|
|
|
| Extras | ||||||
|---|---|---|---|---|---|---|
|
|
|
|
| Bookmark Us |
|---|
 |
| Latest Photo Ads |
|---|
 Ta bende Mazda RX7  Car For Sale  Trailer for sale  Sport Watch (with pu  Kia Rio 2004 |
|
| Dios y Politica, Politica y Dios |
|
|
| Thursday, 18 June 2009 - 11:14 | |
Hopi
biaha nos ta tende comentario nan cu Aruba ta un isla bendiciona y ta gradici
Dios pa cu esaki pero di otro banda nos tin cu admiti si cu nos ta demasiado
orguyoso pa loke ta trata nos actitud cu ta causando hopi mas daño cu nos mes
por imagina. Click lesa mas pa mas info...
Nos ta laga nos mes wordo influencia pa politiconan, medio nan di
comunicación y lider nan di otro organizaciónnan sin busca pa sa kico ta e
realidad. Aruba ta mas dividi cu nunca, humanamente, politicamente y te hasta
spiritualmente y tampoco ningun hende no ta ayuda otro mas cu nada y aki ta caminda
cu materialista a vence riba tur cos.
Respet
un pa otro a bay perdi y hunto cu ne tambe e tolerancia y nos por bay sinta
busca e culpable nan pero di otro banda lo ta mas miho pa cada uno di nos yuda
construi na re-establece esaki bek. Nos mandatario nan, medio nan di
comunicación y lider nan di tur organisacion y spiritual mester para hunto pa
por logra esaki.
Aruba
ta un isla chikito y ariba su mes no tin materia prima pero nos orguyo hamber y
sed ta pone cu nos ta kere cu no por para bringa cu madre patria na nos antoho
y tambe bringa e multinacional nan keriendo cu ta nan tin mester di nos y no
nos mester di nan.
Si
nos mester imagina nos mes awe un Aruba independiente cu e crisis financiero
mundial, Valero mester dal su porta nan sera y turismo lo mester cay di unda
nos ayudo lo bin cu e mentalidad terco cu nos tin? Orguyo y terkedad no ta hiba
nos ningun caminda pero mas lihe e lo por hundi nos. Si nos ta kere cu nos ta
haci loke nos kier mantene orguyo halto y ora nos ta den problema financiero,
sin trabao o problema cu salud y ta e ora ey so nos tin mester di Dios anto nos
ta bon ekiboca pasobra nos mester tin Dios na tur momento pues 24/7 cu nos pa
asina nos por ricibi su bendicion y proteccion.
Nos
nacionalidad Hulandes y paspoort Europeo caba ta un bendicion grandi pa nos
pero para bringa cu madre patria y Europa, e multinacional nan y si nos tur
para grita cu nan tin placa, no solamente emplea nos Arubiano nan, pero ta
exigi pa nan duna nos (gobierno) pa asina malgasta y kere cu ta nan tin mester
di nos y no nos tin mester di nan caba ta actitud peligroso. Politico nan boso
kier un campaña limpi bin cu arugmento alcaso y corecto sin tin cu bay mira ken
a haci kico sino presenta un programa cu bo sa bo por cumpli cu ne y miho ainda
para pe y asumi responsabilidad sin culpa otro. Es nan cu ta yama nan mes Cristian
pensa bon prome core defende algo cu no ta berdad djis pa motibo di sympatia o
fanatismo corda cu como Cristian mester para semper pa berdad, hermandad y Amor
y pone Dios na prome lugar den nos bida. Iglesia nan con por ta posibel cu bo
kier anda spiritualmente y ta mescla bo mes mundanamente cu politico nan cu no
ta papia berdad y pakico no ta para pa e BERDAD y expresa contra tur e engaño
nan cu nan ta bin cu ne? Dios a yama Iglesia nan pa uni y no bringa otro pero
mas principal ta para pa e BERDAD. Gremionan, medionan di comunicación kico ta
e motibo pa ta para defende y gaña muri pa mira ken ta yora envez di sali
padilanti pa asina husticia y berdad prevalece riba tur otro cos. Nos tur por
keda para waak y papia, mustra dede y keda sin tuma accion pa cu nos mes un
