| Seminario gratis tocante ICT den ensenanza |
|
|
|
| Friday, 07 November 2008 - 00:01 | |
 Micorsoft hunto cu nan partner local
Netpro Group ta organisa dia 11 di November 2008 na Surfside Marina
un seminario gratis tocante e adaptacion di e technologia di ICT den
enseñansa. Microsoft ta inverti
den nos enseñansa teniendo na cuenta cu e studiantenan, esnan na scol
y tur hende cu ta traha den e sector di educacion, pa habri caminda
pa tin un bista mas amplio di e technologia di awendia. Durante e atardi
di informacion Microsoft lo duna splicacion di nan vision riba e futuro
di technologia di ICT den enseñansa.
Microsoft tin lisencia
special di programanan caminda cu instancianan den enseñansa of institutonan
asocia na enseñansa por usa product y servicionan di Microsoft na un
manera hopi economico. Claro cu ta tene cuenta cu esnan cu ta traha
na cas tambe, por ehempel maestronan di scol y studiantenan mes cu lo
por haci uso di e technologianan aki den forma gratis.
Banda di e programanan
aki, Microsoft ta ofrece diferente hermentnan y iniciativanan gratis
y inovativo pa enseñansa. Ehempelnan di esaki ta e servicio di email
gratis ( live@edu) y e disponibilidad di hermentnan moderno pa desaroyo.
Mester menciona cu
separa di e programanan, Microsoft lo duna hopi informacion durante
e seminario aki riba con pa haci uso di methodonan y technologianan
special di Microsoft, den cuadro di dunamento di les via computer y
netwerknan moderno.
Tur esnan cu tin di
haci directamente of indirectamente cu enseñansa ta bon bini dia 11
di November di 2or di merdia. Reservacion y registracion ta necesario
pa motibo cu cuponan ta limita. Por registra via e-mail na
This e-mail address is being protected from spam bots, you need JavaScript enabled to view it
, via telefon 5836999 ext. 200. of via 593-6123.
NetPro Group ta hopi orguyoso di por representa Microsoft na Aruba y
di port a parti di inovacion y modernisacion den nos enseñansa. Riba e foto adhunto por aprecia Addy Toppenberg di NetPro Group, na momento di anuncia e seminario gratis aki pa tur cu ta labora of tin di haber cu nos industria di enseñansa aki na Aruba. |
