|
Ariba invitacion di Presidente di World
Taekwondo Federation, Presidente di Aruba Taekwondo Association, Grand
Master Chaco Cornelio, a participa como referee na e Campeonato Copa
Mundial di Taekwondo cu a tuma lugar na Baku, Azerbaijan.
Dia 5 di juni 2009, GrandMaster Chaco
Cornelio, a viaja pa Baku, un pais na Medio Oriente, otro banda
di CaspianSea serca di Iran. Dia 7 di juni 2007 el a yega su destino
y a hospeda den Grand Hotel Europe.Dia 8 – 9 di juni 2009 a participa
na un seminario pa refereenan cu lo participa durante un period di cinco
dia di campeonato.E Secretario General di federacion mundial
di Taekwondo mr. Jang a yama tur referee bon bini y a informa
cu actualmente WTF tin mas cu 3.000 referee internacional y solamente
e mihornan a wordo selecta pa por participa den e evento historico aki.
Un total di 39 referee a duna acto di presencia.
E evento aki a wordo categoriza como
historico, mirando cu:
- Pa promer biaha un campeonato
“Para Taekwondo” na nivel mundial a wordo organisa, bao auspicio
di WTF
- Pa promer biaha officialmente
WTF a hasi uso di body protector electronico marca
“LaJust”
- Pa promer biaha ta hasi uso
di e reglamentonan nobo cu a wordo aproba dia 31 di januari 2009
- Pa promer biaha a haci uso
di video-replay, ora di un protesta;
Cu e cuater puntonan ariba menciona ta
hasi e evento aki uno historico pa Taekwondo. Dia 10 pa 15 di juni 2009 e campeonato
(Para Taekwondo) cu e deportistanan cu limitacion na brasa a tuma lugar.
E evento aki tabata uno hopi exitoso pa e atletanan. No tabata accepta
skop pa cabes durante nan combatenan. Logicamente pasobra e atletanan
aki tin limitacion na brasa y no por defende nan cabes. Papiando cu
e atletanan aki nan tabata sumamente contento cu por fin nan por a
participa den nan deporte na nivel mundial.Na e campeonato Copa Mundial paisnan
cu participa, mester participa como equipo. Grandmaster Chaco Cornelio,
a para como referee pa mas di 80 combate durante e evento aki. Como
referee central su persona a referee 5 combate promer cu cambio.Resultado final di e campeonato aki ta
como lo siguiente:
Masculino Femenino
Turkiya Korea
Iran Russia
Russia Spanja
Azerbaijan Morocco
Rusia tabata tin medaya den tur dos equipo,
medaya di Brons pa nan equipo masculino y medaya di silver pa nan equipo
femenino.Un pabien ta bai na Grandmaster Chaco
Cornelio, cu un biaha mas a sa di pone Aruba su nomber na halto riba
mapa mundial.
|
Subscribe to this comment's feed
Mustra/Kita comentarionan
Mustra/Kita e formulario di comentario