actitud y cambio di mentalidad anto kere cu solucion nan lo bin dimes. Dios por
yuda nos pero nos mester aserke y haci di nos parti pa esey por sosode pasobra
si nos no hacie nada no lo bay sosode. Keda culpa otro y sin baha e orguyo kens
ey lo no hiba nos ningun caminda pesey rumannan ban cada uno di nos cuminza na
cambia nos actitud pa asina nos por biba den paz y harmonia cu otro atrobe. Comentarionan (27)
  Scirbi pa 8), June 18, 2009
Stoy huza religion pa trece cambio, i no mescla politico cu religion tampoco, ta problema so esey ta trece. Nos tincu keda neutral
Scirbi pa wowo grandi, June 18, 2009
Renny pabien cu bo comentario. Mi ta spera cu un y tur INCLUSO esnan cu tur ora ta instiga contra otro riba e site aki LESA y COMPRONDE e esencia di e comentario aki. Nos problema grandi na Aruba ta e hecho cu Politiconan ta KERE CU NAN MES TA DIOS !!! y nan siguidornan ta sigui nan comosifuera ta Dios nan ta sigui y ta adora nan enbes di adora Dios. Enbes di wordo guia pa Dios awendia hopi hende KIER TA NAN MES DIOS> Esaki ta un di e obstac*lonan mas grandi cu nan mes ta pone den nan caminda> pasobra na un politico mester compronde cu e ta un representante di Dios riba Mundo pa guia e Pais den un bon direccion y no actua manera satanas y bira tur hende contra otro, esei ta contra boluntad di Dios y cada ken lo carga e consequencia pa e acto aki. Pesei mes tur politico y tur siguidor di politico mester ta consiente cu nan no mester CONFUNDI hende cu Dios. E hende/politico mester permiti su mes wordo guia pa DIOS.Esun No kere cu bo mes por guia mundo paso lo bo PAGA pe.
Scirbi pa keila, June 18, 2009
!00 punto pa Renny Ras......ojala nan por comprende pasobra mi ta sigur cu hopi lo pensa ariba bo comment si nan ta sabi anto....
Scirbi pa Anthony (Tonyaruba), June 18, 2009
@ Renny Ras - 1000% pa bo locual bo a scirbi
Ohaja cu nos gobernante y politiconan lo por refleha y no siguio kere cu Aruba ta untouchable Aruba ta mas vulnerable cu hopi di nos ta pensa Saludos Anthony Tonyaruba
Scirbi pa CRIS, June 18, 2009
Ras ta papia di un BERDAD cu lo ta existi. Pero kiko ta e BERDAD? E Berdad kiermeen direrente pa hopi hende. Kiko e berdad ta ta keda na e interpretacion cu bo ta duna na bijbel of otro enseñansanan. No tin nuin hende na e mundo aki cu por claim cu nan sa e Berdad, paso nan berdad ta nan propio interpretacion.
Padilanti mester keda cu tur hende tin derecho den nan propio creencia. Tur hende tin derecho den kere den nan propio dios y nan tin e derecho den no kere den nuin dios at all. Na un pais democratico esey mester keda e principal, cu tur hende tin derecho den nan mes un creaincianan. Segun Ras no tin union spiritual na Aruba, anto e ta pinta esey como algo malo. Pero ken tin e derecho pa bisa kiko ta e Berdad si tur hende tin otro interpretacion di esey?
Scirbi pa CRIS, June 18, 2009
E ora union spiritual no ta posibel. Mi ta contento tambe cu e no ta posibel. Pasobra si no los lo tawata bibando na un lugar mane Afganistan of Iran na unda cu e Berdad interpreta pa un grupo chiquito di hende ta wordo inponi ariba tur hende.
Ban respeta creencia of increencia di tur hende. Biba bo bida manera bo consenshi ta bisabo y stop di husga hende. Y sigur pa no impone creencia di nuin hende ariba nuin hende. Pesey tin seperacin di religion y estado. Asina e mester keda tambe. Den kiko cu bo ta kere, abo por hiba Aruba dilanti door di traha cu sabiduria y consenshi.
Scirbi pa edp, June 18, 2009
renny waaw, bo tin hopi rason den bon pensamentonan, falta union cu den iglesia mes no tin. ban wak cu ta para cu nos isla.
