La Cabana Beach & Racquet Club su Festival di Canto cu a tuma luga recientemente, bou di e titulo "Reach Out & Touch," a entretene un convention center completamente yen, y e 17 streyanan di canto, consistiendo di asociadonan di e hotel, a impresiona esnan presente cu nan talentonan vocal. Den categoria B, prome luga a wordo logra pa Roland Croes di e Housekeeping department cu "Nos Mundo," di dos luga a bai pa Orlando Bolivar di e Food & Beverage department cu "Me bebi tu recuerdo," y di tres luga a keda na nomber di Jerry Lejuez di e Food & Beverage department cu "Honey." Click read more pa mas imagen.

Den categoria A, e prome luga a bai pa Aisha Romano, Bluegreen, cu "Killing me softly," di dos luga tabata domina pa Maruschka Violenus, Bluegreen, kende tambe a sali Cantante Mas Popular, cu "Como se cura una herida," y di tres luga a wordo obteni pa Loiren Gibson, Bluegreen, cu "One Love."

E categoria mas comico, esta e playback show, cu Cantante di Baño, a wordo domina pa ganador Roland Croes di e Housekeeping department, kende a canta "Buracu di fluit."

E comision social encarga cu organizacion di e festival ta raporta cu ganadornan a ricibi trofeonan briyante, premionan monetario y regalonan cu a varia di cenanan pa carchinan pa De Palm Island, y week-end stays cortesia di e hotel su relacionnan comercial amabel.

Dialuna, 3 di november, 2008, lo tuma luga un evento di aprecio; cada participante lo ricibi un DVD conmemorativo di e 2008 Festival di Canto y un potret cristaliza como recuerdo. Durante e mesun atardi aki, e hotel lo entrega un check di donacion na Audrey Croes-Lacle di Fundacion ADOPTA UN ADICTO, na cual e festival di canto a wordo dedica.

For di e 15 door prizes, e premio mayor, un estadia di un siman na Orlando, a wordo gana pa e hoben Rainier Sprott.

"Cassenger Sweet Band" bou di e direccion di Casin Giel, a haci un trabou fantastico. Su pasenshi y profesionalismo a permiti tur cantante amateur di La Cabana Beach & Racquet Club pa gana confianza y atene crecemento personal, pa asina bira na final di e serie di entrenamentonan, 100% miho pa loke ta control di voz y estilo di presentacion. El a pone e cantantenan sinti nan mes comodo y a saca lo miho di nan.

E spectaculo, cu un miho sistema di luz y efecto di zonido, cortesia di Ted Hasham y Jozef Winklaar, a mehora e festival considerablemente y a produci entretenimento di alta caliber.

Un danki special ta bai na e "Striving Artists," esta miembronan di gerencia y empleadonan cu a haci un impacto cu nan presentacion, ya caba nos ta mirando dilanti cu hopi espectativa pa loke lo ta nan show impresionante di otro aña.

Ricardo Croes tabata encarga cu e cuerpo di hurado y tabatin e tarea dificil di scohe e ganadornan, pero el a haci un bon trabou di cumpli cu su tarea.

Comments (1) >>

Show/Hide comments

Giselle Croes-Geerman said:

Pabien Aisha!!!!!!!!!!!!!! Ainda nos tin cu bai canta hunto un dia............

November 03, 2008

Write comment

Show/Hide comment form

Name

Email

Comment

Add Comment