Diahuebs 21 di Juni, Stichting Ateliers '89, ta di fiesta atrobe, cu su apertura di su exposicion, yama ARTAPART.E exposicion aki manera esunnan anterior, tambe ta e resultado di un luna di trabou, di e participantenan, na e dos diferente workshopnan duna na Ateliers '89.

E workshopnan aki di PINTURA y ANIMACION DI PELICULA a wordo dicta pa e maestranan, Sandra Derks pa pintura y Irina Birger pa animacion di film. E resultadonan cada bez ta di un nivel exepcional, unico y tambe yen di sorpresa. Den e workshop di pintura a pone enfacis ariba pintura di OLEO y a consentra e biaha aki ariba temanan basico y tecnica. Den e caso di animacion di pelicula e tecnica rekeri ta uno cu ta tuma hopi tempo, sinembargo e alumnonan a traha incansabel pa por realisa y presenta e resultadonan na e anochi di apertura. E sensacion cu tur esaki ta trece cune ta; cu bo no por warda pa mira nan premiere, ariba e anochi oficial. E anochi aki lo wordo corona cu e presentacion di e fabuloso D.J. SAID, cu lo deleita nos cu su musica exotico.

E exposicion aki lo ta acompana pa un extra exposicion di alumnonan di MON PLAISIR COLLEGE. Mirando e luna vacacional y e SUMMER - CAMP DI ARTE cu Ateliers '89 ta bai tin, ta dedica asina e luna di Juli enteramente na nos jovennan. Den e salanan adhunto di exposicion, di e salanan principal di Ateliers '89, lo por mira e exposicion aki. Y e entrada ta liber. Tambe ta invita tur e muchanan y maestronan di tur e otro summer - campnan di Aruba, pa pasa y mira e exposicionan.

Tur esaki lo no ta posibel sin e subsidio di e siguiente instancianan; Mondrian Stichting, Prins Bernhard Cultuur Fonds Nederlandse Antillen en Aruba, Fonds van Beeldende Kunsten Vormgeving en Bouwkunst, Gobierno di Aruba.

Publico en general ta keda invita pa bin e apertura Diahuebs 21 di Juni pa 8or PM. na Ateliers '89, Dominicanessenstraat 34 na Oranjestad. Despues di e apertura e salanan di exposicion lo ta habri pa un luna, tur dia di 10or AM. pa 5or PM. Diadumingo di 1or PM. Pa 5or PM. Diasabra si nos ta sera. Yama pa reserva y hana rond leiding o pa mas informacion: Elvis Lopez na 565 46 13.

Comments (0) >>

Show/Hide comments

Write comment

Show/Hide comment form

Name

Email

Comment

Add Comment