Drs. Joyce Pereira, Selvia Lumenier, Swinda Schwengle, Etley Lasten, Pedro Velásquez y Ramon Todd Dandaré Mag. Ling. a dicidi di lanta e Fundacion aki pa duna Papiamento e luga cu e merece den nos sociedad, tanto como lenga nacional como como lenga oficial. Banda di e seis personanan aki tin un grupo grandi di persona cu ta stima Papiamento cu ta duna sosten na e iniciativa aki y ta apoy’e incondicionalmente. 

Como introduccion Fundacion Lanta Papiamento ta organiza diabierna dia 22 di Mei proximo un anochi cu tin como tema: Papiamento ... su valor y posicion den e sociedad Arubiano, cu charla tocante Papiamento, poesia na Papiamento y musica na Papiamento. 

E anochi aki lo tuma luga na Centro di Bario Playa Pabao di 8.00 or te 10.00 or y e fundadornan kier organisa un anochi bunita, di satisfaccion y fructifero pa tur presente y ta mira e anochi aki como di inspiracion pa y di promocion di nos idioma Papiamento. 

Joyce Pereira lo elabora tocante e lucha constante di Papiamento pa su luga den enseñansa, Pedro Velásquez lo papia tocante Oficialisacion di Papiamento y su resultadonan y Ramon Todd Dandaré lo trata Terminologia na Papiamento. Olga Buckley, Munye Winklaar y Philomena Wong lo declama poesia na Papiamento y Gregory Goedgedrag, Herman Hennep, Tino Ruiz y Etty Toppenberg lo deleita e publico cu musica Arubiano. 

Un invitacion cordial ta bay na tur musico y compositor di letra na Papiamento, tur autor y periodista cu ta skirbi na Papiamento, tur locutor y relacionista publico cu ta uza Papiamento pa comunica cu publico y tur otro hende amante di Papiamento pa asisti na e anochi aki dedica completamente na nos lenga Papiamento. 

Comentarionan (4)

Subscribe to this comment's feed

Mustra/Kita comentarionan

...
Scirbi pa shidaharaka, May 20, 2009

E cos ki ta tristoi, ta dicon ta un persona cu fam Arubiano so tin den e grupo aki? Ta pesey Papiamento ta bayendo atras full speed asina. E personanan aki cu pretension di linguista di baina kisas por tin un di nan cu tin conocemento di Papiamento y c*ltura di Aruba como herencia dii su padushi y madushi Arubiano. E problema ta cu mayoria no TIN ni un gota di sanger Arubiano. Nan ta Latino, yiu corsou, boneriano etc etc. Hasta chines tambe tin. E grupo ta un neishi di stranhero. Idioma Papiamento ta sclama: Dori mako, si mi muri, ken ta dera?

• 
• +0
• 
• 

...
Scirbi pa Zezinho, June 03, 2009

@shidaharaka: lamentablemente mi a lesa bo comentario laat... bo tin razon, vooral si nos kier trata e Papiamento como herencia/c*ltura di nos grandinan, madushi cu padushi of hasta bisawelo, bisawela... e ora ey lo ta bon pa tin mas Arubiano, cu no ta LINGUISTA manera e grupo SELECTO aki, pa yuda recupera of mantene aspectonan di Papiamento. Claro, semper ta bon pa tin un guia profesional, manera linguista pa por intercambia di idea. Pero bo punto mi ta haya hopi importante, paso un idioma tin su identidad/idiosincracia cun'e... un LINGUISTA hopi biaha no conoce e alma di un idioma/lenga, paso su focus ta hopi "cientifico" y "frieu"... y e no sa tur cos tampoco, manera hopi ta pretende.
MODERADOR DI E PAGINA AKI: si ta posibel, yudami drenta den contacto cu SHIDAHARAKA. Tnx.

• 
• +0
• 
• 

...
Scirbi pa shidaharaka, June 07, 2009

Wel Zezinho danki pa e comentario. Nos mester di Arubiano cu a base di nan herencia c*ltural por yuda mantene nos idioma Papiamento. Bo tin rason ora bo bisa cu studio ta importante. Esey ta berdad. Pero mas importante den caso di papiamento, un idioma cu a cuminsa como contacttaal/pidgin, ta pa documenta e palabranan/lexico di nos antepasadonan. Y e manera pa hacie, esey ta door di papia y entrevista hende grandi. Na e lugarnan unda (ainda) bo por haya personanan cu tin minimo tres welo y wela naci na Aruba. Paso ta logico, cu un persona cu no tin ningun familiar bieu naci na Aruba manera mayoria di e Papiamentistanan, no por sinjabo nada di nos herencia c*ltural corda pa nan sa nos idiosincracia.
Si bo kier sa ken mi ta y di unda mi ta, djis pensa nomber di cua luga Shidaharaka twt prome cu tur e stranheronan a invadi nos. Esey mi ta kere cu e zg linguistanan tampoco no sa. Shidaharaka twt un bon conocir di mi antepasadonan. Saludos

• 
• +0
• 
• 

...
Scirbi pa Zezinho, June 08, 2009

@shidaharaka: mi a caba di lesa bo comentario, great cu bo por relaciona e nomber "topografico" cu bo antepasadonan. Mi no sa ken bo ta, pero bo no sa nunca, lo mi por saca afor un dia. Pa casualidad mi a haci net un anja na Aruba awe. Pero, mi gusta desafionan basa riba aspectonan historico-c*ltural-linguistico di Aruba. Mi a scucha e nomber aki basta ana pasa den mi infancia/hubentud (awor mi tin 35), pero mi no ta corda mas... mi tawata varios biaha for di Aruba. Pero, mi ta di vecindario di Butucu y si mi no ta hera for di Rooi B....... mas o menos canando den direccion bay abao mi ta yega Rooi T... cu ta pasa tras di Shidaharaka. Mi no sa cuanto tempo mi lo tarda pa saca afor e nomber actual di Shidaharaka y su historia, pero mi ta sak'e si. Danki pa e desafio, saludos.

• 
• +0
• 
• 

Mustra/Kita e formulario di comentario