|
|
|
| Extras | ||||||
|---|---|---|---|---|---|---|
|
|
|
| Bookmark Us |
|---|
 |
| Latest Photo Ads |
|---|
 Ta bende Mazda RX7  Car For Sale  Trailer for sale  Sport Watch (with pu  Kia Rio 2004 |
|
|
| SETAR ta ofrece servicio di Wi-Fi pa tur schoolnan na Aruba |
|
|
| Monday, 18 May 2009 - 10:46 | |||||||
|
SETAR como un compania
trendy, inovador y cu tin e futuro generacion di Aruba na prome lugar
ta acerca e schoolnan pa conexion di Wi-Fi di manera cu e maestro
y studiantenan por tin acceso eynan mes y cu speed rapido pa por yega
na informacionnan y haci su investigacion mas facil pa haci nan tarea
y proyectonan pa school. Click lesa mas pa mas info...
Den e programa di Wi-Fi pa school SETAR
ta inverti un suma substancial pa desaroyo di nos pais y ta pone e red
disponibel pa schoolnan cu ta desea esey. Colegio Arubano ta un
di e prome schoolnan cu a cera contract cu SETAR pa e servicio specialmente
pa e studiantenan pero tambe pa e maestronan di e school. E otro schoolnan cu tambe
cu a mustra interes y a concretiza un acuerdo caba cu SETAR ta La Salle
College y Colegio EPI. Abraham de Veer School y Scol Scucha Nos ta tambe
ta den proceso di sera acuerdo. Colegio Arubano, La Salle College
y Colegio EPI lo ta e prome schoolnan tambe cu ta bira completamente
Wi-Fi. Tur school na Aruba cu
ta desea di conecta cu e servicio di Wi-Fi pa por brinda nan maestronan
y studiantenan mihor hermentnan pa yega na nan educacion por haci un
peticion na SETAR.
Kico ta significa
pa e maestro y studiante ora cu e school tin Wi-Fi? Ora e schoolnan tin e servicio di Wi-Fi ta significa cu e maestro y studiantenan lo tin acceso via un servicio di add on riba nan abonement di DSL existente of un carchi prepaid di Wi-Fi. Kiermeen cu e maestro of studiante por aplica pa un Wi-Fi add-on si e tin abonement di DSL na SETAR caba y asina por usa tur Wi-Fi hotspots di SETAR (tambe esun di School). E di dos opcion ta pa cumpra un Wi-Fi Student Prepaid Card na e school participante, na unda por usa e Wi-Fi na e Student Hotspot cu ta e school mes y tur otro school participante. Kaarchinan Wi-Fi lo ta obtenibel na e schoolnan cu ta participa como tambe na tur Teleshop di SETAR. Tur cliente cu tin DSL por abona pa Wi-Fi DSL add-on (incluso e studiante), ta paga un suma mensual y lo tin acceso na tur Hotspots di SETAR, esta e ‘Student Hotspots’ tambe. Cu e Wi-Fi Student Prepaid Card cu ta kaarchinan prepaga obtenibel na e schoolnan mes, e studiante of maestro lo tin acceso di Wi-Fi solamente na e ‘Student Hotspot’ cu ta nan school of otro school participante, contrario na e servicio di Wi-Fi DSL add-on mara na abonement cu tin acceso na tur Hotspots rond di Aruba tambe. SETAR ta ofrece e servicio di Wi-Fi DSL add-on cu un oferta pa studiante di Afl.10,- pa 10 ora of Afl.35,- pa uso sin limite. E kaarchinan prepaga “Student Prepaid Cards” ta costa Afl.10,- pa 20 ora di uso of Afl.25,- pa uso sin limite. E kaarchinan prepaga ta valido pa 30 dia despues di e prome uso di e kaarchi. Despues di 30 dia e kaarchi ta caduca. Tur school na Aruba cu ta desea di conecta cu e servicio di Wi-Fi pa por tin acceso rapido y posibilidad pa yega di biaha na e hermentnan pa yuda den metanan pa educacion por haci un peticion na SETAR door di manda un carta dirigi na Sales Support of por yama 525-1500 na SETAR.
Comentarionan (7)
  Scirbi pa arubianita, May 18, 2009
Esaki ta hopi great pa nos hubentud. Servicio di Setar ta sublime, mihor cu antes en todo caso. Pero toch mi tin un critica constructivo cu ta bai pa e Director cu ta Sr. Roland Croes. No ta coste nada si mainta ora cu e yega trabow anto cu e hanja clientenan ta warda pafor pa Setar habri pa e bisa bon dia. Pasobra esey a pasa y pa bisa bon dia, bon tardi of te mayan bo no mester bai Universidad pe, esey ta educashon cu ta cuminsa na cas y for di chikito. By the way, e programacion di CABLE si mester cambia, pasobra no por tin tanto ripitishon asina. Si bin un competencia, mi ta kere cu hopi hende lo laga Cable cai. Ban ta serio. Danki.
Scirbi pa koko Pober, May 18, 2009
Great ???????? Great si e tabata pornada pa nos muchanan. Setar ta haci asina hopi ganashi caba i awor kier saca mas placa riba custia di nos mucahnan. Wel aki ta otro discriminacion ta bai tin. Hopi mucha no por paga ni un sandwich cu un coi bebe tur dia corda pa bai cumpra kaarchi pa subi internet. Ate, conclusion: un inversion grandi haci solamente pa e muchanan rico, of mihor bisa majornan rico. Nos muchanan pober tin cu sinta wak e muchanan rico ta surf bai bin riba internet. Ay noh SETAR mi a kere cu SETAR ta di mi tambe. Danki toch.
Un mucha Pober
Scirbi pa E observador, May 18, 2009
Full Fout!!!!!!!!!!!!!
Contribui na e studiante (of schoolnan) den mi opinion kiermen juda na MINIMALISA gasto of NO CREA mas gasto pa e studiante (schoolnan). Cobransa individual di e forma aki ta confirma cu SETAR (nos Gobierno) a inventa atrobe un manera pa saca ganashi awor ariba nos schoolnan y studiantenan. Ki berguensa...... Esun cu a inventa e fenomeno aki di Add-On aki ta ok pa comercio of individuo cliente....NO PA STUDIANTE OF SCHOOL. Just my humble opinion....
Duna Comentario
Bo mester log in (miembro )pa por comenta.Por fabor traha un account si bo no ta miembro ainda.
|
|||||||
|
| Tempo | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||||||
|
|
| Newsletter |
|---|
|
|
.JPG "colegio (4).JPG")
.JPG "colegio (4).JPG")
.JPG "colegio (4).JPG")
Subscribe to this comment's feed
Mustra/Kita comentarionan
Mustra/Kita e formulario di comentario
