|
2 tremendo presentacion internacional pa Gino Hodge |
|
|
|
Thursday, 18 June 2009 - 08:49 |
|
Recientemente
Gino Hodge a competi na 2 careda di Duathlon na e estado di Florida.
Den e luna di mei, Gino a competi na e Marineland Duathlon na St. Augustine,
Florida. Esaki tawata un careda di distancia olimpico, dus 5K na pia,
40K na bicicleta y 10K na pia. Gino a core e careda aki den 2 ora y
10 minuut, tumando asina e prome lugar den duathlon. 2 siman despues,
Gino ta regresa Florida pa e siguiente careda di e Multirace series.
Akinan Gino ta logra di 3 lugar overall, y ta subi den ranking di e
serie for di 5 pa di 3 lugar. Un otro desaroyo positivo ta cu Gino ta
join e team mericano di Tri-Village y lo representa nan na e caredanan
na Florida. Actualmente Gino ta preparando pa bolbe Florida e fin di
siman venidero pa cumpli cu su di 5 careda den e serie, cual lo ta un
Duathlon di distancia cortico. E careda lo tuma lugar na Key Biscayne
y ta e mesun ruta caminda Gino a gana e Olympic Duathlon na comienso
di mei. Si Gino logra e prome lugar den e careda aki, e lo subi bek
den ranking pa di prome lugar.Pa e ultimo
2 caredanan cu Gino a completa e ta gradici Gianni’s Nutrition Center
esnan cu semper e dune aporte, esta Digicel y 2B Fit Studio. Un danki
special ta bai tambe na Luietenant Werleman di Mariniers Kazerne pa
su tremendo cooperacion.
|
Subscribe to this comment's feed
Mustra/Kita comentarionan
Mustra/Kita e formulario di comentario
