Hues, mr. Angel’a, a señala cu segun declaracion di e señora di sr. Flemming, ya tin un un aña Mark cu Sr. Flemming tin problema den otro, Y tur cos pavia di un Cortina. Ora cu señora splica sr. Flemming e motibo tras di e Cortina, Sr. Flemming a pidi Mark sorry, pero cual segun sr. Flemming Mark no a acepta. E dia di e incidente, e señora a sali Pa 7 or y mey mainta for di cas pa bay traha, Ora el’a bin bek cas atardi/anochi, el’a bin ripara cu Sr. Flemming a kibra un lampi den cas, atrobe.

Full e discussion a bin door di un kwitantie. Y tambe door cu el’a waak potretnan di su yiunan di crianza cu lo mester a biaha pa Haiti, pero cu riba ningun di e potretnan e mes no ta aparece. Y esey a pone cu el’a rabia. Na e momento ey, su señora su cel a ring, cual a pone cu el’a rabia mas ainda, el’a kita e cel for di su señora, y a tir’e pa dal’e den muraya, Y door di esey, e cel a zwaai bay dal e señora den su cara, na su wowo banda robez. Sr. Flemming a pidi su señora sorry. Ora Mark a bin el’a puntra kico a pasa y eynan a cuminza un discusion entre e victimaa y e acusado. E victima a pasa man pa un martieu  y door di esey e acusado na su vez a pasa man pa un cuchiu.

Segun declaracion di e victima, Mark S. ora el’a yega cas pa sali cu amigonan. Huwig, su ruman chikito a bin bis’e cu e tin duele di su mama. e ora el’a bay den kamber di su mama, pa e puntra su mama pa bis’e kico a pasa. E mama a saca Mark for di kamber, y e discusion a sigui pafor. E mama na tur momento tabata para mey mey di nan dos.

Segun e acusado, desde cu e ta casa cu Hilary, el’a cria e muchanan mescos cu ta su yiu nan ta. E muchanan a keda di bay Haiti dia 9 di Juni, segun e acusado, Flemming, varios biaha a bisa Mark cu e no ta gusta cu e ta trece mucha muher cas. E ta sinti cu e yiunan di su señora no ta respet’e y e sinti cu e ta wordo usa. Cu nan no ta dun’e su balor den cas.

Acusado ta sigui bisa cu Mark a drenta cu martiu caba ora el’a bin den kamber, Hilary pushe pa bay pafor. Huez a puntra e acusado, pakico e no a keda den kamber. Acusado ta bisa cu e loke el’a haci ta defensa propio. Pa loke Huez a bisa cu si e mes a siguie esey no ta klop mas. Pasobra e Mark no tin respet p’e. Pero huez ta bisa cu esey no ta excuse. Mark a keda menaze cu cuchiu. Pa defende su curpa el’a dicidi di bay coy un cuchiu. Mark tabata kier a bay riba dje.

Huez a remarca cu e mester a cana bay pa evita problema. Segun acusado no ta facil pa cana bay. Pasobra ainda por haya sla di patras. Y tampoco e ta bay core pa un mucha di 18 aña. Peor si e ta waak cu e tin intencion di dal e cu e martiu.  E ora ey el’a hink’e.  Despues di esey el’a bay den kamber y sera e porta.

Fiscal ta haya cu alcohol a hunga un rol masha grandi mes den e caso aki. E ta hay cu loke e acusado a haci ta un intento di asesinato.  Mester tene na cuenta tambe cu si ora di hincamento semper por papia di intento di asesinato. Pero Fiscal a mustra comprension pa e situacion di sr. Flemming caminda cu su yiunan di crianza no tin respet p’e. pa cual el’a pidi un castigo di 24 luna pa e acusado.  

Mr. Petrochi den su betoog, e ta puntra pakico algo asina mester yega asina leu?? No ta haya cu ningun momento por papia di intento di asesinato. Pa cual e castigo pidi di 24 luna ta mucho halto.

Huez a cera e caso y lo tuma decision dia 18 Juni 2009.