|
|
|
| Extras | ||||||
|---|---|---|---|---|---|---|
|
|
|
|
| Bookmark Us |
|---|
 |
| Latest Photo Ads |
|---|
 Ta bende Mazda RX7  Car For Sale  Trailer for sale  Sport Watch (with pu  Kia Rio 2004 |
|
|
| Benny Sevinger no mester paga ningun boet na Elmar |
|
|
| Monday, 08 June 2009 - 23:04 | |
|
Huez a dicidi di honra e peticion di
Parlamentario Benny Sevinger esta di dispens’e di paga e multa cu Elmar N.V. ta
demanda. Di otro banda Hues ta haya cu e habitante di e cas, Luis Villada
mester paga e multa. E caso aki a tuma lugar awe mainta, caminda tabata tin
continuacion di e caso entre NV Elmar, Benny Sevinger y Luis Villada. Click lesa mas pa mas info...
Durante henter e proceso Sevinger y Villada a
pidi dispensacion pa paga e multa di 16.013,47 florin cu Elmar a manda cobra.
Hues den su sentencia ta mustra cu den su
sentencia di intermedio di September 2008, el’a bisa cu a keda constata entre
partidonan cu e registro di meter di coriente di December 2003 tabata mas abao
cu loke normalmente na e cas aki ta usa. Elmar a expresa su sospecho pa e
periodo den cual e consumo di coriente tabata mas abao cu normal.
Hues a mustra cu Elmar ta basa su sospecho den
e periodo entre September 2002 y Augustus 2002. Ta asina cu Sevinger a presenta
prueba cu declaracion di testigo cu entre September 2002 te cu Maart 2003, e
cas en cuestion tabata para bashi. Hues ta haya cu ta aceptabel e ponencia di
Sevinger cu e aumento cu Elmar a constata na December 2003, a cuminza desde
Maart 2003 ora cu Villada a bay biba den e cas. Hues a remarca cu cualkier otro
sospechoso ta inhusto. Pesey Hues ta sali for di e punto di bista cu 1 Maart
2003 posiblemente tabata e prome fecha cu por a midi cu e consumo ta abao.
Esaki ta contrario na e 15 lunanan cu Elmar a usa pa calcula su multa. Hues ta
haya cu envez di e 15 lunanan mester calcula cu 10 luna.
Mirando e hecho cu ta trata aki di un cas
normal y cu no tin ningun circumstancia excepcional pa cu e consumo di
coriente, e ta calcula cu e consumo mash alto cu tur e aparatonan electronico
den e cas ta 12 envez di 24 manera Elmar a usa den su calculacion.
Hues a reduci e multa di Elmar di 16.013,47
florin na 5.337,82 florin y cu mester desconta di e suma aki e 1.111,68 florin
cu ya caba Elmar a haya di pago. Esey ta significa cu ainda falta di paga
4.226,14 florin.
Hues a mustra cu segun Sevinger, den e periodo
menciona, ta Villada tabata habita e cas y como tal ta Villada mester paga e
cuenta. Hues ta comparti esaki y como tal ta dispensa Sevinger pa paga e multa
na Elmar.
Hues den su sentencia di e caso principal di
demanda di Elmar, ta ordena Sevinger pa paga e 4.226,14 florin di multa na
Elmar cu e interes valido desde 5 Maart 2004 pero den e parti di dispensacion
ta ordena Villada pa paga Sevinger tur locual Sevinger lo mester paga na Elmar
den e caso principal. Comentarionan (37)
  Scirbi pa B.W., June 08, 2009
Benny, si ta 1 florin mes bo tin cu paga....esei ta haci c*lpabel di tur cos tog.
Scirbi pa MEP MEP MEP, June 08, 2009
Esta ta tristo ami a kere cu ta ganja mep ta ganja ora nan ta yama Benny Zievinger pa benny coriente.
Dus awo ma bin wak ku ta berdad! Ayno esta tristo hasta dilanti huez caso mester bai pa nan sinverguenza. Esta vies ta e hende nan aki AVP tin ariba lista? Tristo
Scirbi pa mely18, June 09, 2009
Tin hende cu no por lesa, y tin otronan cu no ta lesa...Benny ta completamente dispensa...e no a wordo haya c*lpabel.
