|
Corte Superior a confirma sentencia den caso di asesinato |
 |
 |
|
Monday, 09 July 2012 09:35 |
|
Tanto e asesino Francisco Koolman como Procurador General a apela e sentencia di Corte den Prome Instancia, kende a sentencia e asesino na 10 aña di prison como castigo pa a mata e hoben di fam Dake dia 27 di april 2011 alrededor di 5or di marduga den centro di ciudad. Corte Superior sinembargo ta haya cu e castigo ta masha bon y no a ni bahe pa e asesino ni a his'e pa PG.
E caso lamentabel aki ta di dos "amigo" cu pa un motibo of otro a haya nan den un problema den marduga y cu a pone cu Francisco Koolman a propina Dake un total di 5 biaha cu un cuchiu y lage morto atras. Aunke cu e castigo maximo pa asesinato ta 15 aña di prizon, Koolman a haya 10 aña durante tratamento di su caso den Corte den Prome Instancia. E no a keda contento y a apela e sentencia pasobra e kiermen cu den otro caso tin acusado cu a yega di haya menos castigo.
Procurador General di otro banda tambe a apela e sentencia pa banda di Ministerio Publico. El a pidi pa Corte Superior hisa e castigo na por lo menos 12 aña di prison, mirando e forma con Koolman a asesina Dake sin motibo, durante un pelea riba caya. PG ta sinti cu Koolman definitivamente NO a siña su les ainda den e caso aki y no ta compronde ainda cu locual el a haci ta malo.
E tres Huesnan cu a atende e caso den Corte di Apelacion a scucha ambos partido y na final a dicidi cu e sentencia ta keda mescos, pues 10 aña di prison pa Francisco Koolman.
 |
Mustra/Kita e formulario di comentario
bo a kita bida di hende
sigur cu ta famia di un macamba nan a mata esun cu a mata lo hanja 20of mas