Como cu leon di laman  no ta existi den awa Caribense, St Maarten a tuma contacto cu Aruba Marine Mammal Foundation pa ayudo,  riba Oct 20, ora a senjala un zeeleeuw den Simpson Bay  Lagoon. AMMF a tuma contacto cu CSN na Puerto Rico  pa inicia e red  internacional Caribense,  pa asina yuda  St Maarten hanja sa ken ta donjo di e zeeleeuw.   CSN  a saka un aviso  fuerte y relampago  pa tur isla den becindario cu ta trata aki di un zeeleeuw cu obviamente ta di un facilidad di captividad y pa e donjonan para responsabel y hasi esfuerzo  di recuperacion manera debe ser,   sino e lo murri. Click read more.

A recibi noticia cu tin posibilidad cu ta trata di animal di St Kitts,  y despues a sali na cla cu  horcan Omar a ocasiona daño na e "sea-pen" di e Aquarium di Marine World Limited na Friars Bay, St Kitts. Riba  Oct 16, 2008,   4  zeeleeuw ( importa for di  Uruguay mescos cu na Curacao Sea Aquarium)   y 4 "Furr Seals" (3 adulto y 1 baby di 10 luna) a scapa. Solamente  e baby  a wordo recaptura.     

 Despues cu Nature Foundation a  tuma contacto cu  St Kitts,  Peter Noah , e general Manager di Marine World, y 2 trainer a bula bai St. Maarten cu equipo y cuminda (piska) a wordo warda den freezer di  hotel, pa trata di rescata nan animal, usando hasta helicopter den e buskeda.  Tambe  6 dia despues di a perde su animalnan, Marine World,  a saka un press release tocante e  sucedido, y  ta hasi yamada na tur isla den vecindario pa tuma contacto cu nan, den caso cu  nan zeeleeuw y zeehond wordo señala, ya cu nan ta den dificultad pa sobrebibi y como cu nan por landa 80km pa dia.  Na Anguila, St Barths tambe 2 animal a wordo señala  y despues di un par di dia nan a yega  St Thomas y St John.  Peter Noah a bula bai St Thomas,  lagando un equipo chikito atras na St Maarten pa si nan re-aparece.   Te cu awe nan no a wordo recaptura ainda  Oficinanan di recurso natural di diferente isla a ser suplica pa keda pendiente pa avisanan si nan wordo mirra na telefon (869) 762-9523.    

E  incidente aki ta habri e debate  tocante consequencianan di horcan pa cu facilidadnan di captividad di mammal marino den caribe y e hecho cu tur animal captivo mester tin un pit-tag di identificacion.

Na Gran Cayman tin planes questionable pa pone un dolfinarium na e sitio di un tanki di turtuga cu a wordo destrui  caba pa orcan Michele na 2002.  Y aworaki na St Maarten tawata tin polarisashon di opinion relaciona cu di ken e "sea lions" y "furr seals "  ta como cu nan no tawata pit-tagged pa por wordo identifica.

 E operacion di rescate di maximo esfuerzo aki ta contrario na esun di  Chichi e zeeleeuw di  Curacao Sea Aquarium/Dolphin Academy na Augustus 2008, ora cu e la scapa y aparece na Falcon,  2 dia na Aruba  (Andicuri)  y  atrobe na Falcon y cu AMMF a critica severamente.

Despues cu e red international aki a descubri cu ta trata di  Chichi,  Corsow a  saka un press release  y a  opta pa  gaña publico cu Chichi (16 anya den captividad)  a scapa pero a  scohe pa ta den libertad unda e por sobrebibi , mientras cu si e mes kier e lo bolbe su cas riba su mes".  En bes di manda e trainer di Chichi cu equipo adecuado Falcon,  caminda  e la re-aparece y a permanece 10 dia largo prome cu e la wordo hanya morto riba beach, dehitra y emancipa, bao insistencia di ministerio di medio ambiente di  Venezuela, nan a  reacciona  bisando cu pa si e indjan nan logra capture,  djis  ponele den un caha traha di palo cu burako den dje pa hala rosea   pa asina nan laga  transportele riba un boto di piscado rumbo pa Corsow. E forma di transporte aki lo a caba di matele sigur, y e  proceder  aki ta indicacion cu Corsow no tawata interesa pa gasta ningun plaka pa recobra e zeeleeuw Chichi cu cual si nan a gana plaka 16 aña largo cunele bendiendo ticket pa bin duna nan zeeleeuw amoroso un "sunchi",   y propagandando  cu zeeleeuw por yuda den rescate di hende.    