Scirbi pa johnnybravo51, June 09, 2009
mepistanan lesa e sentencia di juez Y compronde,benny no a falsifica diploma ,bocccck
Scirbi pa vinchi, June 09, 2009
Paga of keda sin paga...nos tur sa cu bo a horta coriente..y ora bo horta algo , kiko bo ta ????? JUIST !!!!!! !!!!!!
Scirbi pa Ploesje, June 09, 2009
Ami no ta simpatisante di e Meneer aki, pero si mi conoce e situacion cu e ta aden. E no ta GUILTY (c*lpable). Pasobra cu e ta doño di e cas cu ta na huur, e como doño ta para responsable pa loke e huurder hasi. Simplemente Huez a dicta cu via e Huurder e placa mester jega Elmar via e Menner aki cu ta doño di e cas. Otro technicalidad di Husticia. Esaki lo no refleha ariba su strafkaart. Stop di c*lpa hende sin compronde kiko ta kiko, boso ta pone nos cu ta simpatisantenan di MEP mustra ridic*lo y sin educacion. 100% MEP awor y pa semper!!!
Scirbi pa Dushi Aruba, June 09, 2009
Ta parse caso di fondo desaroyo sanicolaas, na unda e chikitonan mester a paga pa lo cual e grandinan a hasi. Esaki ta modus operandi di AVP.
Scirbi pa pachi, June 09, 2009
benny kilowatt. bon trabao asina so e por a baha coriente pa aruba. ajoooooooooooooo
Scirbi pa Sombra, June 09, 2009
Si e tal Villada aki no apela su caso, por conclui cu aquii hay gato encerado.
Si e tal Villada aki wanta tur e golpinan pa Benny kilowatt boca sera ? Por algo sera. E partido Perde Dimes aki tin hopi candidatonan dudoso wow! Ami si no lo confia mi dushi Aruba den nan man no way.
Scirbi pa verdad, June 09, 2009
Watty Vos a bringa pa Independencia di Aruba cu a desemboca den e Status Aparte trabao hopi duro pa Watty y su Partido RUBA awor tur e logronan di Watty ,Benny Sevinger kier entreganan na e Constelacion di Antillas nobo foei
Pone un Bandera pretu arriba e Plaza 18 Mrt di Avp .Sra Mary kiko bo tin di bisa
Scirbi pa Ziva, June 09, 2009
Bon ta hanja , na Aruba , nos tin hende cu por lesa, sin comprende kiko tin scirbi. Of nan ta comprende kiko,nan kier comprende.Tristo.Ban cambia e nomber Sevinger i pone , por ehempel Nel, pa mira si nan ta comprende diferente.Of kizas enbes di Sevinger , tin cu pone e nomber ,Mep mep mep,.anto haci un sumario di kiko tin scirbi.
Bendishon di Dios pa tur hende .
Scirbi pa Wela, June 09, 2009
Bosa kiko ta tristo cu si como Juan Bimba bo hasi algo asina manera e hendenan aki ta hasi nan ta hibabo Kia anto e hendenan aki ta sali liber y cana den pueblo manera nada a pasa, cana ta sunchi(baba - che) hende cu nan cara di palo anto busca muraya limpi pa nan frega nan curpa. y no lubida esun cu ta biba na Jaburibari cu tin verkalking, awo nan kier bai hulanda bai bruha tera paso nan ta kere cu ta nan so a studia y e rubianonan.
Scirbi pa odccdo, June 09, 2009
Con bobo un hende ta pa mustra cu e no por ni sikiera compronde un sentencia di Juez.
Y nan ta prome pa core skirbi comentario. Cuanto hende mas tin cu mustra con limita nan mente ta, y ta core skirbi of papia tanto stupidez. BW, MEPMEPMEP, Wela...: Ta mihor tene boca sera y pasa pa bobo cu habri boca y confirma cu bo ta estupido. Compronde un sentencia no ta mescos cu habri un corant di redo y lese! Small minds condemn anything they fail to understand !!!
Scirbi pa Vista 20-20, June 09, 2009
Foei, mi no por kere cu hende por ta asina bobo cu nan no ta (of kier) compronde kiko e sentancia ta.
