| Diaranzon tabata tin e sentencia den un Tomzitting den e caso di Defamacion y menasa contra Gabriel Tromp |
 |
 |
| Wednesday, 05 September 2012 21:30 |
|
Por a compronde cu ariba dia 15 di December a wordu yama telefonicamente caminda cu e señora a yama y haci su cas via telefoon, menasanan y papia yen di cos na direccion di Sr. Tromp kende mesora a entrega un keho contra menasa, na recherche na Oranjestad y tabata tin un cita pa su merdia 1:30pm cu nan. Pero mas laat den e programa di 90 Bisami, cu Leoncita Arends a wordu bisa cu Gabriel Tromp di Ponton a abusa di sobrina di e señora, y aki un bez mas Sr. Gabriel Tromp a yama recherche y pa di 2 biaha entrega keho contra e señora cu segun Tromp a defama su persona ariba algo cu nunca el a haci. Aki, nan y consehe pa presenta na warda di Resherche siguinte dia pa 8:30am pa entrega un keho official contra e señora pa menasa y defamacion y mester entrega e keho na un hulp-officier. Despues di esaki un investigacion profundo a tuma lugar cu a keda cla na fin di december, cu tur datos den man y Reserche a drenta cu permiso di OM e di 2 siman di January y busca e famia completo. Pa investigacion despues di varios ora a bin resulta cu ta trata di e yiu homber mas chikito di e famia cu a haci su mes culpable na tal menasa y defamacion pa atacha bon nomber di e persona Gabriel Tromp. Aki el a admiti tur su culpablidad y e motibo pa kico el a yega na tal decision. E acusado ta e homber : Errol Arthur Segundo Scharbaay di Cumana, cu tabata hacie comosifuera e ta un señora, y e mes ta papia como casa di e señora. Pa cuminsa ningun di e dos personanan Scharbaay cu Tromp conoce otro, pero Scharbaay tanata arepenti di locual el a haci. Ministerio Publico a decidi cu e caso aki ta bin den un Tomzitting, cual fecha tabata dia 4 di July pa 8:00am di mainta, e dia aki Gabriel Tromp y su Abogado Mr. Clinton Foy a presenta pero e acusado no a presenta. Mientrastanto e corte a bay den reces, y dia 5 di September y caso a wordu yama pa di 2 y ultimo biaha den un Tomzitting, pa 9:00am, caminda OM a trece su caso padilanti y e acusado a bolbe admiti tur su culpablidad. Caminda cu den un Tomzitting e acusado, Errol Arthur Segundo Scharbaay di Cumana, a tende su sentencia pa haci 100 ora di trabao voluntario den comunidad, y tambe mester rectifica den e radio programa nan cu la bay cu ta 90 Bisami, y Pueblo na palabra na Canal 90, y tambe na radio Top 95 FM den e programa Boca na Palabra. Y Tambe den e Corant nan Diario y Bondia Aruba. Diaranzon merdia na Pueblo na Palabra e homber Errol Arthur Segundo Scharbaay a rectifica, sin menciona su nomber, pero nos por a scucha cu e no a rectifica e loke cu Corte den e Tomzitting a dune kico lo e mester rectifica. Un acusado mester compronde cu ora bo haya un demanda pa rectificacion bo mester rectifica di accuerdo cu e sentencia cu bo a haya y nada otro ni di mas y ni di menos. Pasobra ta problema so bo por trece pa bo mes. Aki emocionan no ta conta pa ningun hende, pasobra defamacion ta cos nan serio cu te hasta un bida y un famia por wordu afecta masha hopi. Pasobra comunidad ta detesta un persona cu ta comete algu contra ley. Siembargo mesora Sr. Tromp un persona cu ta un bon conocedor di ley, a bise mesora cu tanto palabra cu e mester rectifica e loke corte a sentencie. Y nada otro. Tambe nos por a compronde cu awo e parti civil ta bay continua.. Comentarionan (1)Mustra/Kita comentarionan ...
Un TOM (Taakstraf Openbaar Ministerie) zitting no ta tuma lugar na CORTE sino na Ministerio Publico. TOM zitting ta un zitting y no un gerecht dus no tin sentencia. E fiscal ta castiga un acusado pero NO por obliga e acusado di tuma e castigo, pesey tin huez. Den un TOM zitting NO tin huez sinta eyden. Encaso cu un acusado no ta di acuerdo cu e castigo impone door di OM anto e por bay libremente na CORTE pa defende su caso dilanti HUEZ. Nunca ta laat pa siña.
,
September 06, 2012
Duna Comentario y/of Comparti riba Social Medi |
Mustra/Kita e formulario di comentario