Doño di Marine World  Limited  na St Kitts, Arthur Sharpe , a declara cu e 7 animalnan aki a wordo importa na April 8, 2008, pa educa muchanan di skol, un triki conoci cu ta wordo usa, pa tin mammal marino den captividad pa uso commercial, pasobra a base di esei  nan por haña permiso den Caribe pa captividad.  

AMMF ta comparti  opinion di expertonan, cu pa tin mammal marino sacrifica den captividad cu e.o.  ta reduci nan espacio necesario pa cu .001%  y cu no ta ni den peliger di extinshon mes,  no ta educacion apropia pa e ser humano y tampoco ta aporta na conservacion di mammal marino den naturalesa.  Captividad no ta refleha nan bida y necesidadnan real natural,  con hende mester anda cu nan den naturaleza, y  respeto pa nan balor den nos ecosistema.

E ta educa  hende si cu ta permissibel pa hende hasi  negoshi cu animal bao pretension y decepcion e.o. pa malusa amantenan berdadero di animal. Negoshi di mammal marino captivo ta cai bao di loke Einstein ta yama: " "volmaakte  middelen voor mismaakte doelen". Nan meta ta pa gana plaka (bao pretension di conservacion y educacion) ,  pero  e berdad ta cu mammal marino den captividad  no ta necesario pa sobrebibencia di e animalnan aki, pa sobrebibencia di e ser humano, y tampoco pa  mehoracion di humanidad.

Mas ainda, cu a wordo comproba scientificamente pa e propio scientifico cu a desaroya commercialmente terapia di delfin pa hende,  cu uso di delfin captura pa relaha pesonanan den terapia ta resulta di NO ta miho cu  si usa delfin di robot (animatronics) , cacho, pushi, of cabai.  Diferente otro estudio a conduci na mesun resultado (e.o. uno di dept di enseñansa na USA, y di 2 pediatra na Inglaterra, y di  experto di Universidad Americano.

 Si bo ta stima mammal marino, no bishita facilidadnan di nan captividad y asina evita di aporta financieramente y ta complice na existencia di e negoshi aki.

Comments (9) >>

Show/Hide comments

holy spirit said:

DIOS a taha diferente bestia na nan luga awl si esaki ta pertenese den lama lage bai bestia ta gusta ta liber sin nan sera abo den un hola of den un pool chikito lo bo gusta no wel laga nan

November 04, 2008

Juan PUEBLO said:

Cuidao nan jega Aruba. corda cu nan ta ilegal

November 04, 2008

s.w said:

si nan dunami cuminda tur dia entretenemi y cuidami mi no lo mind wordo sera den houla of pool.....

November 04, 2008

s.w said:

porta e la scapa fe palm tours...whuahahhaaa cobra 20 dollar pa entrada!

November 04, 2008

spirito di noticia said:

laga e pober bestia bai !!!!

November 05, 2008

spirito di noticia said:

laga e bestia bai

November 05, 2008

carinjo said:

Bondia spera cu e pober bestia haya un miho bida den su propio naturalesa. Tur hende ta gusta nan mesun un estilo di biba, niun hende ta bai biba na un lugar forsa. Awel mesun cos ta conta pa nos animalnan. Mi ta contra tur e hende cu supuestamente ta bisa si cu nan ta cuida e tipo di animalnan aki cu no ta pertenese na nos naturalesa. Dios a duna hende su libertad y animalnan tambe tin derecho di haya nan libertad. Ta basta cu maltrato di animal laganan den libertad. A nos no ta donjo di nan. Ojala cu nan no haye mas. Un hende cu ta stima bestia ta stime y ta dune su libertad.Please sea conciente.

November 06, 2008

???? said:

berdat ami tmb ta bisa mescus cu carinjo bo tin rason cu e pober bestia mester keda na unda e a nace esey ta su hogar ami mi ta pidi dios pa nan no hanja e bestia mas y e keda felis den lama???:anto s.w awo bo ta bisa asina pero den realidat ora e pasa bo bota bai bisa berdat miho mi a tende di e hnd nan tsss abuso di animal pika

November 06, 2008

Asfs said:

Aki na Aruba nan no tin CELEBRO pa cuida un bestia di laman.. Cada biaha un dolfijn bin Aruba of un walvis chikito bo ta hnj poco lolin ta pone nan drumi, Dios ta castiga boso!

November 06, 2008

Write comment

Show/Hide comment form

Name

Email

Comment

Add Comment