Scirbi pa Tami di, June 18, 2009
Hopi hende ta bai misa pa pidi pordon pa tur malo, egoista, materialista y irregularidadnan cu nan a comete. Keriendo cu esey ta limpia nan di nan pika. Y pio ta cu nan ta kere nan mes y ta laga hende cu no por wak mas leuw cu nan nanishi kere nan ciegamente. Un hende den pobresa ta sigi e lider cu ta primintiele un miho futuro. E por duna nan frigidaire, kadobon enz y pa e lider ey e pobernan ta bai nan tras. Tin lider cu tin e don y carisma di por manipula un situacion y tin jen di hende ciega/bobo cu ta fasil pa cai den e wega. Esaki ta e wega di politica, bira e verdad, traha pa bo mesun sako y f....de rest.
Scirbi pa vanne, June 18, 2009
Pabien, tur cos riba e artic*lo aki tin sentido ban uni pa salba Aruba
 Scirbi pa Mama Arubiana, June 18, 2009
Bon dia,
Mi comentrio ta simpel: No tin Paz y Harmonia sin Husticia no tin Husticia sin Berdad y no tin Berdad sin Dios, Paso ta Dios so ta berdad y no ta ganja y nos sa cu nos mester cumpli cu su mandamentonan. Buska prome Reino di Dios y tur su Husticia y tur otro cos nos lo hanja di ñapa(=pornada y automaticamente) Danki y Blessings
Scirbi pa Truth Hurts, June 18, 2009
Si tur hende lanta mainta i bisa Dios Danki pa un dia mas i judami ta e miho persona cu mi por ta pa mi famia i mi pais,i si tur gobernante resa na papa dios i pidi pordon pa nan picanan i no hasinan mas Aruba lo ta un pais ehemplar pa otronan i nos lo biba cu harmonia entre otro.
Scirbi pa verdad, June 18, 2009
Bon tardi,
Nos por papia di religion pero acaso religion por salba bo? Acaso no tin un Dios! Ki ora hende ta pensa den Dios? Solamente ora bo ta den problema of ora bo tin serca di bo y dokter ta bisa cu no tin nada mas? Pa cuminsa Dios ta amor y e amor ey mundo no por yudabo. Si bo no tin un relacion cu Dios lo bo no por tin temor di Dios. Hende por bai misa tur dia y ta religioso pero ora e sali for di misa e hasi mesun foutnan y bolbe bai misa. Pago di pica ta morto y esey kiermeen un pasashi directo e parti scur. Creador a crea tur cos riba e mundo aki. Imagina Aruba independiente y mira Venezuela eynan mes serca y expresion di president di Venezuela. Si nos como pueblo di Aruba no para keto y realisa cu tin un Dios anto ora bini un calamidad e ora ey mi ta kere cu henter Aruba lo ta paralisa cu tin un Dios. Esaki ta conta pa e politiconan tambe. Sin Dios hamas Aruba lo sali for di e crisis of desaster financiero cu Aruba ta aden.
Scirbi pa Xiomar, June 18, 2009
Hopi bon mr Ras. Na Aruba nos mester di un Jesus-phoneline per direct. Influencia nan di afor a hasi cu nos a lubida Dios. Dios no kier nos just tur diadumingo den misa, Dios kier nos completo p'E. Esey kiermeen den tur decision di dia y di bida consulta cun'E prome. Apesar di tur nos malonan cu nos ta hasi cun'E, cu un simpel pordon y zorg pa bo no hasie nunca mas, E ta keda stima bo. Y di berdad si nos gobernantenan consulta cun'E hopi cosnan prome cu nan tuma decision, Aruba lo ta un pais hopi mas felis.
