a lesa un cos di RED, na unda cu mi a keda cu pregunta. RED lo elimina Coordinador y conseheronan.RED lo bay haci uso di di conseho di 4 instancia. Tres di nan mi sa kiko nan ta. Un di nan nunca prome mi a tende di dje, es cu ta Consulta di conseho. Mi pregunta ta, kiko den concepto di RED ta Consulta di conseho?? Esaki lo no ta mescos cu consehero di minister, solamente den un otro nomber??? |
Chiwawa
said:
|
Bito...mi ta sigiendo bo comentarionan ultimo tempo...bo ta gastando hopi ENERGIA pa purba crack y lastra otro hendenan....watch out cu bo partido no cuminsa cobrabo Brandstofclausule riba bo energia mal gasta. |
Chiwawa
said:
|
Lesando boso comentarionan......cheee...hopi envidia. Un partido cu kier nifica cambio y progreso pa nos pais....y kiko bo ta lesa....envidia, envidia y mas envidia. people lets upgrade...e nivel ta hopi abow, tristo  |
Bito
said:
|
chiwawa:mi no ta lastrando,mi ta wak realidad, ban ta sincero cu otro, con nan lo bahele? Ami ta y lo keda bisa hende nan berdad den nan cara, papia kiko cu bo kier..........cua gobierno a traha pa e lugar aki?? Bisami,cua?? Cual cambio?Estillo air aruba??? Apocas palabra! |
justice
said:
|
Ki dia e meneer Lampe ta stop di sonja lanta |
Hellraiser
said:
|
Chiwawa, ya cu abo kier upgrade, bo por a contesta mi preguntanan haci un paar di comments na halto?? Esun di loke ta trata e diferencia entre consulta di conseho y consehero. Masha danki pa bo coperacion. |
Politica
said:
|
Pabien RED. A bira tempo pa hendenan humilde cu antes Aruba tabata tin. Bin tuma mando y hasi e pais un pais cu Rubiano por ta orguyoso di dje. Porfin un partido cu ta para pa esnan cu tine menos miho y cu ta kier combati corrupcion. Rubianonan wak y realisa cu e partidonan traditional no por sigui cu corrupcion y malgasta placa di pueblo. Mi ta contento cu tin hende na Aruba cu ainda tin speransa pa e pais aki y kier lucha pe. Pesey mi ta aplaudi e personan aki. Nan no mester di falta di respet. Apoyanan... |
pinda
said:
|
Un pabien na partido RED. Hoge bomen vangen veel wind. Unda cu mi papia cu hende ariba caya mi ta wak cu RED tin hopi sosten den pueblo. Lastimamente mayoria medio di prensa aki na Aruba ta partidista enbes di neutral y nan ta hasi nan best pa crea e impression ironeo cu RED ta chikito. Semper mi a sinja cu e perception di realidad den noticia por ta full diferente cu e realidad cu nos ta biba aden. Mi mensahe pa tur hende: usa bo mesun common sense y no bay solamente tras di lokual bo ta lesa den corant y wak riba television, paso ta lokual nan kier pa bo wak so bo ta haya pa wak! |
pinda
said:
|
@michinen: si mi mester scohe entre e payaso cu ta hasi un trabou honestamente of e cool guy cu ta malusa su puesto pa ganja y horta, anto mi ta prefera di scohe e payaso. Tur cos ta draai rond di e mesun punto: bo kier bon pa bo so y pa bo grupito of bo kier bon pa nos tur, como un pueblo ariba e isla aki? Awo: scohe pa un partido cu a demostra caba di malusa mi confianza? Of scohe pa un partido cu ta nobo y kier practica politica di un forma diferente? Pa mi e choice no ta dificil... Un bes mas: Pabien RED! Way to go! |
pinda
said:
|
@ Juan Pueblo: pa lokual mi ta lesa di bo, mi tin e impression cu bo no a sinja mucho di historia y tampoco di bo experencia di bida. Kizas bo ta inteligente, pero e no ta refleha den lokual bo ta scirbi. |
Alberry
said:
|
Pabien partido Red ku boso directiva Nobo. Y korda mientras los perros ladran la caravana pasa........... |
Hellraiser
said:
|
How funny, boshi pabien, pero NI UN por contesta mi pregunta. |
mal
said:
|
Hellraiser. RED den gobierno lo haci uso di e empleadonan di gobierno cu tin e experticio necesario y principalmente di e cuater instancianan cu a keda forma pa garantiss nos democracia. (ARA, CAD, RvA YSER). Esaki ta posibel pasobra cada minister ta un experto riba su tereno. Mi ta spera di a contesta bo satisfactoriamente. Saludos. |
Hellraiser
said:
|
mal, wel, nada lo cambia. Ta asina caba. E 4 instancianna ta haci esaki caba. Pero RED a menciona e di 5 es cu ta consulta di consehero. Esey ta e pregunta. E 4 instancianan aki, mi conoce caba cu ta duna nan experticio . Ministernan tin banda di esaki nan conseheronan, pero RED kier elimina esey anto pone consulta di conseho. Mi pregunta ta, kiko ta e diferencia anto entre conseheronan di minister y consulta di conseho. |
Hellraiser
said:
|
mal, pero kiko RED kiermeen cu consulta di conseho??? Esey ta mi pregunta. E 4 instancianan ta haci e trabao ey caba. Pero nunca antes mi a tende di consulta di conseho. Plkease, splika mi kiko RED kiermeen cu esey. |
michinen
said:
|
Pinda tende mi un cos aki ami lo no kier biba bow hende nan cu no kier traha pa pueblo bo ta ciego sorry pero nan no ni hanja 1 asiento keremi pinda miho bo vota corecto pa despues bo no jora of critica peru any way bo ta mes un payaso cu red .pabien cabinete Mep |
parlamentario lampe
said:
|
Pa loke ta e pregunta cu a keda hasi. E no ta consulta di conseho, e ta hunta di conseheronan, y no ta referi na e aparato gubernamental, sino na e organizacion politico di RED. RED ta un vereniging, cu su membrecia, directiva y tambe tin un raad van adviseurs, stipula den e statuten di nos stichting. E no tin nada di haber cu gobernacion di Aruba, e ta referi na nos organizacion politico. Mii ta spera cu e pregunta a keda aclara. |
Hellraiser
said:
|
Parlamentario Lampe: Tur partido politico ta un sorto di organisacion politico. Tur tin mescos cu RED statuut, directiv, conseheronan(adviseurs), miembronan. Mi pregunta no a ser contesta. Mi pregunta ta basa ariba palabranan cu a ser usa, cu lo kita conseheronan di minister( cu a ser referi como friends and family, gastamento di placa di pueblo y etc..). Den mesun texto a ser bisa cu deshaci di nan y lo apunta hunta( of consulta) di conseho. RED mester papia cla y no bruha nan mesun cosnan.( lastimamente mi no tin e informe mas, serlimar a bay cu ne caba)No ta prome biaha cu RED ta bin cu cosnan re-inventando e wiel cu otro nomber. Y tambe spera cu RED conoce nan plan di gobernacion 2005, pasobra ami si a les'e varios biaha y RED a actua na varios ocasion completamente contrario anto den oposicion. Y tambe awor diripiente Rudy Lampe lo bira prome minister pero otro ministernan lo forma como zakenkabinet. STOP DI GANJA VOTADORNAN DI RED. |
