Aña pasa durente e conferencia anual di FECC cu a tuma lugar na Ploermel Francia Aruba a gana pa ta cede di e conferencia di FECC na 2012. Na Januari 2009 e presidente di FECC a contact e representantenan di FECC Aruba pa asina ofrece Aruba como cede di e conferencia di FECC na 2010. Motibo di esaki ta cu FECC di Spaña mester a organisa e conferencia na e cuidad di Cartagena pero pa motibonan financiero nan a cancela e organisacion di dicho conferencia. SAC tin representante cu pa varios aña a participa activamente na dicho conferencia. Click lesa mas pa mas informacion.

Aruba mirando e oportunidad pa logra haya un cantidad di 200 pa 250 persona cu lo bini Aruba for fi e diferente paisnan di Europa a a tuma man habri pa logra organisa e conferencia aki na final di mei 2010. Ya caba a sinta cu diferente personanan clave pa ta forma parti di e comicion aki. Pues SAC ta mira e conferencia como un aporte grandi na e economia y tambe tin e oportunidad pa exporta nos cultura. E team nucleo cu ta trahando riba e conferencia aki ta reclutando  mas persona pa forma parti di e comicion nacional pa conferencia di FECC na 2010. Dicho comicion ta bai extende un invitacion na tur e demas paisnan den nos region cu ta celebra carnaval pa ta presente na Aruba pa 2010. Aruba a haya e grato noticia cu gobierno di Colombia a apunta un persona pa asisti na e conferencia na Montenegro di 2009 y pa asina e lo por ta presente cu un delegacion di FECC Colombia pa cu e conferencia na Aruba ya cu nan ta interesa pa organisa e conferencia di FECC na e pais Colombia despues di 2013. Pues un biaha mas Aruba ta haciendo un bon papel den exterior riba su intercambio cultural.

Comentarionan (0)

Subscribe to this comment's feed

Mustra/Kita comentarionan

Mustra/Kita e formulario di comentario