Aki no tin nada di pitufo ni di hit and run
Scirbi pa Hende bibo, June 09, 2009
Dispensa B.W., MEP MEP MEP y Wela pa nan comentarionan. Nan no por lesa bon, nan bril di palo a cuminsa haya houtluis. Mi tin duele di nan tres. Mihor nan a laga un hende neutral lesa e artic*lo pa nan y splica nan; pero e ora ey por ta cu nan no por (of no kier) scucha bon tampoco.
Scirbi pa ac, June 09, 2009
Mensen boso no por ni lesa ni pensa? pesey Dushi Aruba ta unda e ta aworaki. Pero ja asina bida ta.
Saludos, AC
Scirbi pa Geo, June 09, 2009
No si no tin nada nato e no mester paga! Asina cu nan sentencia cu bo tin di paga esey kiermeen bo ta cupabel, tristo kita e bril di hero ey ku bo tin. Y esaki ta e caha di morto tambe di Benny. PAso benny ta morto morto geen geld voor campanja. Ademas ora nan mande nr 10 riba lista lo ta pio, paso e ora ni cuero di cara e no tin mas.
Scirbi pa Sombra, June 09, 2009
Shonan,
Aki hay Gato Encerado, ta cuanto Benny Kilowatt lo a fix e guy aki, pa wanta poco golpi pe? Ta menera B.W a comenta, Si ta1 florin mes bo mester paga, bo ta c*lpabel. Hende bobo lo kere cu Sr. Kilowatt ta inocente. Parse cu bo no tin cuero di cara, Net abo ta grita boca grandi di corupcion. Ladron ta kere cu tur hende ta di su mesun condicion. Ami lo no confia bo hamas nunka cu mi placa di belasting no way jose.
Scirbi pa Arubiano sin bril di palo, June 09, 2009
Benny, Pabien cu e decision aki di Huez. Esaki ta mustra claramente cu abo no tin nada di haber cu e asunto di corriente sino ta e huurdo di bo cas. Dia cu Watty a puntrabo pa bai den politica e tabata sa cu ela hasi un bon escogencia. Bo ta un persona drechi y Madiki ta para 100% bo tras.
Mepistanan cu awora ainda ta grita cu bo ta ladron di corriente ta hendenan cu mente asina pollo cu nan no por ni lesa y compronde un veredicto di huez. Por ta e bril di palo ta ta filter cierto palabra, y ta solamente e palabranan cu nan ta gusta wak nan ta lesa. Si tin skirbi 'NO TA LADRON' nan ta lesa 'TA LADRON'. Mi ta wonder con e Mepistanan Ambtenaar ta hasi nan trabao cu un bril di palo asiney...........
Scirbi pa Comments, June 09, 2009
Si algun hende lesa e artic*lo aki BON, nan lo compronde kico precies ta e situacion. Mi ta sigur si ta e personanan aki ta pasando den e situacion aki nan lo djis sera boca of yama na radio hasi druk enbez di pleita pa nan derecho!
Huez a dicidi manera mester ta! Un tips pa hendenan cu ta duna commentario: LESA prome cu duna un commentario.
Scirbi pa Pacheco, June 09, 2009
Benny dia 25 di sept nos lo bula e fuse di bo partida..hhahahahahahahaha....ni cu bo pone lijm...hahahahahah
Scirbi pa Sombra, June 09, 2009
E sentencia di Juez aki ta hole mamporito (Una vez Juez dicta sentencia cu abo mester paga somehow bo ta cupabel) mas claro no canta un gallo. Dios sa ki deal Villada ta hanja pa wanta tur e golpinan aki pa Benny Kilowatt. Otro sla pa Mike. Kere mi si bo kier pa AVP bai dilanti Mike, cuminza haci reorganization den bo partido prome cu ta demasiado laat.
Scirbi pa Ay mama, June 09, 2009
Esaki ta Benny European. Ta e so a nase na ARUBa, un isla den Caribe. I ta bay bisa e hulandes nan cu e ta Europeaan.Ta gana di transforma den e Arische Ras e tin of e no a sinja su geografie na skol bon, e ta kere cu Caribe tambe ta Europa. Tristo. Bay hasi mahos na Hulanda, berguenza, macamba nan mes no ta jama nan mes European sino Nederlander.
Scirbi pa Wela, June 09, 2009
Si sevinger no tin nada di hasi cu e uso di coriente ta pakiko ela pidi dispensacion anto, ami ta wak caba cu e donjo dimi cas mester bai paga e coriente cu ami ta usa, jaja y awo ta ami no sa lesa.
