|
Recientemente a tuma lugar e evento “Amsterdam Golf 2009” na RAI,
Amsterdam. E evento aki a tuma lugar durante e fin di siman di 6 pa
8 di Maart. E dia cu a conta cu mas trafico di bishitante, tawata e
prome dia, di evento, na unda un cantidad grandi di amantenan di golf
a bin presencia esaki. E aña aki a kibra record ya cu e cantidad
di participante a surpasa e cantidad di aña pasa, cual tawata 12.130
bishitante.
E evento aki
ta e unico cu ta dedica su mes solamente ariba e mercado di golf y tur
otro aspecto cu tin di haber cu e deporte aki exclusivo aki. E cantidad
completo pa henter e fin di siman di e evento a yega un total di mas
cu 13.000 bishitante y cu a conta tambe cu un total di 145 diferente
stands nan di representante di varios compania cu articulo nan di golf.
Algo cu a capta basta atencion, tawata e diferente golf pro nan hasiendo
presentashon durante henter event, demonstrando asina lo ultimo den
tecnología di golf. Pa loke ta trata e diferente destinacion nan cu
tawata presente, e evento a conta cu participacion di entre otro Cyprus,
Spanja, Portugal, varios otro y sin laga afo Aruba, cu a wordo bon representa
door di Sr. Jaap Ellis y Sr. Roy Hart, ehecutivonan pa ATA Den Haag. Pa asegura un
bon cobertura, diferente medio nan di prensa, entre otro “Telegraaf
Golf Media” tawata presente pa cubri e evento aki. Tambe tawata tin
e oportunidad pa tur e representante di e diferente companianan y destinacion
nan, pa pone tur e informashon di nan compania disponibel den e “media
room” pa tur esnan interesa.
E ehecutivonan
nan di ATA a hasi uso di e oportunidad aki pa asina duna tur informashon
y alavez promove e “Aruba Pro AM Golf Tournament” cu lo bay tuma
lugar na Aruba durante e luna di Augustus. Tambe nan a establece contacto
cu señor Ad Den Dulk, representante di e prestigioso “Dutch golf
Trophy” kende ta sumamente interesa pa organiza y sponsor un torneo
di golf den November, cual lo bai remplasa e “KLM Open”. Como strategia
pa yuda promove e torneo y duna tur esnan presente e gana pa bishita
Aruba, ATA Europa a otorga como premio pa e prome lugar, 2 tickets pa
Aruba, acomodashon na Divi Village cu un rond di golf, transportashon
cu De Palm Tours como tambe un island tour y un “Sail & Snorkel
Trip”. E premio pa di 2 lugar, tawata acomodashon na Tierra Del Sol
Golf Resort como tambe un rond di golf. E publico a keda encanta cu
e informacion di Aruba, cu apesar di ta un isla chikito compara cu e
otro destinacion nan, a sa di proyecta su mes y capta hopi atencion
positivo. Un pabien na ATA Den Haag cu nan participacion na e evento
aki y cu un biaha mas, Aruba a brilla entre e otro nan.
|
Subscribe to this comment's feed
Mustra/Kita comentarionan
Mustra/Kita e formulario di comentario
