Huez a dicta sentencia den e caso
contra Joshua Buddy kende ta wordo acusa di ladronica y tambe di a comete acto riba
turista haciendo uso di violencia. Esey a sosode diabierna na Corte. Click lesa mas pa mas info...
Según e acusado, el’a wordo acerca door
di un persona kende ta parce di ta homofiel kende a bise cu e ta un persona cu
ta gusta guynan jong/homber color scur. El’a bisa e persona ey cu e no ta
homofiel. E acusado tambe a bisa Huez cu e dia ey e tabata tin 3 dia bao di
influencia di alcohol y tambe 3 dia sin drumi.
Den e caso di droga, e tabata ta bezig
ta deal droga na un turista pa cual el’a pidi $ 125.- p’e. Ora cu e turista a
saca su cartera, Buddy, tambe conoci den e mundo di droga como Pachi Damon, a ranca
e cartera for di man di turista, según testigonanSr. Buddy ta nenga cu e ta e persona en
cuestión yama Pachi Damon. Huez a puntr’e cuanto tempo a transcuri entre e
momento di e atraco riba e turista y e momento di su detención. Den su posesión
polisnan a bin haya 50$ na ora di su detención. Testigonan ta afirma cu tabata
trata di un caso di bendemento di droga y e no di sex manera acusado mes ta
bisa cu nan a aserke pa sex.
SENTENCIA
Huez a cera tratamento di e caso y a
dicta sentencia mesora. Ta haya legalmente proba cu Buddy a comete tanto e acto
di ladronica y tambe di a comete e atraco riba turista cu uso di violencia.
Huez a remarca cu e acusado a cay cera 7 biaha den e ultimo 9 añanan. Y casi semper
ta pa e mesun motibonan. E acusado su mama ta forma parti di e organización di
Adopt An Addict. E ora Huez a puntra e dicon su mama mes no por yuda pa e
recupera pa e bay Santo Domingo pa asina e rehabilita. La bay di acuerdo cu
exigencia di fiscal, di duna Buddy 8 luna incondicional. Pero toch a dun’e
tambe 4 luna condiconal. Cualkier fout cu e comete e lo tin di regresa bek den
KIA. Huez a pidi pa den 8 luna pa drenta den e programa Adopt an Addict y cu
ora e sali for di KIA cu e lo por tin un ticket den su man pa e bay Santo
Domingo y busca su rehabilitación.
Subscribe to this comment's feed
Mustra/Kita comentarionan
Mustra/Kita e formulario di comentario
