Pa 4 aña consecutivo Arubianonan na Hulanda ta celebra Halloween. Mescos cu na Aruba esaki Ya caba a bira manera un custumber cu riba e anochi di Halloween tin differente actividadnan unda tur hende ta bay disfrasa. E aña aki Arubianonan na Hulanda un biaha mas tin nan mesun Halloween party y e aña aki cu ta carga e nomber di Thriller. E biaha aki e organishon nan Arubiano na Hulanda cual ta Den E Suace y tambe Exide Music (NL) a bin huntu un biaha cu e organisashon Massive production pa por trese e magno evento aki. Esaki ta priminti di bira un anochi grandi ya cu e organisadornan aki no ta desconosi den e mundu di farandula na Hulanda mirando cu den pasado caba nan a trese eventonan grandi cu tawata sold out y cu un tremendo ambiente. Diabierna awo 31 di oktober lo no ta un excepshon mirando e tremendo line up di bandanan y dj, cu e organisadornan aki a trese huntu pa loke ta bay bira e Thriller Halloween party. Click read more pa lesa mas.

Pa loke ta trata e bandanan cu lo presenta ribe e escenario di e magno evento aki lo ta Orange Grove y Punky Donch. Orange Grove ta un banda cu no ta desconoci na Hulanda y ni den Caribe ya cu e banda aki constantemente ta presenta den evento nan grandi na Hulanda. Sigur mas intresante ta cu nan caba di yega Hulanda bek di un gira cu nan tabata tin den caribe. Pa loke ta trata Punky Donch easki ta un banda nobo cu ta consisti di Arubiano y Antilliano cu ta biba na Hulanda sigur esaki ta un banda cu lo mester tene cuenta cu ne den futuro mirando cu cada presentashon nan ta haya un acohida mas grandi. E Dj nan cu lo presenta e anochi aki sigur lo caba di pone e fiesta boca abow, teniendo na cuenta cu den e line up tin e conocido Dj Zoontje cu ya caba no por falta den un fiesta Arubiano mirando cu cada biaha ta duna un bon presentashon. Tambe den e Dj line up lo tey e dj mas nobo di Exide Music (NL) cual ta Dj Double R kende ta tambe ta haciendo un bon papel den su presentashonnan na Hulanda. Sin laga afo tambe di Exide Music (NL) lo tey Dj Sky kende no ta un desconoci mirando cu e dj Arubiano aki ya ta un di e dj nan na Hulanda basta popular cu presentashon nan rond di Hulanda y Europa.

Huntu cu Dj sky lo forma parti tambe di Exide Music e anochi aki Mc Risico kende ta un Mc cu ja caba a yega di Mc na festival na grandi na Europa manera Deephouse festival. Por ultimo no por keda afo Dj Bjorn kende ta bon conoci pa su set nan bailable sigur pa tur e bailadoresnan. E magno evento aki lo tuma lugar diabierna awor na e lujoso Club More Amor situa na Amsterdam, e capital di Hulanda. Lo ta bay tin premio pa e disfraz mas creativo y espanantoso sigur tur Arubiano na Hulanda ta invita pa ta presente na e gran evento aki. Nos di 24ora.com tambe lo tin nos corresponsalnan na hulanda pa por trese parti di evento aki pa nos lectornan. Pa mas informashon riba e evento aki por bishita e webpage www.halloweenfiesta.nl

Comments (2) >>

Show/Hide comments

Thriller said:

Cos ta bai ta hot 400 ticket bendi presale ........Awe nos ta bai all out saca stess di tentamen !

October 31, 2008

The Low Guy said:

Pa bastante anja caba twt tin halloween party di studiantenan Arubiano na Hulanda, esaki ta nada nobo. Have fun guys

October 31, 2008

Write comment

Show/Hide comment form

Name

Email

Comment

Add Comment