|
|
|
| Extras | ||||||
|---|---|---|---|---|---|---|
|
|
|
|
|
|
|
| Syndicate |
|---|
|
| Bookmark Us |
|---|
 |
| Latest Photo Ads |
|---|
 Ta bende Mazda RX7  Car For Sale  Trailer for sale  Sport Watch (with pu  Kia Rio 2004 |
|
|
| Enid de Kort instala como candidato riba lista di RED |
|
|
| Sunday, 04 January 2009 - 00:00 | |||||||
 Diasabra
anochi na Club Don Bosco Enid de Kort a keda instala como candidato
oficial riba e lista blanco, esta e lista di RED pa eleccion cu lo tuma
lugar den luna di September proximo. Parlamentario Rudy Lampe a duna un
discurso y a introduci e candidata oficialmente unda Sra. De Kort a bai
over na duna su prome discurso como candidata riba lista. Sigientemente
e candidata di mas nobo riba e lista blanco hunto cu Parlamentario Rudy
Lampe y demas invitado a haci un brindis deseando exito na su
candidatura. Click read more pa lesa mas y pa mira mas imagen.
Parlamentario Rudy Lampe den un discurso a remarca riba e meta di
Partido RED den e siguinte eleccion, esta di logra 5 asiento. Na
comienso a pidi tur hende pa lanta para y resa un momento pa Dios drama
su bendicion riba nos pueblo, pa e drama sabiduria na nos hendenan di
sa escohe un bon rumbo pa nos pais durante eleccion. Parlamentario
Lampe tambe a trece padilanti riba e hecho cu e reserva di SvB lo caba
na 2011, algo cu sigur lo impacta hopi den nos comunidad. "Politica ta
na tur caminda", Parlamentario Lampe a menciona, "Nos no por sinta
warda pa pan ca'i for di cielo" Parlamentario Lampe ta urgi tur hende
jong y di edad avansa pa uni forza y join e RED di Cambio. "Mi ta
convenci cu esaki ta bai ta e aña di cambio, mi ta sinti cu mester di
un aire nobo, e aire di cambio a cuminsa supla na diferente parti rond
mundo" Parlamentario Lampe ta tuma Barrack Obama como un gran ehemplo y
ta anhela cu algo similar por sosode na Aruba, unda e dos partidonan
tradicional cu a goberna nos isla, esta MEP y AVP no por trece e
cambio necesario pa nos pais menos pa nos futuro generacionnan y a yega
e ora pa partidonan nobo drenta den poder.
Sra. De Kort a pasa un proceso masha largo pa drenta den politica. "Di chikito mi semper tabata interesa den e ser humano, e hende, e bienestar di nos pais" Sra. De Kort ta menciona. " Sra. De Kort ta conta cu e tabata tin un omo den politica y for di chikito e semper tabata gusta haci pregunta no solamente riba e parti economico pero tambe riba e parti social. Sra De Kort a keda impacta como mucha den un protesta cu tabata tin pa e lucha di Status Aparte na 1977, esaki a sirbie como inspiracion den su carera. Sra. De Kort ta kere cu nos tin hopi hende cu ta capaz y sigur e ta sinti su mes cas den Partido RED, un partido cu ta kere den nos profesional unda nan ta wordo apunta como ministernan y parlamentarionan ta contrala esaki. Coleganan di Asuntonan Social y demas conocido tabata presente y sigur a duna palabranan di elohio na su persona, pero tambe na Parlamentario Lampe pa guia Sra. De Kort den e ambito Politico. Finalisando tur presente a haya un sorpresa grato, ora un grupo a bin canta nos tipico Dande pa desea exito na Sra. De Kort pero tambe Partido RED den e aña desisivo aki pa nos comunidad.
Comentarionan (15)
  Scirbi pa Aru, January 04, 2009
I Sra de Kort kiko bo tin pa ofrece e pueblo di Aruba si Red drenta den gobierno?
Scirbi pa sher, January 04, 2009
Un gobierno ora ku e sinta e tin di traha pa e pueblo no contra e pueblo manera x-nan a hasi 4 anja largo. Nan a zorg pa tene nan e hendenan contento en de rest maar stikken. Ki mishi un partido ya pleita, bringa den parlamemto foei foei. No ta tin respect. Ora bo pleita bringa , agredi otro na trabou bo ta hay waarschuwing o hasta bo ta wordu kita for di trabou i kiko nos mira den parlamento nada net net nada a wordu hasi. Bo ta kere ku esaki ta na su lugar. Come one mensen
Scirbi pa jon, January 04, 2009
E sra. aki ta mustra toch un tiki inteligente. Jammer cu toch somewhere ela faya paso ela kies un partido cu jen hende amarga. Jammer!
