|
 E recepcion di bon bini pa e di 4 Torneo Anual di e Aruba KLM
Open a wordo teni pa Divi Resorts riba e beach. Competidornan, mayoria di cual
ta di Hulanda, ta participando den e torneo na The Links na Divi All Inclusive
Resort como tambe na Tierra del Sol, Golf Resort & Country Club. E torneo a
start sali diasabra, 1 di november, 2008, y ta conclui awe, diahuebs, 6 di
november, 2008. E programa ta consisti di hungadornan di golf profesional y amateur,
hungando hunto pa e torneo di multiple dia y multiple buraco, cu un cantidad di
regalo, premio y evento special.
Divi Links ta un cancha di golf di 9 buraco cu landscaping tropical,
rondonando villanan luhoso di vakantie na e Divi Village Golf & Beach
Resort. E tabata diseña pa top architectonan como un cancha dificil cu 2 buraco
di par 5, 2 buraco di par 3, y 5 buraco di par 4. Amenidadnan deluxe na Divi
Links ta inclui un clubhouse cu dos restaurant y un facilidad di entrenamento
di golf cu video di analisis di swing.
E cancha ta habri na publico cu tempo preferi di tee pa huespetnan y
miembronan di Divi Resort, y ta ofrece instruccion profesional di golf pa tanto
individualnan como gruponan.
Paketenan di vakantie di golf tambe ta existi. Bishita DiviGolf.com pa detaye.
Riba e potretnan por mira e fiesta di beach cu musica di steel band, un show di
limbo, y un "hole in one" traha riba e beach mes, unda e hungadornan
di golf por a gana un estadia gratis di un siman na Aruba como e prome premio.
E fiesta a wordo duna pa Divi su Director Gerente, Alex Nieuwmeyer, y Director
di Mercadeo, Tabitha Fecunda.
| Comments () >> |
 |
 |
