The Creators Band cu pa hopi aña a participa den festivalnan di  calypso, roadmarch y diferente paradanan di carnaval  a dicidi  cu nan tambe ta presenta nan mesun grupo di carnaval pa carnival 55 un tremendo iniciativa  huntu cu nan patrosinado “Kentucky Fried Chicken”E grupo ta: The Creators Carnival Group ta presenta KFC den carnival 55.For di momento cu a presenta e grupo diferente ta e personanan  cu a mustra interes y a inscribi cu e grupo, segun Carlos Jacobs lider di e grupo, nan lo kier a presenta cu un grupo tur afo y  nan intencion ta  pa bai  cu mas o menos  300 participante.

Tin diferente seccion  di cual ahinda  tin luga den e seccion nan y e inscripcion pa e massa tambe ta bayendo.

BAN FAKKEL CU CREATORS

Participacion pa fakkel ta unicamente Afls 50,- cu ta inclui un T-shirt - fakkel – un headpiece-  f&B  y bon musica

E colornan cu e grupo ta presenta cu ne ta Cora, Silver, Blancu y Preto, cu ta color nan di KFC, e diseñonan ta di Rhona Lemminga, y tin diferente model e.o tin e modelnan sexy  pa esnan cu ta gusta un tiki atrevi pero, tambe tin e modelnan pa e hende cu ta  un poco mas  conservativo.  Mester bisa cu trabownan a cuminsa y ja tin e.o diferente Bodypiece y headpiece cu ta cla.

Pa awor aki ainda tin un special p’e prome 200 hende cu inscribi awo e ta costa unicamente Awg 500,- cu ta inclui tur 5 parada mas F&B.Ora inscribi mester paga e prome mitar y e sobra mester ser paga prome cu dia 1 Feb 2009.

Pa mas informacion por jama Carlos Jacobs na tel: 5940009, Michel Kock na tel: 5617231 of  Goriaka Maal  Telf 5659956 of bo por bai ariba www.thecreatorscarnivalgroup.com pa bo hanja mas informacion. Of   por pasa na Bucuti 12 enfrente di Rest Mahrandi.

CAMPAÑA   “COME KENTUCKY BAILA CREATORS

KFC tambe a lansa un campaña caminda 2 persona por gana nan disfraz cla pa jump den e grupo cu cada compra di Afls 25,-na un di e filialnan di KFC  na Playa- Sta Cruz of na Sanicolas bo t jena  bo nomber fam direccion y number di telf ariba e recibo  di compra tire den e buzon y bo ta den, na fin di Januari 2009 lo saca e ganador nan.

The Creators Band ta un di e poco agrupacionan musical cu ta toca live aki na Aruba, esey kiermen  bon musica garantisa, bon ambiente, bon cos di come y bebe, ta bo so falta pa hasi e ambiente aki completo. Den carnival 55 The Creators Carnaval Group” LOOKING GOOD ta presenta KFC.

Comentarionan (0) >>

Mustra/Kita comentarionan

Duna comentario

Mustra/Kita e formulario di comentario

Nomber

Email

Comentario

Duna Comentario