|
Lectura riba auto cu ta core riba energia solar |
|
|
|
|
Tuesday, 04 November 2008 - 00:00 |
|
 Diahuebs awor, den cuadro di
e Feria Cientifico cu ta hiba e nomber “Think Green” di partido
AVP e hoben ingeniero Ivo Hagemans lo ta na Aruba pa duna un lectura
riba e auto cu ta core riba energia solar, e NUNA 4. Sin duda
cu e charla aki lo ta uno interesantisimo. Sigur awor cu energia alternativa
ta hayando mas y mas atencion mundialmente. E NUNA 4 ta e di
4 auto cu ta core riba energia solar cu a wordo diseña pa e Universidad
di Delft – prome cu e auto aki tabatin e NUNA 1, NUNA 2, NUNA 3 -
y na unda henter un team a traha riba su realizacion. Ivo Hagemans ta
parti di e team dinamico aki. E tabata responsabel pa e producción
final di e auto NUNA 4 y tabatin na su encargo tambe henter e logistica
di e proyecto.
NUNA 4 ta un auto di
careda di un persona cu ta core riba energia solar y cu a wordo specificamente
diseña pa core e “Panasonic World Solar Challenge” cu desde 1975
ta wordo cori cada dos aña. E careda aki ta wordo teni tur biaha na
Australia y ta di 3011 kilomer. E ta start na Darwin y ta caba na Adelaide.
Dwars dor di henter e continente Australia. NUNA 4 tin panelnan
solar di 6 mtro cuadra y ta un auto supereficiente. Durante e race e
auto aki tabatin un velocidad promedio di un poco mas di 90 kilomer
pa ora. Pero tabatin momentonan cu regularmente E auto durante e careda
a hasta pasa e velocidad di 140 kilomer pa ora cu ta superlihe.
NUNA 4 a gana e careda na Australia
y ta di 4 biaha cu e autonan di TU di Delft ta gana e careda mundialmente
conoci aki.
Diahuebs dia 6 di november
Ivo Hagemans lo ta na Aruba pa duna su charla. El a wordo invita pa
partido AVP cu ta e trendsetter riba innovacion na Aruba. Ivo Hagemans
lo papia riba e proyecto victorioso aki. Tambe e lo enfoca riba energia
solar en general. Mas riba e charla fascinante aki na unda tur hende
ta keda invita lo wordo anuncia den e dianan nos dilanti
Riba e website www.nuonsolarteam.com por haya mas informacion riba e NUNA
4.
| Comments () >> |
 |
 |
