|
Royal Power preparando pa e grandioso torneo internacional Champ of the Champs 2009 |
|
|
|
Wednesday, 24 June 2009 - 00:00 |
|
For di organisadornan por a compronde cu tur cos
ta andando den bon direcion cu e preparacionnan pa cu e grandioso torneo di
Royal Power esta Champ of the Champs 3. Por corda ainda con na 2007 y na 2008 e
propio equipo di Royal Power apesar di ta e organisadornan trahando incansabel
tanto den bar y cushina pero tambe como umpire y asina mes a logra den un forma
magestral hungando bala riba un nivel ganando e torneo aki contra teamnan
grandi entreotro Boston USA y tambe Baranka pa mantene e titulo y trofeo na
Aruba.
Royal Power tin confirmacion di Boston USA kendenan e aña aki si lo bin
cu nan equipo completo y combersando cu Sr Angel Gonzales e propetario di e
equipo a laga sa cu e aña aki no tin awa pa laba y cu Aruba y Corsow mihor nan
prepara duro pasobra e equipo cu lo bin e aña aki lo duna un show di bati
homerun y lo propina bastante knockout durante e toreno aki. Angel tin titulo
den torneonan grandi na New York, Puerto Rico, Sto Domingo, Miami, Corsow pa
nombra un paar pero e falta un na Aruba ainda riba su lista cual tin su persona
precupa pero e aña aki porfin e kiermeen cu e ta complete. Sendly y Uchi Reina
di Baranka di Corsow tambe tin mesun deseo pa por tin e copa aki riba nan
number y a laga sa cu aña pasa ta pa un careda esaki no tabata riba nan number
debo cu nan a perde apenas 5-4 cu Royal Power den e grandioso final. Sendly y
Uchi a manda mensahe pa teamnan na Aruba pa nan wanta duro ya cu nan equipo
tambe lo ta completo. Di otro banda nos amigo Ryan Celestina di Destroyers di Corsow
cual team antes tabata yama Buena Vista Power ta kla pa participa pa promer
biaha den e torneo grandi aki y nan pitcher estelar Nai Hooi kende porcierto ta
tira masha duro mes tambe lo ta den aliñacion pa nan promer wega. Ryan a laga
sa cu nan ta bon reforza y e mihornan di Corsow lo tan a Aruba. Quisqueya di
Sto Domingo tambe lo ta todo por todo mientras cu di Venezuela e equipo
Defenders ta reforza e dos mihor pitchernan di Venezuela kendenan lo yega
Aruba 1 di july proximo pa competi den e torneo aki. Di Aruba ta confirma caba
Royal Power, Gess Power, Bad Devils kendenan tur ta equiponan na promer lugar
den campeonato andando. Awenochi Dialuna 22 di juni decision final lo cay den
un reunion unda e comicion cu a selecta e mihor equiponan di Aruba lo reuni cu
e organisadornan pa motiva nan ponencianan kendenan ta e otro equiponan di
Aruba cu mester ta den e torneo grandi aki pa por representa Aruba dignamente y
tambe duna equiponan selecta tempo pa reforza nan equipo na e mihor manera cu
nan por. Aruba keda pendiente ya cu nos ta drentando fase final pa e count down
official pa e torneo aki. Tsunami y Extreme Power ya caba confirma mas un
banda sorpresa cual lo wordo anucia fin di siman. Aruba waak pa bo tey.
|
Subscribe to this comment's feed
Mustra/Kita comentarionan
Mustra/Kita e formulario di comentario
