|
Museo Arqueologico Aruba a launch workshop New Exhibit |
|
|
|
Wednesday, 20 May 2009 - 18:08 |
|
Dia 18 di Mei tabata dia Internacional di Museo y e “International
Counsil Of Museums” a escohe como tema pa e a?a aki “Museums and
tourism”. Den cuadro di esaki Museo Arqueologico Aruba a “launch” su
workshop nobo “New Exhibit”. Click lesa mas pa mas info...
Intencion di e workshop aki ta pa duna oportunidad na guianan manera
“tourguides” pa nan mes por duna un guia den e sala di exposicion nobo
di Museo Arqueologico, cu lo habri oficialmente pa publico riba dia 26
di Juli 2009.
Na e “launch” di e workshop a presenta pa medio di un powerpoint na
personanan clave di sector di turismo, e concepto di e workshop y
despues nan a participa den un session di “brainstorm” den cual nan a
discuti e contenido y exigencianan cu e workshop mester cumpli cu ne
segun nan vision professional den e area aki.
E organizacion di y preparacion pa e “launch” di e workshop a ser haci
pa e stagiair sr. Norwin Maria, cu ta un studiante di Colegio EPI,
sector Economico, “richting Toeristische Administratie”, cu a traha
riba e projecto aki como su eindejaars stageopdracht. Tambe el’a habri
e “launch” y a guia e session di “brainstorm” den cual participantenan
di Aruba Tourism Authority (ATA), Aruba Cruise Tourism, The Palm Tours,
Legacy Tours y Parke Nacional di Aruba a discuti tocante temanan manera
ki actividanan Museo lo por ofrece turistanan den futuro banda di e
exposicicion permanente y exposicionan temporario. Asina Museo
Arqueologico Aruba a haya informacion valioso di su partners den e
sector di turismo cu lo yuda Museo pa duna e mihor experiencia possibel
na su futuro bishitantenan.
E conclucionan di e session di ” brainstorm” di e “pilot-group” aki lo
ser procesa y despues incorpora den e workshop “New Exhibit”. Pronto
Museo Arqueologico Aruba lo invita “tourguides” pa participa na e
workshop aki. Esaki lo pasa den fase pa asina tur cu ta interesa den
esaki ta haya oportunidad pa participa. Intencion ta pa e workshop aki
den futuro bira un parti di un “Island Wide Certification Program” di
destinacion Aruba.
|
Subscribe to this comment's feed
Mustra/Kita comentarionan
Mustra/Kita e formulario di comentario
Tin papia cu Museo archeologico ta gusta traha cu hulandesnan mientras tin Arubianonan cu expertisio y cu curazon cu nos no ta mira nan envolvimiento. Paso nan ta hulandes nan ta bira curator, producer y ta dicidi cua Arubiano MAG di hasi mee cu nan proyectonan. Cambia e maneho aki shonnan y duna valor na nos hendenan. Bai biblioteca y busca pa sa kende nos expertonan ta! Aparentemente ni cas di c*ltura, ni institutu di c*ltura no tin e informacion aki tampoco... Por pone un advertencia democratico den corant tambe pa voluntarionan y forma un team realmente di nos hendenan.
Negociantenan ta wordo consulta promer cu nos pilarnan di c*ltura y Arte...