14 For lack of guidance a nation falls, but victory is won through many advisers. Today’s New Int’l Version
Scirbi pa berdad, June 18, 2009
E pueblo ta perece pa falta di conocemento. E palabra di Dios ta bisa si mi pueblo busca mi cara y aparta di e mal caminda lo mi sana su terra. RELIGION no por salba bo sino bo relacion cu Dios. Si bo conoce Dios lo bo aparta di e mal caminda y lo bo no comete e mesun picanan. Lo bo no tin remordimento di consenshi sino lo bo tin berdadero arrepentimento. Solamento esnan cu conoce Dios lo por tin temor di Dios. Si Jesucristo no a muri na cruz di calvario awe no tin salbacion. E hendennan cu no conoce Dios ta busca palo o piedra y nan ta hasi esey nan dios. Riba tabla di 10 mandamento ta papia kla pa no adora imagen sino solamente Dios. Nos gobernantenan mester busca Dios pa por saca Aruba for di e crisis o desastre financiero cu Aruba ta aden. Aruba no a balora su Status Aparte. Dia Aruba busca cara di Dios e situacion lo cambia ariba Aruba y den e hogar aki na ARuba. Ora hende ta den d**or nan ta corda cu tin un Dios.
Scirbi pa wowo grandi, June 18, 2009
CRIS mi ta kere bo ta confundi. Naturalmente politica NO mester wordo guia door di religion RADICALMENTE, pero hecho ta si cu principionan humano ta basa riba loke Dios ta sinja tur su jiunan. Un ehempel ? COn por tin politico of hende cu ta permiti cu awe 500 mucha ta bai school sin desayuno y hasi manera nada no a pasa. Esaki ta contra principio di humanidad. Otro ehempel? COn ta posibel cu tin hende sin niun clase di sentimento ta perde respet pa otro ofende insulta y compara hende cu bestia ? Dios lo ta contento ? Mi no a papia aki di radicalismo religioso pero di berdadnan HUMANO cu ta sosediendo y tur hende ta bira cara otro banda. Cosnan simpel di tur dia y cu ta contra principionan di humanidad y contra tur clase di norma y balornan humano. Mi ta kere cu e comentario di CRIS no ta na su lugar y ta dirigi mas bien pa desvia di e topico y sigui sostene mal hechonan cu ta sosede tur dia. Nos tin cu pone un STOP inmediato a e cosnan aki cu ta bai afecta e siguiente generacion.
Scirbi pa Pastor, June 19, 2009
CRIS,
Bo comentario ta bon artic*la, ta aparenta di ta logico, y ta cuadra cu e mentalidad academico predominate di awendia (den paisnan europeo/norte americano). Pero bo mes ta asina sigur cu "consenshi propio" ta un bon standard pa asina cada ken considera con pa biba? Con lo para si mi consenshi ta permiti'mi pa horta bo auto y despues kim'e!? Ja cu mi ta den un pais democratico mi por haci esaki pasobra mi ta sigui mi propio consenshi!!?? Pero bo respuesta na mi pregunta di consenshi lo ta: "Ja, pero nos tin leynan cu nos tin cu obedece." Mi pregunta pa'bo e ora: "Ken a traha ley anto?" of "Ken ta dicidi kico ta e fuente di autoridad pa traha ley?" of "Con lo para si mi dicidi di aplica e mesun logica cu abo ta propone ariba ley y husticia - pasobra mi ta den un pais democratico ami ta interpreta ley manera ami kier y haci manera ami kier!" Si suficiente hende pensa asina lo tin choas den e pais.
Scirbi pa Pastor, June 19, 2009
Tur cos den nos universo mester tin un comienso. Apesar cu abo no ta reconoc'E, pero henter e mundu tin Un Trahador di ley y Huez - su nomber ta DIOS (esun cu'bo ta nengando). Y si nos no obec'E e resultadonan lo ta mesun cos: chaos den e mundu. Mi ta encurasha'bo pa lesa Salmo 14.1.
O, un cos so mas: si niun hende no por claim pa sa e berdad, dicon abo si ta sinti'bo comfortabel pa bisa otronan con nan tin cu pensa!? Bo ta predicando na nos cu nos mester kere cu niun hende por sa e berdad (esey ta bo mensahe) . . . si mi aplica bo mensahe mi tin cu conclui cu mi mester ignora bo manera di pensa pasobra bo mes no por sa si esey ta berdad tog!!!!
