E combinacion di biña y cuminda cu a tuma lugar recientemente na L.G. Smith’s Steak & Chop house a wordo disfruta pa miembronan di staff como tambe algun miembro di prensa invita. Click lesa mas pa mas info...

E sesion a wordo diseña pa aumenta mas ainda e conocemento di combinacionnan di biña y cuminda entre e waiternan di e restaurant, kendenan na nan turno lo yuda pasa e informacion util y dushi aki pa esnan sinta na mesa. Pepia Est a provee e biña y propietario Michael v/d Berg a provee e comentario interesante. E combinacion a presenta dos manera basico di pensa, uno tradicional y sigur, e otro, nobo y excitante. V/D Berg a combina un cantidad di plato delicioso di L.G. Smith’s Steak & Chop House cu biñanan complimentario y despues a sigui pa pone sabornan contradictorio hunto, midiendo e reaccionnan di e palatenan di su invitadonan, unda cu e Aruba Seafood Chowder cremoso a wordo experiencia cu un Crest Grand Estates Chardonnay, y despues cu e biña dushi y cu sabornan di fruta, esta e Château Ste Michelle Riesling. E resultado, segun v/d Berg ta depende riba e palate individual; algun bishitante ta gusta un fusion harmonioso y complimentario, otronan ta prefera contrastnan cu ta aumenta e diferente sensacionnan di cuminda. Di tur manera, no tin un bon of un robez, djis algun liña di guia di sentido comun, e ta bisa. E restaurant su Fried Calamari y Crab cakes tambe a wordo purba den un combinacion obvio, pa despues usa un combinacion inespera, creando sensacionnan nobo pa e boca. Primiendo un tiki lamunchi riba e seafood a cambia e sabornan completamente, v/d Berg a observa, poniendo enfoke riba e sabornan di fruta den e biña. Pa e platonan principal, e restaurant su famoso Tuna Sashimi a casa exitosamente cu e Château Ste Michelle Syrah, mientras cu e New York Sirloin jugoso y tierno, cual bo por corta cu un forki, a traha bunita musica cu e Columbia Crest Two Vines Cabernet Sauvignon, aunke e Syrah lo tabata igualmente fantastico! Washington State, segun splicacion di v/d Berg, ta un region cu ta creciendo den e produccion di biña di alta calidad, situa den e skina noord-west di Merca. Apesar di ta un industria relativamente hoben di biña, awo e ta Merca su di dos productor mas grandi di biña y ta riba e lista di top regionnan di biña na mundo. Combinando e biñanan aki cu Certified Angus Beef su productonan di carni di calidad superior ta resulta den un variedad di sensacion spectacular di sabor, e ta conclui.  L.G. Smith’s Steak & Chop House ta sirbi su biñanan di Washington State segun glass of botter. Algun sugerencia di combinacion ta inclui Columbia Crest Two Vines Sauvignon Blanc Glass cu Spinach Salad y Sole Meuniere; Columbia Crest Grand Estates Chardonnay cu Fried Calamari y Lobster Thermidor; Château Ste Michelle Riesling cu Crab Cakes y Aruban Seafood Chowder; Château Ste Michelle Sauvignon Blanc Horse Heaven cu Caesar Salad y Grilled Chicken Breast; Château Ste Michelle Chardonnay cu L.G.'s Grilled Chicken Salad y Veal Chop; Columbia Crest Two Vines Cabernet Sauvignon cu Beef Carpaccio y Ribeye Steak; Columbia Crest Two Vines Shiraz cu L.G.'s Grilled Steak Salad y Rack of Lamb; Columbia Crest Grand Estates Merlot cu L.G.'s Grilled Chicken Salad y Filet Mignon; Château Ste Michelle Merlot, cu Caesar Salad y Surf & Turf, y Château Ste Michelle Syrah, cu Tuna Sashimi y New York Sirloin. Riba e potretnan por mira v/d Berg y su empleadonan di Pepia Est, como tambe e ekipo di L.G. Smith, Francois Maduro y Michael Ras.

Comentarionan (0)

Subscribe to this comment's feed

Mustra/Kita comentarionan

Mustra/Kita e formulario di comentario