| Prijs di crudo a aumenta cu 37% |
|
|
| Saturday, 03 January 2009 - 00:00 | |
 Diabierna Januari 2, 2009, Wall Street, por a cuminsa anja 2009, cu tur Indice Primordial saltando 6 %, resultando cu Dow Jones Industrial a subi cu 250 punto, serando na 9000, cual den comparacion cu dos luna promer ta un record halto, mirando e incertidumbre den mercado bursar global. Pero ta mucho trempan, segun analystanan pa tin un bista optimista riba
locual a ser demonstra ayera. Na mesun momento, den Mercado
Internacional, prijs di petrolio crudo ta subi record atrobe den dos
siman na 37 %. Esaki ta como resultado di un siman di tension den Region di
Medio Oriente entre Israel y Atakenan
Militar den Gaza contra Palestinia y como consequencia cu Russia a
termina un subasto di Gas pa Pais Ukraina.
Locual ta remarcable pa tal
influencia, ta cu despues ku Prijs di Barril a baha pa 2008 pa $ 33.87,
ayera diacerna ku aumento di 37 % durante ultimo dos siman: Prijs di
Barril ta sera riba Mercado Mercantil di New York, ayera Diaverna 2,
2009, ku Prijs di $ 46.34. Pa Pais Aruba, esaki ta un bez mas critiko,
pasobra Comunidad di Aruba, no a hanja espacio sufficiente pa recupera
ainda di e prijs halto di petrolio. Un
raportahe skirbi dor di Norberto Tjon Ajong-Diaz Granados pa 24ora.com, collaborando for di U.S.A.
Comentarionan (0)
 Duna Comentario
Bo mester log in (miembro )pa por comenta.Por fabor traha un account si bo no ta miembro ainda.
|
Subscribe to this comment's feed
Mustra/Kita comentarionan
Mustra/Kita e formulario di comentario