Scirbi pa pedro croes, January 04, 2009
Esaki ta e mesun sra. Enid de Kort cu a pasa den diferente partido(nan) chikito den pasado caba, cu despues bo no ta tende nada mas di nan. Esey kiermen cu esaki ta e ultimo biaha di partido RED den un elecsion?
Scirbi pa Calista, January 04, 2009
Exito Enid !!!Abo sa cuanto necesidad tin ariba e isla akinan , spera cu bo por ta productivo meymey di esnan cu ta bisa di ta interesa den hasi algo pero no ta hasi nada!Di curason tur cos bon.
Scirbi pa Compa Nanzy, January 04, 2009
No puntra kiko Sra. de Kort por hasi pa Aruba, puntra kiko abo lo por hasi hai pa nos dushi isla.
Di otrobanda mirando e potretnan ta mustra cu partido RED ta riba un bon caminda. Pabien.
Scirbi pa aruba1, January 04, 2009
ay no Enid mi a kere kubo ta un persona serio jammer ............net RED....partido di hende loko y frakasa!!!
Scirbi pa crese nos ta crese, January 04, 2009
JON y Aruba 1, bosonan ta amarga y loko pa mas cu 20 aña caba y ni PAAZ no kier mira boso :- Habri boso WOWO hancho y ban vota pa un cambio y no pa e bieeuwnan cu a HORTA e pais aki pa mas cu 20 aña caba y ainda boso ta sostene nan. BIN BIJ OM.........!!!!
Scirbi pa Aruba na pecho, January 05, 2009
Tin jen partido chikito cu a lanta pa join cu AVP nan motibo ta pa kibra MEP. SI bo vota pa un di nan ta un vota pa AVP drenta den GOBIERNO pa ripiti e gobierno di 1994-2001. E unico partido cu ta un excepcion te awo ki ta PPA, Pesey biba PPA. Miho e SRA. aki a join PPA. PAso alfin al cabo RED, DEM REAL, MPA i AVP ta un. Pesey si bo ke un cambio pa miho vota PPA.
Scirbi pa Aruba na pecho, January 05, 2009
CRESE NOS TA CRESE : pa bo miho informacion bo partido RED, si mi vota pa RED eta bay join AVP den e proximo elecion anto e bieeuwnan cu a horta e pais aki lo bin bek pa caba cu loke nan a cuminsa na 1993. PESEY AMI TA PPA. Benny no ta hasi wega e ta un hende straight i e tin SAN NICOLAS na pecho.
Scirbi pa ijsbeer, January 05, 2009
Mi ta jama pabien na Enid pa su curashi y perseverancia.
PERO, kiko esaki ta ilustra di partido RED? Ora bo tin un team di baseball of cualkier deporte bo ta busca hungando cu lo por judabo gana un kampionato. Por ehempel Yankees, nan caba di cumpra tres hungado hopi bon CC sebathia enz. Pero den caso di partido RED nan ta revorsa cu un hungado cu nunca presta den pasado como politico. Esey caba ta mustrabo cu e partido ta pasando den decadencia y mi ta premira cu nan lo perde nan asiento den e proximo election. Nada contra e profesionalismo di senjora Enid, pasobra e ta stima su trabouw di sociale werkster. Pero no ta pasobra bo ta bon fanatico di deporte bo ta un bon deportista.
Scirbi pa Toet toet, January 05, 2009
Exito na Enid de Kort. Aruba mester di un cambio y bo mester tin mente di un pieuw pa pensa cu nan lo bay perde nan asiento. Hende nan a cuminsa lanta for di sonjo y mira cu nos mester di cambio. Hendenan cu ta pensa ariba e pais aki y no ariba nan probecho personal. Y ta pesey mas cu nunca awo nos mester di vakministers. Hendenan cu sa e materia y cu tin opleiding. No manera un minster di labor/deporte cu nos sa papia ni hulandes of un minster di husticia cu ta analist y cu no ta hurista. Pueblo ta kere den e cambio cu RED lo trese!!! Exito!
Scirbi pa Quovadis, January 05, 2009
Tin speransa cu e situacion social lo bai drecha na Aruba na awor? Nos tin un batayon di trahadornan social cu t'ey solamente pa defende e malhechornan, mientras e victimanan mes ta keda pa nan cuenta. E maldito derechonan humano di e malhechornan cu e trahadornan social ta bringa pa nan! Ademas di esei nan ta puro teoria, studia, studia, studia, eternamente. Mientrastanto criminalidad y decadencia social ta sigi crece keto bai na Aruba.
Duna Comentario
Bo mester log in (miembro )pa por comenta.Por fabor traha un account si bo no ta miembro ainda.
|
|||||||
|
| Tempo | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||||||
|
|
|
|
| Newsletter |
|---|
|
|
Subscribe to this comment's feed
Mustra/Kita comentarionan
Mustra/Kita e formulario di comentario
