E aña aki ta di cinco aña di Aruba Bank Caminata y pa un bon causa. Pa e ocasion special aki, Aruba Bank, Subway y IDEFRE a opta pa pidi un contribucion simbolico di cada un participante durante e caminata di 4 dia organisa pa Aruba Bank, Subway y IDEFRE. Esaki tabata pa por a haci un donacion na un instancia cu ta trahando pa un bon causa den comunidad. E organisadornan a opta pa haci un aporte financiero na Wit Gele Kruis cu ta trahando riba un plan nacional pa informa nos comunidad riba e problema creciente y serio di obesidad riba nos isla. Den cuadro di promove un bida saludabel comiendo balansa y haciendo ehercisio, a dicidi pa duna Wit Gele Kruis un bon man.  Click lesa mas pa mas foto imagen.

Cada participante a aporta cu 5 florin na e caminata mientras cu Aruba Bank a contribui cu un montante riba e total pa asina sera un donacion di 18 mil florin pa e bon causa aki.  

Aruba Bank, Subway  y IDEFRE ta gradici cada participante cu a coopera pa asina por a haci e donacion na Wit Gele Kruis. Riba e fotonan adhunto por aprecia momento cu ehecutivonan di Aruba Bank y Subway ta haci entrega di e check bon grandi na representantenan di Wit Gele Kruis.

Comentarionan (0)

Subscribe to this comment's feed

Mustra/Kita comentarionan

Mustra/Kita e formulario di comentario