| Aruba ta vota pa Parlamento Europeo |
|
|
|
| Monday, 03 November 2008 - 00:00 | |||||||||||||||||||||||||||
 Cambio
di e ley di voto relaciona cu otorgamento di e derecho di voto pa miembronan
di Parlamento Europeo pa tur Hulandes cu ta biba na Antiyas y Aruba
awor a pasa Eerste Kamer tambe na Hulanda. Dia 4 di Juni tur ciudadano
na Aruba cu derecho di voto lo por bai vota pa eleccion pa Parlamento
Europeo.E proposicion di ley ta provee
den amplia e derecho di voto pa miembronan di Parlamento Europeo pa
Hulanesnan biba na Antiyas y Aruba. Staatssecrtaris pa Asuntonan di
Reino Ank Bijleveld a yama Lider di AVP, mr. Mike Eman personalmente
despues di tratamento den Eerste Kamer pa felecite y colega Benny Sevinger
cu e logro aki.
Esaki ta resultado di un veredicto di e Departamento
di Derecho di Administracion di Raad van State a base di un caso hiba
dilanti dor di e dos parlamentarionan Arubiano aki.
E motibo di cambio Na 2004 señores mr. Michiel Godfried (Mike) Eman y Oslin (Benny) Sevinger (miembronan di Parlamento pa partido AVP), Hulandesnan biba na Aruba, a apela e rechaso di gemeente Den Haag pa laga nan wordo registra como votadornan pa e eleccionnan di Parlamento Europeo. E Departamento di Derecho di Administracion di Raad van State a haya cu e apelación di Eman y Sevinger tabata hustifica. Segun e Departamento no tin un hustificacion obhetivo pa e regla dicon Hulandesnan bibando den exterior si por vota pa Parlamento Europeo, mientras cu Hulandesnan bibando na Antiyas y Aruba tin e derecho aki solamente si nan a biba por lo menos dies aña na Hulanda. Hof a yega tambe na e conclusión cu e ley di voto Hulandes ta bai en contra di e principionan di igualdad comunitario, pasobra Hulandesnan cu ta biba p.e. na Venezuela si por vota pa Parlamento Europeo y Hulandesnan na Antiyas y Aruba no por. E principio di trato igual ta stroba e criteria cu a wordo scohi cu cuidadanonan den situacionnan similar, sin ningun hustificacion obhetivo ta wordo trata den un forma desigual.
Gobierno Hulandes a base di
e sentencia a haye forza pa cambia e ley y amplia esaki pa duna di e
forma aki contenido na e deseo pa un participacion mas grandi den e
desaroyonan di Union Europeo dentro di henter Reino, locual tabata e
deseo y postura tambe di e politiconan Eman y Sevinger. Pa por a logra
nan ambicion Eman y Sevinger a wordo asisti pa e profesional riba tereno
constitucional dr. Antonito Gordiano Croes (Mito) Croes, kende a procede
como apoderado na Raad van State y Hof Europeo. Vision y Oportunidad nobo
E cambio aki ta na opinion di lider di fraccion di AVP, mr. Mike Eman un paso importante den ancra mihor e posicion di Aruba den Reino Hulandes y pa cu Union Europeo. “Asina nos ta haya participacion mas di serca na locual ta tuma lugar na e nivel aki y por haci mihor uso di oportunidad di eleva conhunatemente cu Reino y Union Europeo e criterianan cu lo garantiso un mihor calidad di gobernacion pa un mihor calidad di bida pa nos hendenan”, Eman ta envatisa. E ta mustra cu e derecho di voto aki ta importante pa laga nos voz resona den Union Europeo. “Sea cu bo ta pa LGO of UPG of cualkier oto modula di cooperacion cu Union Europeo e derecho di voto aki ta duna nos e oportunidad pa laga nos voz resona te na Bruselas, Eman ta accentua.
