Ocho luna condicional pa hoben haya cu revolver y marihuana

Corte den Prome Instancia a trata e caso tambe contra E. de Cuba, kende ta wordo acusa di a posesion di arma di candela cu patronchi sin permiso di Minister di Husticia y tambe ta wordo acusa di posesion y plantacion di marihuana.

Varios biaha sa hay’e den problema cu su ruman. E ruman a informa polisnan cu De Cuba tin revolver cun’e. E ora polisnan a pidi e mama permiso pa listra den e cas pa cual e mama a nenga na prome instante. Pero ora a splike di e situacion e ora e mama a duna permiso;Segun e mama e no tabata na altura mes cu tabata tin marihuana den e cas ni tampoco di plantacion di marihuana. E mes no ta biba eynan.  

Huez a puntra e acusado ta dicon e tin tanto sakitos di marihuana den su poder, si no ta pa bende. E ora e acusado a contesta cu esaki ta pa preserva e marihuana. Pasobra asina nan ta daña. E revolver a haya na noordkust y no a entrege na autoridadnan.

Fiscal ta haya cu ta legalmente proba cu e tabata tin un pistol den su poder y tambe marihuana. E revolver si tabata mal manteni. Fiscal a pidi un castigo di 8 luna condicional cu un period di prueba di 2 aña, y cu servicio na comunidad di 240 ora. Tambe e mester bay cay bao di supervision di reclassering. Door cu acusado tin problema cu curazon y no por haci mucho esfuerzo lo busca un proyecto p’e sin cu e mester di cansa su curpa

Huez ta haya cu ta legalmente proba cu e tabata tin arma den su poder y tambe marihuana. Mirando e seriedad di e caso e no a keda sinta e castigo mereci pa cu esaki. Esaki ta debi na su malesa. Huez a dun’e castigo seriedad di hecho, ta algo serio. El’a hay 8 luna condicional, cual cual ta 240 dia, kitando 6 dia cu’n period di prueba di 2 aña. Tambe e la haya 240 ora di servicio na comunidad.

Castigo di 95 dia exigi door di fiscal pa importacion di marihuana

Ayera Corte den Prome Instancia a trata e caso contra Van Der Meulen kende ta wordo acusa di exportacion di marihuana. E acusado no a aparece den corte, aunke cu el’a haya e dagvaarding en persona y e caso a sigui normal.

Sr. C. van der Meulen, tin 4 aña bibando na Aruba, pero ya ta usando marihuana pa 10 aña caba. El’a sconde e marihuana den un dvd player. El’a trece e simiyanan pa plantanan aki na Aruba.

Ta haya cu ta legalmente proba cu sr. Van der Meulen a importa marihuana, pa cual ta pidi un castigo di 95 dia, kitando dianan cu ya el’a sinta. E acusado na e momento nan aki ta na Curaçao.

Huez a cera e tratamento di e caso y a dicta sentencia mes ora. Huez Mr. Angela bay di acuerdo cu exigencia di fiscal.

Cuatro luna di prison exigi pa importacion di Marihuana

Ayera Corte den Prome Instancia a trata e caso contra Luis Ignacio Tavares, kende ta wordo acusa di importacion di hennep dia 14 Februari 2009. E acusado no tabata presente den corte.  E tabata na Curaçao, ora cu un amigo di dje, Stanley a pidie un favor, pa trece un regalo pa su mama, cual ta un dvd player nobo. Y cu e lo manda un hende buska e paki cerca dje.

Fiscal ta haya cu no ta intencionalmente el’a trafica marihuna, pero mas bien a wordo pidi pa trece un regalo Aruba. Cual a resulta di enbez di ta un dvd player nobo ta un dvd player bieu. Fiscal ta haya cu mester a puntra ta ken lo a bin buska e pakete. Y tambe cu mester a controla prome kico tin den e pakete.  Fiscal a exigi un castigo di 4 luna, kitando e tempo cu e la pasa den detencion preventive. Y tambe a duna ordo pa destrui e marihuana.

Huez ta cera e caso y ta bisa cu mester a controla e pakete. Aunke cu ta favor ta haci na amigo. Por lo tanto Huez a bay di acuerdo cu exigencia di fiscal.

Comentarionan (3)

Subscribe to this comment's feed

Mustra/Kita comentarionan

...
Scirbi pa sano huicio, June 05, 2009

biba hustica na Aruba! Despues nan ta puntra dicon tin tanto droga y choller na Aruba, Es mas despues ta critica polis cu supuestamente no ta hasi nada..... OM y Hueznan mes ta stimula esaki ya cu wak e castigonan cu ta cay siendo cu e ley ta papia di 4 anja of mas di castigo pa posesion di arma, droga y importacion (trafico). Bay critica POLIS AWO NO.....

• 
• +0
• 
• 

...
Scirbi pa David Kock, June 12, 2009

esaki no lo haci ningun diferencia ni aki 20 of 30 anja.
wak hulanda! desde cu marihuana a wordo legalisa, e uso di cocaina y heroina a baha drastico.

• 
• +0
• 
• 

...
Scirbi pa DANI71, June 30, 2009

Ami a lanta na hullanda...& mi tin cu bisa::::: Ta pesey a legalise hennep/ canabis,pa e otro tipo di droganan haja e caida tmb..I common quanto droga un dokter ta prescribi & quanto ta wordo bendi den un drugstore(botica)..
Qua i ta kiko ns ta sinjando mundo awo??????They're the same s.o.s.....BE Educated people ...

• 
• +0
• 
• 

Mustra/Kita e formulario di comentario