Quito Nicolaas lo participa den e di 6 Ortel Nelson Mandela Festival
Wednesday, 24 June 2009 - 17:08
E aña aki e Festival Ortel Nelson Mandela, lo ta celebrando su di 6 edicion riba diadomingo, dia 28 di Juni. Akinan lo bay tin musica, riba e Afrikaanderplein na Rotterdam Zuid y cu excepsion di musica di artistanan nacional y internacional riba e di dos scenario, lo bay tin tambe teatro riba caya, actividadnan pa muchanan, exposicion y tambe e Pleindi Solidaridad, bao di e nomber “Cultuur voor een betere Wereld”. Click lesa mas pa mas info...
Den e parti aki e programa ta consisti di debate, lexing, pelicula, interview, musica y un Mercado di informacion organiza caminda preguntanan actual ta bin na ordo riba tereno di medio ambiente y cooperacion di desaroyo.Durante e festival, e poeta y escritor Arubano, Quito Nicolaas lo haci su presentacion den e Solidariteitstent y eynan e lo bay declara varios di su poesianan pa e publico. Riba peticion di directiva di Stichting Nelson Mandela Festival, Quito Nicolaas tambe lo ta orador durante e encuentro VIP di e festival cu tin como tema e filosofia Africano Ubuntu.Quito Nicolaas a studia Politicologia y Ley na Universidad di Amsterdam. Quito ta skirbi tanto den Papiamento como na Hulandes. Cu su poesianan el’a aparece riba varios scenario na Hulanda entre otro Off-Corso, Cosmic Theater, Theater De Kubus y durante di Winternachten Festival. Tambe e ta conoci como recensent pa e revistanan Contras y Literair Nederland. Na 1980 el’a aparece cu su poesia E Dia di Mañan. Despues a sigui hopi pubicacion: dichtbundels, storianan cortico y na 2003el’a skirbi su prome novela: “Sentencia sin Proceso”. Nicolas ta presidente di e organizacion literario Antiyano y Arubiano Simia Literario. Na 2004 a aparece su novella “Tera di Silencio. Y asina a sigui hopi obra mas.
Pa mas informacion por bay riba e website www.quitonicolaas.web-log.nl.
Mi ta hopi contento pa sr. Nicolaas, hopi exito. Un cos cu mi tin cu bisa ta cu mi ta sinti falta di eventonan asina na Aruba. Eventonan relacion cu Arte y c*lura. Arte na Aruba mester haya mas antencion, ta parse cu deporte ta tur cos, anto ta net arte ta stimula c*ltura y nada no ta wordo haci pa cu arte. Kiermen pa mi biS**ta un festival asina ta Hulanda mes mi tin cu bay.
+0
... Scirbi pa edp,
June 26, 2009
e meneer aki parse tico croes, pero den gordo
+0
... Scirbi pa JOSEPH CROES,
July 06, 2009
Otro onbekend ta bay representa Aruba atobe, nos mester cwinsa elegi personanan cu ta representa nos, no laga Piet en allemaal laat de boel maar waaien
Subscribe to this comment's feed
Mustra/Kita comentarionan
Mustra/Kita e formulario di comentario
