| Power Equipment Extravaganza di Wema |
|
|
|
| Friday, 07 November 2008 - 00:00 | |
 Manera a bira un tradicion, WEMA un biaha mas
ta bai tin su “Powertool Equipment Extravaganza” durante e weekend
benidero, pa di 6 aña consecutivo. Durante e gran evento aki representantenan
di marcanan renombra di machinnan y equiponan di trabou lo ta presente
na WEMA Ponton riba Diabierna 7 y Diasabra 8 di November.
Companianan di construccion
y mantencion, carpinte, metsla, mecanico y aficionadonan di herment
ta keda cordialmente invita pa pasa y mira e coleccion nobo di machinnan
di trabao cu a caba di yega.
E companianan responsabel pa marcanan renombra manera “Black & Decker”, “DeWalt”, “Delta Shopmaster”, “Porter Cable”, “Makita”, “Milwaukee”, “Hitachi”, “Skil”, “Bosch”, “Dremel” y “Rotozip” lo ta presente Diabierna y Diasabra na WEMA Ponton pa demostra y contesta tur tipo di pregunta cu bo por tin pa cu e machinnan cual lo ta visibel y obtenibel pa tur cu ta interesa. WEMA lo tin tur e machinnan di e marcanan presente na e mihor prijsnan di e fin di aña aki (prijsnan special ta valido cu compra cash). E representantenan lo ta na WEMA Ponton pero machinnan na prijs special ta bai ta na WEMA San Nicolas, Santa Cruz y Boulevard tambe. Si pa un motibo of otro bo no por pasa WEMA Diabierna of Diasabra, no ta nada, pasobra Diadomingo na WEMA San Nicolas, Ponton, Boulevard y Santa Cruz ainda e machinnan lo ta riba prijs special. E weekend aki so WEMA tin prijsnan y dealnan super special pa tur hende cu mester di un bon machin di trabao di bon marca y calidad. Riba e foto adhunto por aprecia director di WEMA, esta Sr. Karel Wever, cu un powertool den su man. |
