|
 Parlamentario
Monica Kock ta lamenta e direccion cu sr. Thijsen a tuma. Mas ainda
locual Thijsen ta trece dilanti. Ta un lastima cu tur cos ta bayendo
den e direccion aki. Parlamentario Kock por a lesa den corant cu sr.
Thijsen a declara cu e la hala Kock un banda como presidente pasobra
e lo ta haci politica, ta probecha y cu den apenas 2 siman ta traha
e rapport aki y esaki no ta correcto. Di prome parlamentario
Kock ta di opinion cu sr. Thijsen ta contradeci su mes. Prome Thijsen
ta bisa cu Kock nunca a presidi e comision y despues sr. Thijsen ta
declara cu e la hala Kock como presidente pa yen motibo. Con bo ta kita
un presidente cu no ta presidente? Cu esaki mes Thijsen ta confirma
cu Kock ta presidente. Click read more.
Concerni e
motibonan menciona dor di Thijsen, esakinan nunca wordo treci dilanti
ora Thijsen a dicidi cu e ta bira Presidente di e Comision Obesitas.
Durante e reunion Thijsen no por a duna un splicacion pakico e mester
ta e Presidente di e Comision. E contesta tabata cu MEP a dicidi esaki.
E reunion aki ta graba y riba tape. Parlamentario Kock ta spera cu no
ta necesario pa duna prensa un copia pa pueblo mes por scucha.
Ningun momento
parlamentario Kock a haci politica. Parlamentario Kock mas ainda ta
trece dilanti cu e tin dos aña ta papia di esaki. Awo despues di 2
aña ta politica? Of ta pasobra a logra algo grandi bao di su presidencia?
Mas tristo
ta cu Thijsen ta declara: “cu den apenas 2 siman ta traha e rapport
aki y esaki no ta correcto”. Awo cu parlamentario Kock ta traha, esaki
no ta corecto! Awo cu a traha lihe y den un periodo di apenas 5 luna
a scucha 30 stakeholders, a reuni cu 6 experto na Brussel, a lesa tur
rapport y bin cu un plan, esaki no ta corecto segun Thijsen. Parlamentario
Monica Kock no ta compronde esaki. Lo e la traha mucho lihe pa sr. Thijsen.
Con cu bin,
e berdad ta cu ta despues cu sr. Thijsen a dicidi cu e mes ta presidente
y no sra. Kock, parlamentario Monica Kock a bay prensa y a informa prensa
di e plan nacional. Parlamentario Monica Kock no por kere cu informa
pueblo cu e experto apunta dor di parlamento a traha un plan nacional,
cu ta bon noticia, awo ta considera como politica. Parlamentario Monica
Kock ta declara cu e si no ta bay hinca e plan nacional aki den laachi
manera ta custumber di MEP.
| Comments () >> |
 |
 |
