Saturday, 19 April 2014
Campaña pa cu e idioma Papiamento Print E-mail
Tuesday, 11 March 2008 04:20

IB2006-2007 002.jpg
Desde e luna aki, Departamento di Enseñansa ta cuminsa cu un campaña cu ta pone tur atencion na nos idioma Papiamento.E metanan principal di e campaña ta pa conscientisa comunidad di Aruba cu Papiamento ta un idioma completo y pa stimula uzo corecto di Papiamento. Lema di e campaña ta: “Nos idioma ta den bo man. Papiamento, cuid’e!”


Parlamento di Aruba a aproba e ley di idioma oficial dia 21 di mei 2003, fecha riba cual pa prome biaha den historia di Aruba, Papiamento y Hulandes ta bira idioma oficial. Esaki kiermen cu e aña aki nos ta celebra 5 aña di oficialisacion di Papiamento. Nacionnan Uni a proclama aña 2008 como Aña p.aw_screenshot1b.jpgInternacional di Idioma. Alabes a proclama aña 2008 como Aña di Cultura na Aruba. E combinacion aki ta haci cu e momento ta ideal pa duna mas atencion na e idioma cu ta uni nos tur: Papiamento.

Den e logo a haci uzo di man di un adulto hunto cu man di un mucha como simbolo di cuido y e importancia di e herencia di nos idioma Papiamento di generacion pa generacion.

E uzo di diferente color ta representa grupo di persona di diferente descendencia cu ta biba na Aruba y ta papia Papiamento. A scohe specificamente pa e colornan blauw, geel y cora como simbolo di identidad.

Pa e campaña aki a desaroya varios material di promocion. Por menciona entre otro pen y sticker pa e hobennan di scol secundario, como tambe banner y poster cu lo reparti rond di nos isla.

Durante luna di maart lo por aprecia diferente spot na radio y tv, caminda diferente persona conoci y respeta den nos comunidad, lo mustra riba e echo cu cada un den nan funcion, tin Papiamento como e instrumento di mas importante. 

Ademas di haci promocion, lo duna tambe informacion tocante nos idioma Papiamento. Entrante awe nos ta lansa e website www.papiamento.aw . Aki por haya informacion tocante entre otro origen di Papiamento, su historia y desaroyo. Tambe por siña mas di e reglanan di idioma Papiamento y siña conoce e instancianan cu ta traha pa promove Papiamento. Riba e website por haya tambe diferente articulo general y cientifico, lista di literatura, material di estudio y di referencia.

Por ultimo, banda di promocion y informacion nos lo ofrece diferente grupo meta un tayer, caminda nan lo ricibi un ‘Compilacion di Papiamento’, cual instrumento nan lo por uza como guia durante nan trabou di tur dia.

 

Ta spera cu henter pueblo di Aruba sostene e campaña aki. Pasobra …

 

“NOS IDIOMA TA DEN BO MAN. PAPIAMENTO, CUID’E!”

Comentarionan (17)Add Comment
esilda
July 24, 2008
190.77.181.216
Votes: +0
...

hola soy de venezuela.alguien me puede decir como o donde puedo conseguir un libro o algo que me pueda enseñar papiamento... hi, can someone tell me as i learn papiamento

Studiante
March 25, 2008
82.73.97.160
Votes: +0
...

Sara:

'Den tur idioma "c" dilanti un "i" y "e" ta pronuncia un "s"'
Mi ta un Arubiano studiando na Hulanda, pero mi po skibi Papiamento bon. Pero un cos si mi por bisa, cu no ta den tur idioma un "c" dilanti un "i"of un "e" ta bira "s". Hopi palabra na Papiamento ta parse Itlaiano. Na Italia, un "c" dilanti un "i" of un "e" no ta bira un "s", sino un "ch" , di Che, Chico etc.
Mi ta haja bon cu ta wordo poni atencion na Papiamento, paso mi mes ta haja hopi fastioso cu como Arubiano, mi no por domine bon bon.
Mi ta haja jammer cu Aruba ta keda "discrimina" e Latinonan. Aruba ta un isla cu bastante nacionalidad.
Y ta berdad, Aruba a Americanisa.
Corda cu no ta tur cos ta preto cu blanco so...tin otro color nan
smilies/wink.gif

Rape
March 24, 2008
66.247.205.235
Votes: +0
...

sammy.

abo tin respet pa e latino nan?
bo a yega di tende: duna respet pa bo hanja respet?
y e arubiano nan no ta sinti nan mes latino, sino americano!,wak con Aruba ta?!
awor hasta tin rubiano ta papia ingles cu otro!, celebra dia fiesta nan mericano (pe thanksgiving).
ta bisa otro happy thanksgiving e dia ey no tin net nada di haber cu Aruba (hopi redic*lo).
Si nan ta papia hulandes cu otro ainda, paso con cu bai bin nos ta Hulandes!
Abo y mayoria hende na Aruba tin gewoon un hekel pa e hende nan latino nan cu ta contrubi cu nos economia!
e mi por keda pp bo. pero mino tin tempo pa e cos aki....suficiente.

Glenda
March 23, 2008
199.0.82.33
Votes: +0
...

