SETAR awe a anuncia cu e ta redobla velocidadnan di e servicionan di Cablenet, DSL y Wireless Broadband na esun di mas haltonan na Aruba!  Mientras cu servicionan di Internet ta disponibel rond di mundo, e calidad y rapidez di e servicio hopi vez lo “slow down” proporcionalmente specialmente awendia cu e usuarionan ta desea di download filenan grandi, of nan lo kier waak videonan mientras nan ta online.  Click lesa mas pa mas info...

SETAR ta un di e companianan cu constantemente ta keda “update”  servicionan di Internet y ta ofrece “high-speed Internet” y continuamente a percura pa Aruba tin e velocidad y calidad di tecnologia di telecomunicacion na nivelnan comparable cu cualkier pais desaroya y moderno. Ademas, SETAR a percura pa e servicio di Internet keda na un prijs rasonable y te hasta ta ofrece paketenan special pa tur cliente segun nan uso.  SETAR ta ofrece paketenan di tanto Cablenet, DSL y Wireless Broadband pa tanto esnan cu ta den comercio of ta traha independiente, na cas of priva. E clientenan di SETAR a custumbra cu conveniencia moderno y comunicacion instantaneo. Nan semper a keda goza continuamente di e desaroyo riba e tereno aki, usando tanto nan computernan na trabou, na cas, laptops y celularnan.  Actualmente sigur nan lo yama bonbini na e coneccionnan cu mas velocidad aki. Mescos cu e desaroyo ta bai rond mundo, mas y mas e velocidadnan di Internet ta subi, e reto ta keda pa SETAR tambe keda sigui esaki di serca pa por brinda e cliente e speed cu e ta desea. Un di e factornan cu e cliente tin di tene cuenta cu ne ta cu mescos cu ta e caso den otro paisnan na unda speed halto ta keda introduci ta bira necesario pa aplica e concepto asina yama “Best Effort Policy” pa loke ta trata acceso di Internet. Kico esaki ta ensera? E ta ensera cu apesar cu SETAR ta brinda e velocidad aki, no semper por garantisa cu ta yega e top di e velocidad.  Ningun compania cu ta provee Internet cu speednan halto por garantisa esaki tampoco pasobra tecnicamente e no ta posibel.  Acceso na Internet cu maximo speed ta depende di e ora cu bo ta haci uso di dje, di e cantidad di hende cu ta usando e mes ora cu bo, e localidad (den e area cu bo ta biba si tin hopi uso), congestion riba e servernan, PC di e usuarionan, calidad di kabel den cas of edificio, interferencianan cu por sosode den servicio mirando e señalnan electromagnetico riba e kabelnan, of un interupcion tecnico aunke rara ves, por sosode net na momento cu e cliente ta buscando accesso rapido na informacion.

Cablenet, DSL of Wireless Broadband

SETAR ta ofrece Broadband Internet den diferente forma manera DSL, Cablenet y Wireless Broadband. Apesar di un economia slow rond mundo actualmente tin miyones di hende ta subi e red cybernetico diariamente y ta desea di tin speednan den cual nan por download informacion y kier coneccion di Internet “always-on”.  Na Aruba no ta un excepcion y e cantidad di usuarionan di Internet cu speednan halto ta creciente dia pa dia. 

Door di haci uso di e “Best Effort Policy” SETAR por brinda un capacidad mas grandi di broadband na e usuarionan habriendo e posibilidad pa Internet na velocidadnan nunca bisto na Aruba.  

“Fair Use Policy” (FUP)

Un otro aspecto cu ta relata na e uso di Internet cu speednan halto serca proveedornan ta e “Fair Use Policy”. Esaki ta significa cu usuarionan cu tin un uso excesivo di Internet compara cu tur otro usuario, ta ricibi un notificacion cu nan ta sobrepasa e cantidad di uso normal y cu nan cuenta ta wordo sera si no baha e uso. E motibo di esaki ta pa evita asina cu e uso abnormal aki ta stroba otro usuarionan di haci uso maximo di nan coneccion.

Comentarionan (5)

Subscribe to this comment's feed

Mustra/Kita comentarionan

...
Scirbi pa Booshi, May 15, 2009

Top Countries by Upload Speed
1 8.08 Mb/s Lithuania
2 7.49 Mb/s Japan
3 4.43 Mb/s Bulgaria
4 4.32 Mb/s Romania
5 4.28 Mb/s Russian Federation
6 4.10 Mb/s Sweden
7 .3.86 Mb/s Slovenia
8 3.86 Mb/s Latvia
9 3.35 Mb/s Moldova, Republic of
10 3.32 Mb/s Andorra
11 2.95 Mb/s Korea, Republic of
12 2.79 Mb/s Asia/Pacific Region
13 2.77 Mb/s Hong Kong
14 2.72 Mb/s Netherlands

Aruba te awe ta na lugar 148
148 0.21 Mb/s Aruba

Setar ta ofrece “high-speed Internet??
Source: http://www.speedtest.net/global.php

• 
• +0
• 
• 

...
Scirbi pa Joaquin, May 18, 2009

Ken nan ta ganja?

• 
• +0
• 
• 

...
Scirbi pa Dushi Aruba, May 18, 2009

Na porcentahe ta cuanto e 14 paisnan tin connecion di internet?

• 
• +0
• 
• 

...
Scirbi pa chandrika moondi, May 19, 2009

Setar ta gatiando poco poco den e speed business y mi ta spera cu nan lo sigi cu nan upgrading periodicamente. Nos como cliente ta verwachte esaki di nan
Top Countries by
Download Speed:

1.17.83 Mb/sKorea, Republic of
2.16.07 Mb/sJapan
3.11.55 Mb/sSweden
4.11.28 Mb/sLithuania
5.10.33 Mb/sRomania
6.10.11 Mb/sLatvia
7.9.40 Mb/sBulgaria
8.8.97 Mb/sNetherlands
9.7.59 Mb/sGermany
10.7.39 Mb/sRussian Federation
11.7.26 Mb/sMoldova, Republic of
12.7.23 Mb/sSlovakia
13.7.15 Mb/sSwitzerland
14.7.04 Mb/sFinland

• 
• +0
• 
• 

...
Scirbi pa wingawinga, May 31, 2009

SEA CONTENTO!!! NA CORSOW TA SPEED DI MOROCOI NAN TIN

• 
• +0
• 
• 

Mustra/Kita e formulario di comentario