Aru
said:
|
|||||||||||||||||||||||||||
 |
E macamba nan mag di vota,ta scribi asina grandi Aruba ta vota pa parlamento Europeo, cua arubiano of arubiana ta vota ?  |
Machiavelli
said:
|
Arubianonan y Antillianonan mag di vota pa un instituto cual lo no representa nan. hmm, kiko ta e valor di bo derecho di voto anto? |
Dushi Aruba
said:
|
Ni e makambanan cu ta na Europa ta interesa pa vota. Ta cantidad di votadornan Hulandes cu ta hasi uso di nan derecho di voto na Hulanda ta masha abao mes, corda aki na Aruba. Esaki ta netamente "de ver van mijn bed show". |
big
said:
|
aru.. si ba lesa e reportahe bon lo ba compronde. Pa splikabo miho cu tur hulandes tin derecho di vota pa union europeo nos ta arubiano door cu nos a nace na Aruba pero nos nationalidad ta nederlandese (nld) ainda no ta exsisti nationalidad Arubano. |
chandrika moondi
said:
|
Ami no ta un macamba. Sea cu nos ta carni of piska, nos mester haci un escogencia den bida. Nos ta bogando pa sea keda cu e status cu nos tin awor Lg of di cambiele pa un di Upg y asina indicando cu nos implicitamente ta scoge pa ta un partner y parti di UE. Djis tira un bista riba nos paspoort y no ganja nos mes cu no ta asina. Aunque tin hopi mas cos importante na Aruba mes pa nos regla prome, pasobra ta aki nos biba y d**ornan ta. Pero lo mi haci uzo di e derecho di voto, mescos cu lo mi haciele na September 2009 Dios duna bida y salud. Y ken sa cu mi solo voto lo por haci un diferencia substancial cu lo por benificia nos dushi Aruba. |
Esta Bunita
said:
|
Hopi bon Mike Y Benny Kilowatt. Ya cu boso no por traha pa Arubianonan, awor boso sigui bay na rudia manera custumber pa nan sigui duna boso pabien. Ank Bijleveld mester duna boso pabien tambe hunto cu Omar pa e logronan di mafia 50 miyon florin. Pesey awe Henny tin un cunuco grandi, Otmar cas grandi, negoshi grandi, y yate grandi y como si fuera poco e grupo di mas grandi den parada di carnaval. Esta biba lekker riba custia di pueblo. |
Zezinho
said:
|
Aru: Segun mi tur hende cu nacionalidad hulandes bibando aki, sea arubiano, macamba, antiyano of cualkier otro persona di otro pais (stranhero) cu tin nacionalidad hulandes y derecho di voto. E pregunta ta: Te na ki punto nos por papia di un logro cu lo beneficia nos? Ventaha vs desventaha esey ta e cuestion. Cua ta bay tin mayor peso pa nos isla y pa nos como ciudadano di nacionalidad hulandes. |
verdad ta pica lenga
said:
|
Awor si ta bon,nos no tin mas cu suficiente cu nos mes parlamento? Otro locura di AVP e hendenan aki ta resta tempo ainda pa wak pa ken vota den e parlamento eueopeo? pls bin bij pa caba. |
Hellraiser
said:
|
Pabien na AVP( Arubaanse Volkspartij), cu nan mag di sigui chupa tras di Hulanda. Spera cu Benny bay vota massal pa union Europeo. Es cu kier bay vota, be my guest, ami no ta interesa, mescos cu un gran mayoria di Europa cui no ta interesa. E blunder di mas grandi ta cu CDA a usa AVP den esaki, pasobra asina kizas Hulanda por hanja un poco mas hende pa yuda Hulanda hanja un poco mas zeggeschap den Union Europeo, mirando cu ta Francia te ainda ta esun cu ta manda eynan. Te ainda mi no a lesa niun parti cu un pueblo di un Pais cu ta den Union Europeo ta interesa den esaki. Uniconan ta politico y awor seguramente esnan cu ta AVP lo demonstra nan interes den esaki. No tin nada otro di spera for di esnan cu ta AVP:Arubaanse Volkspartij(e nomber mes ya caba ta na Hulandes) Tin un hende sa si PVV tin resprensante den Union Eurpeo?? |
Juan PUEBLO
said:
|
Mike kier vota pa parlamneto di europa. Tende Mike!!! BOSO OF TICO no a bisa cu Aruba ta bon para riba eigenbenen ????? Ki diablo bo ta busca mas cu Hulanda. Y pa Sr Arthur Dowers .... Macamba nan ta Gusta DESCRIMINA |
Bito
said:
|
hahahahaha..................bai biba na hulanda anto.......esei boso mester hasi.criollomente bisa..boso jeba di akinan,cruz cu bosonan........esei ta pa Mr ta mi hendenan y su payasonan,apocas palabra! |
miriam
said:
|
E votamento aki ta un simpel 'waste of money' Envez di derecho di voto, ta combini Aruba mas pa nos haya un Embahador pa defende e interesnan di Aruba na Brussel. |
