|
ArubaSalsa cu bon deseonan pa 2009 |
|
|
|
Monday, 05 January 2009 - 10:00 |
 ArubaSalsa ta sera nan prome
temporada di baile cu un ceremonia
di certificado, ta score un 9.3 den
encuesta y ta anuncia nan temporada
di baile nobo cu ta cuminsa 19 y 20
di januari na Noord y San Nicolas. Despues di nuebe siman ArubaSalsa ta caba cu nan prome temporada di
salsa y bachata pa localnan. E cursonan a wordo sera cu e partimento
di certificado pa tur e cursistanan cu a termina nan curso cu exito.
ArubaSalsa ta experencia nan prome temporada di baile pa localnan como
uno sumamente exitoso y nan ta satisfecho cu tur locual nan a realisa
den nan prome temporada. Na prome lugar nan tabata sumamente contento
y agradecido cu e animo di e pueblo di Aruba pa cu nan lesnan, como
cu varios cursonan tabata ‘sold out’ y te hasta mester a organiza
cursonan extra. Na di dos lugar nan tabata masha contento cu e resultadonan
di un encuesta hasi cu nan cursistanan. Click read more pa lesa mas.
 Como ArubaSalsa ta duna hopi balor na e cualidad di nan lesnan, nan
a tene un encuesta cu nan cursistanan. E resultadonan tabata sumamente
bon, cu un averahe di 9,3 como e score final pa ArubaSalsa. E cursistanan
a duna e instructornan di ArubaSalsa, Reggie y Sabine, un evaluacion
hopi halto como cu tur hende a sinti cu nan a haya hopi atencion personal.
Tambe e cursistanan a gusta nan manera entusiasma y professional di
duna les cu un ojo pa detaye. E pregunta si nan lo recomenda ArubaSalsa
na nan amigonan, famianan y conosirnan a wordo contesta door di tur
e cursistanan cu un ‘SI’. ArubaSalsa ta super contento cu e resultadonan
aki y ta sigui traha duro pa mantene cualidad di nan lesnan y e profesionalismo
iniguala halto.
Riba 19 y 20 di januari ArubaSalsa lo cuminsa cu nan temporada nobo
di salsa na Noord y San Nicolas. Na tur dos lugarnan ArubaSalsa lo cuminsa
cu nan cursonan nobo di nivel 1 (beginners) y nivel 2 (semi-intermediate).
E cursonan ta consisti di 10 les di 1 ora y ya caba ta posibel pa inscribi.
Na Scol di Arte (San Nicolas) e lesnan pa beginners lo cuminsa dia 19
di januari pa 8or y e lesnan pa semi-intermediate lo cuminsa pa 9or
di anochi. Na Club di Movimiento (Bubali/Noord) e lesnan pa beginners
lo cuminsa dia 20 di januari pa 7or y e lesnan pa semi-intermediate
lo cuminsa pa 8or di anochi.
Pa inscribi por jama 585-7939 of 594-7008 of por manda un e-mail na
This e-mail address is being protected from spam bots, you need JavaScript enabled to view it
.
Tur informacion tocante e cursonan nobo, prijsnan y lugarnan por wordo
haya riba e website nobo di ArubaSalsa na Papiamento: http://www.ArubaSalsa.com/local.
| Comentarionan () >> |
 |
 |
