Aruba Tourism Authority un di e sponsornan princpal:

Mescos cu aña pasa Aruba Tourism Authority a yuda promove e evento aki via www.aruba.com y ta logra un gran cantidad di particpante atrobe cual lo haci e compentencia e aña aki hopi interesante. ATA ta apoya e evento aki pa motibo cu e ta un evento cu por wordo practica henter aña cu e clima fantastico cu Aruba tin.

Cu biento dominante entre 15 pa 25 nudo y cu e laman di Fisherman’s Huts ta uno flat cu poco ola ta haci e localidad aki esun mas ideal pa participantenan di tur nivel. Aruba ta un di e localidad nan mas bunita na mundo pa por organiza e tipo di eventonan extremo aki cu ta uno recreativo cu ta yuda tene Aruba su hovennan activo y sano haciendo algo bon. 

Tin un programa excelente caminda ta duna e parti tanto competitivo como  esun social hopi atención y ta sigur cu e participantenan di e aña aki lo disfruta diarazon anochi cena di bon bini na Moomba Beach, diahuebs cena cortesia di Divi Hotel como tambe lunch gesponsor di Mc Donalds como tambe bisita na De Palm Island cu cena di Taste of Belgium mara anochi di y e anochi final y entrega di premio lo tuma lugar na Paseo Herencia y tur hende ta invita pa asiti na e anochi aki.

E aña aki tambe ta conta cu e radio Cool FM ariba beach pa tene tur hende den ambiente. 

Facilidad pa mira competencia di cerca:

Algo diferente e aña cay ta pa e mironesnan cu lo bai beach tanto diasabra como diadomingo mester informa cu e “Party Boat Tattoo” lo ta ancra y disponibel pa esnan cu ta desea di presencia e competencianan di serca caminda pagando un fee chikito y lo tin debida y snack abordo.

Historia di Aruba Hi-Winds:

Den añanan 80 e deporte di vela di windsurfing tabata den su piek di mas grandi. Y Aruba tabata un di e organizadornan di mas grandi di e deporte aki cu tabata tin super estreyanan manera Robby Nash, Andres Brindal y Bjorn Dunckerbeck cu pa varios aña a participa den competencia na Aruba. Un deporte cu den su temponan di gloria diferente pais rond mundo tabata organiza y tabata atrae spectadornan di rond mundo. Aruba no a keda atrás contando cu un clima perfecto durante 365 dia pa aña cu hopi biento cual ta condicionan favorabel pa por organiza tipo di eventonan asina. Desde 1996 Aruba Hi-Winds a cambia su site di Eagle beach pa Fisherman Hut y desde 1997 Aruba Hi-Winds ta ser organiza pa un ekipo dinamico di voluntario usando e mesun metodo y regla di PWA. Awe Aruba Hi-Winds a bay over pa organiza competencianan solamente pa amateur y durante aña a agrega competencia di “Free Style” caminda surfistanan ta competi sanamente pa e  corona di “King, Queen, Prince of the Huts” como tambe “Kid of the Huts” cu ta concentra ariba e muchanan di 7 y 8 aña y a agrega e “kick” nobo den e deporte aki cu ta Kite boarding.

Actualidad:

Awendia mientras cu e interes rond mundo pa competencianan di regatta a baha pa motibo di desaroyo y cu esaki falta di biento, por bisa cu Aruba ta un di e poco paisnan cu tabata riba e schema internacional di PWA cu a keda organiza su evento di hi-winds. Biento no ta un problema pa nos y sigur cu e ekipo dinamico di voluntario cu e evento tin actualmente kende tur diasabra na Fisherman’s Hut  ta duna atención pa siña e chikitinnan cu tin interes pa siña e deporte aki les di wind surfing. Di e atención aki a sali Aruba su deportista internacional Sara-Quita Offringha cu ta ehempel bibo di e fruto di e school di hi-winds di Aruba.

Categorianan:

Manera tur aña e evento ta ofrece competencia pa tur edad, mucha bou 14 aña, Junior entre 14-18 aña, masculino y femenino entre 19-34 aña y master 35 aña of mas den e siguiente disciplinan; slalom racing, long  distance y freestyle. Tur interesadonan amantenan di e deporte aki por a inscribi via website www.hiwinds-aruba.com tin pakete pa participantenan y no participante. Y programa di e aña aki ta uno top cu ta entretene tanto e participante como e fanatico y di 1-6 di Juli tin caredanan henter dia cuminzando di 11 or di mainta riba beach di Hadikurari, freestylers lo competi pa e corona di “King, Queen, Prince of the Huts”. 

Mientras cu e competencianan di Kite Boarding  lo tuma lugar e mesun ora na Boca Grandi pero den fin di siman tanto diasabra 4 di Juli como diadomingo 5 di Juli tur e kite surfernan lo ta den accion dunando nan show riba beach di Fisherman’s Hut. Amstel Bright lo entretene tur presente riba beach cu weganan divertido cu premionan fabuloso pa e ganadornan. Tambe lo tin presentacion “live” di e bandanan ariba diasabra Ear Plugs y Roots Rebels y diadomingo lo bai tin ariba Beach Honeypot y Datapanik. 

Participantenan internacional, regional y local:

E aña aki e evento ta conta atrobe cu un bon cantidad di participantenan internacional y tambe local: Hulanda, Republica Dominicana, Venezuela, Colombia, British Virgin Island, USA como tambe delegacionan di Curaçao y Bonaire hunto cu esnan di Aruba como tambe lo tin cobertura di prensa internacional di Hulanda, Curaçao y Venezuela. 

Patrocinadornan:

Aruba Tourism Authority, Mitsubishi Electric, The Entertainment Group NV, Cool FM, Amstel Bright y Divi Tamarijn Aruba como patrocinadornan principal kier a invita henter pueblo di Aruba pa apoya e evento y asisti na beach di Fisherman’s Hut  entre 1-6 di Juli. Alavez e comision organizador ta conta y ta gradici e lista largo di e otro patrocinadornan: Lotto pa Deporte, McDonalds Aruba, Aruba Active Vacations, Panache, More 4 Less, Sailboard Vacations, Dunkin Donuts, Taste of Belgium, ABK Board Sports, Super Food, ID Integrated Design, Yemanja Wood Grill, Inter-Assure Insurances, Aruba WaterSports Center, Moomba Beach, Heli Tours Aruba, Armando’s Kite Shack, Vela Windsurf Resort, Kite & Windsurf Pro Shop, Tattoo Aruba Party Boat, Hooters Restaurants, Zenitel, De Palm Tours, Bula Surf Shop, Zen Design, Aruba Aloe, Ezee Brothers, 4 Sale, Barefoot Wine & Bubbly, Revista 4 Sale, Serlimar y  ATCO.

Por información adicional por tuma contacto cu:

Aruba Hi-Winds Organization: Sr. Wim Eelens (president) na Fisherman’s Hut

Tel: 741-2991 of 731-2991/E-mail: This e-mail address is being protected from spam bots, you need JavaScript enabled to view it

Website: www.aruba-hiwinds.org 

Pa Aruba Tourism Authority su aporte por tuma contacto cu Amayra Boekhoudt na Tel. 582-3777 Ext. 252.