Gobernador Refunjol ta otorga ocho Condecoracion Real
Wednesday, 29 April 2009 - 18:32
E aña aki ocho Arubiano a wordo condecora como Ridder of Lid in de Orde
van Oranje Nassau pa nan tremendo aporte na nos comunidad. Awe mainta den e
auditorium nobo nobo di Museo Archeologico den Schelpstraat, e condecoradonan a
ricibi nan asina yama ‘Lintje’ di Gobernador Fredis Refunjol. Click lesa mas pa mas info...
Personanan cu a haci nan mes particularmente meritorio pa
comunidad ta bin na remarke pa nombramento den un di e gradonan di Orden di
Oranje-Nassau. Pa e manera particular cu e paisanonan aki a duna contenido na
nan actividadnan, nan ta ricibi durante e ocasion aki aprecio y reconocemento
di su Mahestad La Reina. Como Ridder den e orden di Oranje-Nassau, nos ta haya
e condecoradonan Agripino Rolando Bisslik, Eurico Juscelino Hermans,
Yamila Altagracia Hoevertsz-Kock. Como Lid den e Orden di Oranje-Nassau, a keda
condecora Charles Hendrik Lampe, Dionisia Petronilia Mathilda, Richard Walter
van der Wal y Edith Suzy van der Wal-Kanbier y Tecla Delfina Kelly-Hernandez. E
conderadonan a encanta e antecion special cu nan a ricibi durante e ceremonia
solemn hunto cu Gobernador y sernan mas keri. E celebracion a culmina anochi
durante e ‘Koninginnebal’ anual caminda nan a wordo yama bonbini como
invitadonan di honor dor di Gobernador y su destinguida casa. Den presensia tur
invitadonan a hasi un brindis na honor di Su Majestad Reina Beatriz riba su
dia.
.JPG "orden (2).JPG")
.JPG "orden.JPG")
Subscribe to this comment's feed
Mustra/Kita comentarionan
Mustra/Kita e formulario di comentario
