24ora.com - Prome den Noticia - Diferencia den trato di gobierno pa cu barionan

Latest Photo Ads
Ta bende Mazda RX7 Auto Segunda Mano (12.03.2010) Car For Sale Auto Segunda Mano (11.03.2010) Trailer for sale General (08.03.2010) Sport Watch (with pu Electronics (23.02.2010) Kia Rio 2004 Auto Segunda Mano (23.02.2010)

Diferencia den trato di gobierno pa cu barionan

Monday, 05 January 2009 - 00:00

ppa_benny_train_add_1 [Desktop Resolution].jpg

For di PPA a ricibi e sigiente comunicado. Anjas largo centro comercial di San Nicolas mester di ajudo financiero pa drecha su intra-structura e.o. pa ejecuta e propio projecto di Gobierno (Sasakiplan). Pero nada …nada…. Oranjestad ta ricibi e.p.. un suma di 15 miljon pa infra-structura pa ejectuta projecto di down-town development group.PPA ta sostene projecto di Oranjestad pero ta puntra gobierno unda e sosten financiero pa e centro comercial di San Nicolas a keda ?Oranjestad ta nos capital y merece atencion di gobierno…. Pero e projecto sasakiplan di gobierno tin anas largo cu e ta cla y ta warda ejecucion. Click read more pa lesa mas.

CENTRO COMERCIAL DI ORANJESTAD:

Cu gran atencion partido PPA a tuma nota di e intencion di gobierno pa pone 15 miljon florin disponibel pa e projecto di Downtown Development cu tin e intencion pa “upgrade y remodela” e parti principal di e area di comercio di Oranjestad esta e.o. Wilhelminastraat, Caya Betico Croes y Emanstraat.

E inversion di 15 miyon di parti di gobierno lo ta mara na e condicion cu e iniciadornan di e projecto aki lo mester inverti 6 miyon florin.

E projecto lo bira uno public-private.

Partido PPA contrario na partido AVP a sostene e iniciativa di parti di Downtowndevelopment for di momento cu esaki a inicia. Y a sostene gobierno pa por duna e sosten necesario. Y te awe e projecto aki ta carga sosten di partido PPA. Oranjestad ta capital di nos Isla y mester hasi tur cos pa mantene su imagen comercial. No mester lubida cu tin varios motibu cu e centro di Oranjestad ta worde affecta negativamente y esaki ta e.o. debi na e maneho hiba pa gobierno mes.

CENTRO COMERCIAL DI SAN NICOLAS:

Locual ta notable den e maneho di gobierno pa cu Oranjestad ta ora compara e maneho di gobierno pa cu San Nicolas.

Durante e periodo 2001 pa 2005 cu PPA a forma parti di Staten, fraccion di PPA a presenta na varios occasion e “vision” di PPA pa cu desaroyo di San Nicolas esta “San Nicolas Our Caribbean Town” den un mocion den cual nos a propone gobierno pa pone un suma di placa disponibel pa ‘upgrading” di San Nicolas den cuadra di e vision aki.

Nos ta cita for di nos mocion fecha 4 di maart 2004:

“pa Gobierno sostene y mercadea San Nicolas “Our Caribbean Town”como parti di nos producto turistico tanto den exterior como localmente y dedica anualmente un suma di f. 3.250.000,-- miljon florin na e projecto aki, di cual Fl. 1.000.000,-- lo ta destina pa mercadeo di e projecto aki na nos turistanan San Nicolas “Our Caribbean Town y f. 2.250.000,-- lo ta destina pa mejroa e infra-structura necesario den cuadra di e filosofia menciona, manera e Caribbean Plaza – e remodelacion di cayanan y luznan den cercania – drechamento di cierto edificio pa nan no bai perdi – drechamento di e Toren di San Nicolas etc)

Fraccion di MEP a rechasa e mocion aki na dos occasion votando cu 12 asiento contra esaki.

Ni despues cu gobierno di MEP a larga hasi un propio estudio di desaroyo di San Nicolas tanto desaroyo di Seroe Colorado, grapefield y Centro di San Nicolas gobierno di MEP NO a pone fondo disponibel pa e infra-structura di caretera na Costa menos ainda e infra-structura den Centro di San Nicolas.

E estudio ta indica cu lo mester apunta un persona pa funciona como coordinador di e projecto den “downtown San Nicolas/ Centro di San Nicolas, pero Ni esaki gobierno di MEP a cumpli cunele. Y corda bon mientras cu e projecto di Oranjestad ta un iniciativa priva esun di Sasaki ta un iniciativa di e propio Gobierno.

Cu tur esaki, sin embargo esnan representa den Parlamento cu tin e pretencion di representa San Nicolas y vecindario No a larga tende di nan mes. Otro ejempel con nan ta literalmente drumi atrobe !

Conclusion:

Partido PPA ta sostene e intencion di Gobierno pa inverti den e projecto di Downtown development Group totalmente ! Partido PPA ta rechasa e hecho cu Gobierno NO a inverti nada mes den e infra-structura di San Nicolas relaciona cu e propio estudio cu Gobierno a larga hasi algun ana pasa.

Partido PPA ta exigi di gobierno cu un suma di placa worde poni riba un cuenta di Gobierno cual lo ta destina pa desaroyo di San Nicolas e.o. Centro Comercial di San Nicolas y e desaroyo di e infra-structura di grapefield y SeroeColorado. E pueblo y comercio di parti pariba di nos Isla tambe tin derecho ! Y tambe merece representacion digno. Nos parlamento atrobe ta literalmente drumi y esnan di p’ariba tambe ! Huzga pa boso mes.

Comentarionan (1) Add Comment

Subscribe to this comment's feed

Mustra/Kita comentarionan

...
Scirbi pa MOM, January 05, 2009

Ay benny stop di hasi politiek cu S.N.ta hopi ta hasie pero ta e hendenan di S.N.mes no ta sostene ni comercio i ni ta cuida loke cu tin,majoria ta un harti malagradicido,otro cu no ta i a hasi nada pa nan nan ta idolatra anto otro cu si a hasi algo tog nan ta papia malo di nan,na S.N.por wordo hasi hopi pero e mesun hendenan ta e problema,tambe e maldita hoeren huis nan cu tin eyriba tin e luga maldishona,nan mester saka tur e porkeria nan ey pone pariba di KIA na rand di baranca anto e ora por cunsa pa wak kiko por hasi cu e mentalidad di e hendenan i pa S.N.....ta mi humilde opinion.....

Duna Comentario

Mustra/Kita e formulario di comentario

Bo mester log in (miembro )pa por comenta.Por fabor traha un account si bo no ta miembro ainda.