Recientemente, Sr. Ivan Quandus di IQ Music Lab a haci entrega oficial di e dos CDnan aki na Sr. Roland Croes, director di SETAR. Manera ta conoci SETAR ta e sponsor oficial di Aruba su Carnaval y a coopera pa e celebracion di 55 aña tabata posibel. SETAR ta apoya Carnaval y nos talentonan musical semper y aki a hunga un rol tambe den produccion di e dos CDnan aki. Otro sponsor ta Balashi, e cerbes "di nos tambe" cu a coopera pa e CD di Tumba bira pa prome bes un realidad. Manera ta conoci e cd di Tumba, Calypso y Roadmarch 2009 ta riba mercado caba y ta obtenibel na tur tienda cu ta bende CD na Aruba y tambe na IQ Music Lab serca Ivan Quandus. 

E aña aki cu nos a celebra 55 aña di Carnaval esaki ta di aprecia. Tur dos CD a wordo graba pa IQ musicLab na e nochinan prefinal y e nochi final di Calypso & Roadmarch Contest 2009. E diseño di e CDnan tabata den man di Ishwar Dariyanani di Ishmedia y e fotografo Jason Inesia. Riba e potret: momento cu sr. Ivan Quandus ta haci entrega oficial di e CDnan di Tumba, Calypso y Roadmarch na sr. Roland Croes Director di SETAR sponsor oficial di Carnaval di Aruba, .

Comentarionan (0)

Subscribe to this comment's feed

Mustra/Kita comentarionan

Mustra/Kita e formulario di comentario