Un vocero na nomber di gerencia di Brisas del Mar na Savaneta 222A, a anuncia e siman aki cu e restaurant di 33 aña ta sera. E facilidad banda di lama a sufri dañonan substancial recientemente durante Ola Tropical Omar, y aunke cu e empleadonan dedica a haci limpi y a habri e restaurant bek e siguiente dia, despues di poco tempo a sali na cla cu algun di e dañonan haci ta mas cu cosmetico, y un inversion adicional lo ta rekeri pa haci Brisas Del Mar operacional atrobe.

"Lamentablemente nos a sera e restaurant, pa asina permiti nos un tiki tempo pa considera nos opcionnan," e vocero a declara, "nos ta trahando duro riba solucionnan, mientras cu nos kier pa e companianan unda nos ta cumpra nos productonan sa cu nan lo wordo paga, no tin motibo pa preocupa, y cu nos lo honra tur nos obligacionnan, den e siguiente dianan nos dilanti, serando tur nos cuentanan cu honor, prome cu nos cuminsa cu e proceso di reconstruccion."

Comments (10) >>

Show/Hide comments

JR said:

Jammer, un retaurant di tanto anja caminda di chikito mi tabata bay come eynan y nan cuminda semper ta dushi. Mi ta spera cu e lo por habri bek y cu nan mesun cuminda dushi di semper.

November 03, 2008

why? said:

Ban spera den nomber di dios boso lo hania forsa i cu cumunidad di Aruba,Savaneta i muy especiamente gobierno. Pasobra ta cos di jora si e luga mester sera pa semper,un duele di berdad. Lo mi resa tur dia pa dios duna e propetario hopi forsa i pe sige lucha. DUSHI CUMINDA MANERA EYNAN TA DURO PA HANIA. LOVE. RdM.

November 03, 2008

chandrika moondi said:

Cu e reces cu ta azotando nos turistanan Americano y di otro pais ta casi imposibel di keda mantene un restaurant di e clase manera Brisas del Mar habri. Un di e mas mihornan di nos isla. Mi ta kere cu nan opcion realistico lo ta di serele temporaimente, till good times return again. Riba hende local so nan no por draai. Realidad di bida.

November 03, 2008

scorpio1311,rotterdam said:

Esaki si ta tirsto, paso mi vakantie cu a pasa ei mi tawata bai come hopi na brisas del mar. Hopi leuk, hopi ambiente i un lugar di savaneta pa hopi tempo. Mi ta spera cu e por wordo habri pronto, Jane ,ik wens je alle beste toe met het restaurat,ik hoop dat het nog mooier wordt en gezelliger,go girl,you can do it.

November 03, 2008

d.p. said:

Wel ami a come un poco prome cu horcan a pasa, masha dushi mes , empleadonan super amabel. ya succes, lo mi wak boso pronto habri bek.

November 03, 2008

Analisis said:

JR, no preocupa pasobra e Chef a laga sa cu e ta sigui e tradicion di nos cuminda crioyo. Bo kier disfruta di un cuminda sabroso, aire di laman sabroso, esaki ta un di e luganan cu por echt relax.

November 03, 2008

aidan said:

dikon boso ta cera? bay habri pa nos turista nan bin come pa nos haya placa hahahahahhahahahahahhahaha

November 03, 2008

Bright Side said:

Ban spera tur cos bay bon y e habri bek pronto pasobra e temporada di Pasco ta hopi serca y falta di Brisas del Mar ta bay wordo sinti sigur sigur.

November 04, 2008

Nataly said:

Hende nan, e no ta bai sera pa semper.... Den e momento nan aki nan ta bow di reconstruccion.

November 05, 2008

King Tuth said:

Nos merkado ta kambiando poko poko. Si nos sigui ku e mes un tendencia di merkadeo aworaki bo ta kai atras, pero ku horkan tambe dalbo, no ta kuestion di no kier cera, pero ta un must pa sera. Tristu pero e realidat ta asina

November 06, 2008

Write comment

Show/Hide comment form

Name

Email

Comment

Add Comment