Tuesday, 28 April 2015
Corte
Zenitel a bati porta na Corte robes Print E-mail
Sunday, 29 March 2015 18:48

Read more...

Corte di LAR, cu ta atende solamente casonan di Gobierno, a rechasa e demanda di e compania Zenitel, representa pa e bufete di abogadonan VanEps KunnemanVanDoorne, den e caso cu nan a entama contra Gobierno di Aruba, representa pa bufete di abogadonan Gomez & Bikker. Hues ta haya cu nan mester bay Corte civil mes pa e caso specifico aki.

 
Hues a declara sospechosonan di carnaval liber Print E-mail
Sunday, 15 March 2015 21:17

Read more...

Siman pasa a tuma luga tratamento di e casonan penal cu Ministerio Publico a entama contra 20 sospechoso cu, durante temporada di carnaval a comete delitonan castigabel. Despues di tratamento di e casonan, Hues a declara 6 di e sospechosonan liber, pa falta di un proces-verbaal drechi traha dor di e Polisnan.

 
Zenitel a pidi Hues pa anula acuerdo entre Setar y Gobierno Print E-mail
Tuesday, 10 March 2015 20:54

Read more...

E caso a tuma mas o menos tres ora di tempo y a inclui un discusion cu si e mester ta un caso sumario of e por bay e procedura normal y si nan tabata cerca e Hues corecto.

 
A pidi castigo di prizon pa ambtenaarnan ladron Print E-mail
Monday, 02 March 2015 12:14

Read more...
Fiscal di Ministerio Publico ta haya cu no por trata casonan di malversacion suave y pesey a pidi 22 luna di prizon pa Virmary Quandt y 16 luna pa Linda Tromp. Hunto nan a malversa mas o menos 900 mil florin for di Departamento di Enseñansa. Aki dos siman Hues lo dicta su sentencia, mientras ambos ta permanece encarcela na KIA.

 
Polisnan condena ta apela sentencia Print E-mail
Wednesday, 25 February 2015 07:45
Read more...
Recientemente a tuma luga tratamento di e caso penal contra e Polisnan di fam Paskel, Angela y Lacle. Corte a baha pisa riba e trio, castigando nan cu 18 luna, 12 luna y 16 luna respectivamente, 5 aña for di e trabou di Polis y multa di 5 mil florin. E pareha Polis a apela e sentencia, mientras cu Lacle por haci esaki e siman ainda.
 
Diabierna awor ta trata caso di malversacion na ASTEC Print E-mail
Thursday, 19 February 2015 08:30
Read more...
Diabierna mainta 8:15am lo cuminsa cu tratamento, estilo Pro Forma, di e caso penal cu Ministerio Publico a cuminsa contra Linda Brete, acusa di a malversa mas cu 1 miyon florin for di e fondo di pensioen di empleadonan di ASTEC. Abogado mr. Chris Lejuez lo defende e sospechoso.
 
Corte no a atende caso Oduber-De Ruijter Print E-mail
Thursday, 06 November 2014 02:47

Read more...
E caso di difamacion cu Minister Otmar Oduber a entama contra e politico-hotelero-columnists Jan de Ruijter no a tuma luga. Hues no ta mira e urgencia su tras y a bisa partidonan pa atende e caso den un "bodem procedure" si ta haya necesario. Cu esaki Corte no a atende contenido di e caso mes. Abogado mr. Anthony Ruiz a defende Jan de Ruijter y mr. Chris Lejuez a defende Minister Otmar Oduber. Click aki pa lesa e desicion di huez riba e caso.

 
Diario mester rectifica acusacionnan haci contra Kenneth Wever Print E-mail
Wednesday, 05 November 2014 11:18

Read more...

Hues den Corte Sumario a tuma un decision awe mainta den e caso cu Kenneth Wever, casa di lider di MEP, a entama contra matutino Diario. E ta haya cu Diario a acus'e inhustamente di labamento di placa, siendo e transaccionnan bancario tabata legal. Abogado mr. Anthony Ruiz a defende Wever mientras abogado mr. Chris Lejuez a defende Diario. Click AKI pa lesa e sentencia completo.

 
Ciudadano wardando 4 aña riba decision relaciona cu herencia Print E-mail
Monday, 27 October 2014 14:02
Read more...

E ciudadano Rudy Richardson ta sinti cu awor si ta basta, cu no ta normal cu famia ta wardando 4 aña caba pa notario caba di tuma un decision riba reparticion di bienes di un famia cu a fayece lagando un tereno atras. Rudy van der Biezen a dicidi di skirbi un carta na Vice Presidente di Corte Comun di Caribe Hulandes, staciona na Aruba, den cual e ta pidi’e pa tira un bista riba e caso y interveni pa por cay un decision pa caba

 
Mr. Chris Lejuez: Tin suficiente base pa sospecha Kenneth Wever Print E-mail
Monday, 27 October 2014 13:59
Read more...
Abogado mr. Chris Lejuez a defende interes di e corant Diario dialuna mainta den Corte, den e caso sumario cu Kenneth Wever, casa di Parlamentario mr. Evelyn Wever a entama contra nan. Abogado mr. Anthony Ruiz a defende interes di Kenneth Wever, cu a exigi pa e corant rectifica locual el a skirbi den cual ta tilda e casa di e politico di lo ta laba placa.
 
Mr. Anthony Ruiz: Diario kier caba cu Kenneth Wever Print E-mail
Monday, 27 October 2014 13:58
Read more...
"No solamente nan kier atacha su bon nomber, sino nan kier caba cune tambe, pasobra su trabou na aeropuerto ta coriendo peliger awor pa motibo di e publicacionnan aki", asina abogado mr. Anthony Ruiz a duna di conoce na salida for di edificio di Corte, despues di a defende su cliente, Kenneth Wever, cu a entama un caso sumario contra matutino Diario. E caso ta pa exigi rectificacion y un voorschot riba daño y perhuicio di 25 mil florin.
 
<< Start < Prev 1 2 3 4 5 6 7 8 9 10 Next > End >>

Page 1 of 56

Connect with Us

Newsletter