Scirbi pa pedro croes, June 09, 2009
Lesa, compronde y sinja loke e sentencia ta dicta, cu ora bo huur bo cas corda pasa tur cuenta di utilidad, esta coriente, awa, cable, telefoon, gas etc etc na nomber di e huurdo, pa bo no hanja sorpresa despues di e compania di utilidad. Anto pa e ora tercera personanan bin tildabo di ladron.
Scirbi pa Pacheco, June 09, 2009
na sept nos lo bula bo fuse di bo partido un biaha mas...................pls mi coments tambe ta conta,paso ma ripara tin hende ta ataca hende mane baho sushi y dinan si ta bai,pero...ami sa atacanan pero un manera fini y desente!danki tambe!.
Scirbi pa cunucu boy, June 09, 2009
E.T PHONE HOME TENDEMI AKI 7 ANJA BOSO NO A HACI NADA PA SANICOLAS ASINATA ROTTOP
Scirbi pa c*ltura-awakati, June 10, 2009
Benny, Otmar e hendenan aki tin 7 bida, e c*ltura-awakati aki mester ta cupra huesanan. 50 million ningun hende a cai sera. Abogado ta daal police cu auto deliberadamente tampoco no ta cai sera. Esaki ta loke be kier Aruba mas 4 anja di e c*ltura-awakati. Awor hasta corinte nan ta horta! Unda nos ta bai.
Scirbi pa Ziva, June 10, 2009
Ai Mama , bo tin pasport ?
Anto bo mester wack kiko tin skirbi riba dje. Mi ta comprende si, cu no ta hopi hende sa,esaki. Mi mes no tabata sa .... ta un hefe di immigration Frances a hala mi atention na dje. Riba nos pasport tin skirbi:Europese Unie Koninkrijk der Nederlanden Pasport . Mi tin cu splika kiko esei keir men ? I fuera di esei kiko , e tin cu haci cu inocencia di Sevinger ? Wak pa bo no tin cas na huur..i si bo tin , wak pa e no ta riba bo nomber ..paso facilmente bo por hanja bo den Sevinger su position.No , no di parlamentario , pero di acusado, i cu tur dede riba bo.
Scirbi pa INK, June 10, 2009
Aki na Aruba casi tur biaha ta asina no paso bo a sali liber di algo kier men bo no ta c*lpabel!!! Huez ta hasi locual ta combininan y eigenbelang ban ta serio mira caso fondo desaroyo placa a desaparese pero c*lpabel no tin ningun!! landslaboratorium mescos y asina por sigi menciona mas ta parse cu tin spirito bibo ta horta boso no ta kere?????welcome to the spirit Island hopi ladron pero ningun c*lpabel hahaha
Scirbi pa awo, June 10, 2009
@Wela, corupcion tin nomber y apellido. MEP!!!
 y pa Pacheco, stop di yora ommm
Scirbi pa ay mama, June 11, 2009
TO ZIVA: Ami no ta e riko nan di AVP cu por tin cas na Huur ami no a hanja di e 50 miyon di FDSN, i lo mi no ke tampoco, ami ta un hypotheek mi tin i mi ta paga mi cos nan mane mester ta. Mi sa cu e paspoort ta Hulandes, I door cu Hulanda ta forma parti di E.U. tur e paspoort nan di Hulanda ta bin gedruk asina, pero anos no a nase na EUROPA nos a nase na un isla cu jama ARuBA cu ta keda den Caribe i no na EUROPA, pesey mes mi ta hanja hopi rid*lo cu e ta bay te na Hulanda bay hasi coi kens di bisa cu e ta EUROPEAAN. Paso bo tin un paspoort no ta hasi bo blond wowo blauw. ok. Ami ta un ARUBIANO 100% orguyoso di mi isla, su STATUS APARTE cu pueblo hunto cu BETICO a lucha pe. i over my dead body nos ta laga e partido entregista entrege bek.
Duna Comentario
Bo mester log in (miembro )pa por comenta.Por fabor traha un account si bo no ta miembro ainda.
|
|
| Tempo | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||||||
|
|
|
| Newsletter |
|---|
|
Subscribe to this comment's feed
Mustra/Kita comentarionan
Mustra/Kita e formulario di comentario
