|
Keda Pendiente pa tende sonido di helicopter |
|
|
|
Wednesday, 18 February 2009 - 00:00 |
 Si bo tende e sonido di e helicopter di Radio Galactica yama 5882534.
Asina bo tin chance di gana 101 premio cada ora durante e Carnathon
99.9 FM riba e senjal di Radio Galactica. Den un forma maratonico e 100 oranan
mas importante di e temporada di carnaval lo ser transmiti en bibo for
di nan studio localiza na Dakota y tambe for di diferente reportahenan
for di actividadnan carnavalesco. Durante e transmision maratonico Radio
Galactica 99.9 FM lo reparti 101 premio pa e oyentenan cu yama ora nan
tende zonido di e helicopter di Radio Galactica.
Ja caba nos coleganan di prensa Roberto
Geerman, Raymond, Leo, Jimmy, Joe Hernandez, Richard, Freda, Arlene,
Sendy, Tendo y Tico B ta cla pa reparti e premionan cada ora. “Nos
ta den full preparacion y gradicido na e sosten ricibi di nos clientenan
y radio-oyentenan,” e team a bisa.
Gana premio ta simpel: sintoniza Radio
Galactica 99.9 FM durante e Carnathon 99.9 cu lo cuminsa diaranson 18
di februari pa 2’or di atardi y lo finaliza diadomingo 6’or di atardi.
Ora bo tende e sonido di e helicopter, yama nos studio na 5882534 y
e prome yamada di e ora ta ricibi e premio. Radio Galactica 99.9 FM
tin 101 premio pa parti!
Nos colega Roberto Geerman lo ta live
for di studio y tambe for di e Paradanan na San Nicolas y Oranjestad
pa asina transmiti e ambiente na tur radio-oyentenan.
Sintoniza sin falta bo senjal cosmico
99.9 FM durante e 100 oranan di Carnathon y corda keda pendiente di
e sonido di e helicopter cu ta reparti premio tur ora.
|
Subscribe to this comment's feed
Mustra/Kita comentarionan
Mustra/Kita e formulario di comentario
