Pa e ocasion special aki e director local Giovanni Ceccarelli y su gerente Maria Faria tabata tin e honor di ricibi un invitado special for di exterior. Ta trata aki di Enrico Andrello, kende ta e gerente di exportacion pa area di America y Caribe.

Berloni cu tin establecimentonan rond mundo, inclusivo na Dubai, ta conoci pa presenta productonan di calidad cu toke moderno.

Na esnan presente a wordo splica cu Berloni ta conoci pa su inovacion y calidad y ta ofrece tur loke tin di haber cu muebles di cas: cushina, kashi, closet y gabinete pa tur parti di cas.

E concepto di Berloni su cushina “Not for Food” ta diseña cu e estilo di semper pero adapta na nos tempo moderno. Bo por haya e cushina grandi di antes pero tambe pa e espacionan compacto di awendia, caminda tur instrumento ta haya su lugar pa forma harmonia cu henter e concepto di cushina.

E cushina estilo “Not for Food”, crea door di e arquitecto Enzo Eusebi di Nothing Studio, hunto cu e ekipo di Berloni ta un sistema di muebles integral di “carbon fiber” y ta presenta e stoelnan, luga pa come y un area pa haci trabao, uso di Internet y musica.  E diseño innovativo ta sigura cu e cliente tin acceso na cada skina di e kabinet, y e portanan ta habri  bay halto envez di bon afo.

For di 1998 Berloni ta reconoci como un pionero den uso consciente di materialnan cu ta cuadra den proteccion di nos medio ambiente.