Aqua Grill su Chef Ehecutivo, ganador di varios premio, Scott Scheuerman, a prepara un tremendo menu, consistiendo di shete plato, combina perfectamente cu siete biña di Duck Pond Cellars. E anochi lo cuminza cu un variedad di amuse bouches, compaña pa un 1996 Sparkling Pinot Gris, y lo ofrece specialidadnan cu ta varia di un Scallop Ceviche refrescante den un Sweet Potato Muffin cu Green Mango Salad, sirbi cu un 2007 Riesling, pa Blackened Cobia, cu Red Pepper Compote, Celery Root Puree y Fried Basil, cual lo combina tremendamente cu un 2006 Syrah for di e Dessert Wind Vineyard. Aruba Trading Company su Gerente di Benta & Mercadeo pa Biñanan, Cerbes & Awa Mineral, Jorge Curiel ta raporta cu bishitantenan tambe lo saboria e biñanan special di Single Vineyard.

Tocante Duck Pond Cellars

Duck Pond Cellars a wordo funda na añanan 80, ora Doug & Jo-Ann Fries a muda di California pa Oregon pa disfruta di nan penshun. Awendia, Duck Pond Cellars ta propiedad di e famianan Fries & Jenkins, despues cu nan yiu muhe Lisa a casa cu Scott Jenkins. For di e tereno di biña pa e botter, tur cos ainda ta wordo controla pa e famia. Duck Pond Cellars a logra crece pa bira un biñero di alta calidad, cu biñeronan den cuater area di e Willamette Valley, Oregon su top region di traha biña. Den transcurso di e ultimo añanan, Oregon a bira mas y mas popular den e mundo di biña, danki pa un gran parti na e Pinot Noirnan ultra moderno. Duck Pond ta produci Pinot Gris, Riesling, Gewürztraminer, Chardonnay, Pinot Noir, Merlot, Sangiovese, Syrah y Cabernet Sauvignon.

Scott y Lisa Jenkins lo ta presente na e cena pa personalmente guia esnan presente door di cada plato, splicando e calidad y sabornan di e biñanan cu lo compaña e cena di siete plato.

E Indulgence of the Seven Seas lo tuma luga riba dia 8 di Juni, pa un solo anochi. Lugarnan ta obtenibel pa $70, incluyendo biña, excluyendo service charge y bbo. Reservacionnan por wordo haci door di yama Aqua Grill na 586 5900. Yama na ora, ya cu e lugarnan ta limita.