Scirbi pa Sombra, June 19, 2009
E problema #1 ta cu tur hende a bira materialista. No mester ganja nos mes, Si mester laga hende escohe entre un saco di placa cu 1 million $ y Dios? tur hende lo bula ariba e saco di placa sin duda e tentacion aki ta casi inresistibel. Tur hende kier luha mihor bisa bloff den e mundo moderno aki cu locual nan tin. Tin hopi cu ta bai misa just pa bisa cunan ta christian devoto, pero cu e ta sali for di nan curazon esey ta un otro cuenta. Awel den e sistema politico ta mesun cos, nan ta pinta bo, tur cos bunita, priminti cantidad di cos y ora cu bo caba di vota? Nan ta desaparece bo no ta mira nan mas. Y si nan topa bo mes ariba caya, pa evita di cuminda bo nan ta corta caminda. Y hopi di nan ora nan mira placa ta bira corupto sinberguenza. Nan ta sera dealnan solamente cu "What's in it for me". Mester ta alerto pasobra tin hopi lobo bistir na carne ta cana rond papia masha bunita mes.
Scirbi pa m r m 2, June 19, 2009
"Respet un pa otro a bay perdi y hunto cu ne tambe e tolerancia": E PUEBLO di Aruba den reino hulandes a soporta hopi humiyacion, chercha y bofon cu tur humildad cu por tin, pero ta hende nos ta. Nos tin sanger ta corre den nos venanan. Tin hende cu tur ora kier c*lpa nos politiconan di tur cos, pero ki dia e politiconan hulandes a demostra bedadero respet pa nos PUEBLO ARUBANO? Kiko a tuma pa nan a respeta e Mandatonan Sagrado di nos PUEBLO?
"Aruba ta un isla chikito y ariba su mes no tin materia prima pero nos orguyo hamber y sed ta pone cu nos ta kere cu nos por para bringa cu madre patria na nos antoho" : Para pa e DERECHONAN Y LIBERTADNAN HUMANO di nos Pueblo: Kiko un Pueblo mester haci ora cu su "Madre Patria" ta sigui trapa su DERECHONAN Y LIBERTADNAN? Ta ken ta e malbado? E Pueblo cu ta para pa su DERECHONAN of esun cu ta trapa nan?
Scirbi pa m r m 2, June 19, 2009
"Si nos mester imagina nos mes awe un Aruba independiente cu e crisis financiero mundial": Atrobe kier maluza crisis financiero pa mantene Aruba su LIBERTAD Y SOBERANIA subyuga den 'reino'? Foei Cristiannan, na unda "stima bo prohimo, mescos cu bo mes, a keda? Na unda "corda cu ta RUMAN nos tur ta?
"Nos nacionalidad Hulandes y paspoort Europeo caba ta un bendicion grandi pa nos pero para bringa cu madre patria y Europa": Y nos propio nacionalidad y pasaporte Arubano no lo ta un gran bendishon tambe? Foei Cristiannan!
Scirbi pa m r m 2, June 19, 2009
"Cristian mester para semper pa berdad, hermandad y Amor y pone Dios na prome lugar den nos bida": Aki a lubida lo mas principal, cu Cristiannan mester para pa e LIBERTAD, IGUALDAD Y SOBERANIA di cada ser humano y cada pueblo, cada nacion IGUAL! Pues tambe pa e LIBERTAD, IGUALDAD Y SOBERANIA di e ARUBIANO y di e PUEBLO Y NACION ARUBANO!
"pa asina nos por biba den paz y harmonia cu otro atrobe": Si di berdad tur Cristian respeta otro su libertad y soberania como ser humano y como pueblo y nacion, anto sin duda cu e ora porfin mundo henter, di berdad realmente por biba pa semper cu otro na paz como berdadero rumannan cristian!
Scirbi pa ami, June 19, 2009
Mi di acuerdo cu wowo grandi,tin hende cu ta kere cu nan ta nan mesun Dios,cu nan por tur cos,cu nunca nada malo lo pasa cunan.
sabiendo cu hende no por para riba nan mesun forsa. Tin un text di beibel cu ta bisa: TUR COS MI POR DEN CRISTO CU TA DUNA MI FORTALESA. reflecciona riba e text aki pa tur hende compronde cu Dios mester ta e baranca di nos bida y no sinta kere cu politico of otro cosnan lo yuda bo. confia den e Dios berdadero y lanta tur mainta y pidie guia bo den e dia pa asina nos por bira un miho persona. Papia cu Dios,medita riba su palabra pa asina nos por biba den armonia cu nos bisi*anan,famia,amigonan y vooral cu nos mes. DONDE HAY PAZ,HAY AMOR DONDE HAY AMOR,HAY ALEGRIA DONDE HAY ALEGRIA ESTA DIOS Y DONDE ESTA DIOS NO FALTA NADA.
Scirbi pa Ras, Renny, June 19, 2009
Aki no ta question cu nos ta bisa otro kiko pa haci pero si nos tuma loke Bijbel mes ta bisa nos cu Dios ta Amor, E Berdad y E Caminda y si nos nenga esaki anto con nos por spera pa construi un fundeshi solido pasobra para bringa, insulta, instiga y bay tras di e palabra di esnan cu mester por sa miho y no ta pratike pasobra nan ta sirbinan mes un interes y popularidad y no ta busca e bienestar di nos pueblo corda pa haci e boluntad di Dios. E intencion di e mensahe no ta ofende ningun hende of instancia pero si nos tur contrubui e lo ta bon pa un y tur!!!!!!!!
Scirbi pa teadora kelly, June 20, 2009
Renny pabien cu bo artic*lo cu bo a trece dilanti. Si tur partido politico lo tin Dios meimei di nan lo nan tur ta traha transparente y mantene nan mes na e dies mandamentonan. Si bo sigi e dies mandamentonan bo no tin fraude,corrupcion y intimidacion y humilacion. Bo ta traha na bienestar di e pueblo. Pero sin Dios den un partido tur cos ta bai malo. Na Hulanda mes nan tin un partido politico cu jama Cristelijke Unie. Pa kiko na Aruba no por tin un partido asina? Sigi asina Renny. Cu forza di Dios, esun cu tin e poder mas grandi lo bo logra!
Scirbi pa Zezinho, June 22, 2009
Renny Ras: e artic*lo tin un mensahe Social y di Convivencia, pero ora nos ta papia di e BERDAD esey ta bira un problema... con bo por sa cu ta existi e BERDAD? Nos den e continente aki tin base "Cristian", pero esey ta door di colonizacion Europeo... djies imaginabo si nos a cai bao di e "colonizacion" Musulman of di otro corriente ideologico?
Nos no por nenga e base "judeo-cristian" di nos "humanismo" y "consenshi", pero nos no por haci'e "one size fits all" pa henter mundo. E ensenanza di "Jesus e Judio" pa humanidad ta enorme, pero hopi di esnan cu ta yama nan mes Cristian ta "secuestra Jesus" pa nan mes un probecho personal... en el fondo nos tur por ta un angel of no...nos tur por ta un Cain of un Abel... e dualidad ey ta algo profundo den cada serhumano... preguntanan existencial desde comienzo di "mundo".
Scirbi pa nostrasiemens, July 04, 2009
Tremendo commentario Renny Ras, bo a trece hopi punto valido dilanti. E hecho cu nos ta un pueblo orguyoso esei ta zink nos pais. Corda e discurso di Jesus riba monte olivo. Dios no ta gusta hende orguyoso, locual ta conta ta humildad pa sirbi DIOS miho. Si bo bin cu orguyo DIOS lo bira su cara pabo. si bo biba segun e 10 mandamientonan y sigi e bijbel, tur lo demas lo bo hanja di njapa. Pero si bo bai tras di esnan hambra pa placa y pa poder lo bo zink den un pos hopi profundo. Stop di pone confianza den hende pone bo fe den Jesus Christo y atraves di dje lo po yega serca e TATA. Pero si bo bay tras di hende, regalo, favor, trago y e cosnan carnal di e mundo aki, palo lo hala cubo. Bo no ta mirando rond di bo, con bo isla ta den un decadencia increibel. Cuminsa busca DIOS y tur otro cos lo bo hanja di njapa. No ta por nada Jesus a alertabo varios biaha - "No laga ningun hende ganabo"- Ephesians 5:6 Mattheo 24:4,5 –Romano 1:21, Colossenso 2:8, 2 Pedro 2:18,19 -
Duna Comentario
Bo mester log in (miembro )pa por comenta.Por fabor traha un account si bo no ta miembro ainda.
|
|
| Tempo | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
||||||||||||||||||||||
|
| Newsletter |
|---|
Subscribe to this comment's feed
Mustra/Kita comentarionan
Mustra/Kita e formulario di comentario