Shonnan, mi curason ta haci d**o, pa mira cu ainda tin hende ta bisa cu Papaimento ta un dialecto. Papiamento tin su ortografia y gramatica. Papiamento ta e idioma mas studia/investiga mundialmente. Nos mester ta hopi orguyoso di esaki. Tambe ora mi wak cuanto eror ta haci den skirbimento di Papiamento den e comentarionan haci. Hopi biaha e stranheronan sa papia y skirbi Papiamento miho cu hopi Arubano mes, pasobra nan ta studi'e. Pa esnan cu realmente ta interesa y tin amor pa skirbi Papiamento corectamente, tin un lista di palabra hunto cu e reglanan di ortografia. Ban nos tur haci esfuerso pa siña y papia nos idioma manera mester ta. c*ltura... full suave.

rafael
March 18, 2008
204.212.127.158
Votes: +0
...

ami ta venezolano yui di rubiano, (esta mi mama) anto ami ta e designer di e website boso por imagina con hopi honor ta pa mi persona tabatin e privilegio di por a haci algo asina. mi comentario ta na tur esunan cu no ta wak e realidad, Papiamento TA un idioma ami mes a sinja mi casa na venezuela den 3 luna prome cu e la pone un pia riba Aruba mes anto e la stime di prome dia. mi dos muchanan ta papiamento nan ta papia asina tanto cu na ora di biS**ta famia nos a ripara cu ata nos a lubida di siñanan spaño. pero esei no ta e caso boso tur trece mas idea di con pa hacie mihor y con pa engrandece e idioma di e pais. please stop e bringamento di hende latino y rubiano nos tur y mi ta confirma mi palabra nos tur ta djis hende shonan nada otro y si tin amor pa lo cual nos tur kier Aruba so lo sali gana boso no ta kere??? smilies/wink.gif

Ikim
March 13, 2008
201.229.47.100
Votes: +0
...

Ami ta haya esaki un bon idea di e website aki, pa motibo ku si bo ripara na radio, corant y tv hopi palabra ku no ta di nos ta wordo hinka den e papiamento. Hopi biaha e muchananan jong ta usa hopi palabra na ingles y hulandes den e papiamento. Ami conoce hopi stranhero, mi no ta discrimina, paso mi sa ku hopi di a bin akinan pa nan por gana nan pan. Tin di nan kos ta bai bon pa nan, pero tambe tin di nan cu mi sa ku ta pasa hopi trabao, pasobra hopi biaha nan tin di manda plaka pa nan famia afo. Ademas nan tambe ta yuda den nos economia y ora nos tawata tin mester di hende pa traha den construction den e hotelnan den e ultimo dies anjanan ta nan a bin pa traha sea den construction, housekeeper y utility, cual hopi biaha no tin lokal pa hasi e trabao aki. Hopi di nan a sinja papiamento, pero tambe tin algun ku ta nenga di sinje, pero si nan kier e nacionalidad y no ta hasi ningun esfuerso pa sinja nos papiamento y hulandes.

sammy
March 12, 2008
199.2.118.10
Votes: +0
...

Awo cu nos Arubianonan a cuminsa sinti e berdad con nos c*ltura i idioma a cuminsa bai perdi, awo kier bin cu tur sorto di cos pa skape, ban spera cu no ta laat.
Dicon mester tin 2 radio station Latino? Dicon mester bin cu un solo nationalidad na cantidad akinan?Pero no ta fout di e stranheronan "Ta nos mes a danja aruba, tin hopi Rubiano ta sinti nan mes mas Latino cu Latinonan mes.
Nada contra hendenan di habla spanjo, pero Aruba ta un Isla Caribense I nos ta di Nationalidad Hulandes.
Ami nunca den mi bida por sinti mi Latino.
Dicon ma stress riba Latinonansmilies/tongue.gifasobra ta nan ta akinan den cantidad i hopi no tin respet pa nos.
Falta di Gobierno.

ate
March 12, 2008
86.94.115.154
Votes: +0
...

No ta bai pa bo jega leuw cu Papiamento. Ta bai pa e punto cu Papiamento ta e cuna di nos c*ltura, den nos idioma aki nos a sinja di chiquito pa expresa nos mes. Ta claro cu cada Arubiano mester mira e importancia pa sinja un otro idioma cu ta wordo usa mas tanto den e mundo internashonal. Pero no por neglisha Papiamento nunca, ta mescos cu bo ta neglisha bo mesun identidad, bo mesun c*ltura.

koshi
March 12, 2008
201.229.27.248
Votes: +0
...

nos ta cuminsa mucho laat pasobra mester a aplica e ley na cuminsamento cu un extranhero drenta ARUBA si bo tende bon con nos supuesto locutornan ta papia na radio cu ta un medio pa entretene i duna noticia ta laga hopidi desea ( ehempel ta masa grandi cu ta un grupo grandi o un boshi hende) tin un otro cu ta bisa bo ta bai limpia cas o hasi cas limpi

wouter
March 11, 2008
204.212.122.38
Votes: +0
...

AMI TA KONTRA mita rubiano tur kos i stima mi idioma pero...


KU PAPIAMENTO BO NOTA JEGA LEW PONE HULANDES OF INGLES UNDA BO POR JEGA ROND MUNDO ANKE HULANDES NOTA JEGA LEW BO JEGA HULANDA I SKOL BA HAYA PAPIAMENTO SO Y 1 LESUUR PA SIMAN HULANDES KON BO POR SINJA AYA ????

!@#$%^&*() wak e fout di gobierno aki bolbe tuma boso hasi ku mal orguyo !!@#####$%^&**()

Yina
March 11, 2008
200.31.79.26
Votes: +0
...

Me parece una muy buena iniciativa especialmente para los extranjeros que residen en Aruba.

Tranquilo man
March 11, 2008
206.48.23.26
Votes: +0
...

MI COMENTARIO TA HOPI HOPI CORTO.... LAGA ARUBIANO DUNA E LES DI PAPIAMENTO I CUMINSA CU EMATUTINONAN.......

Sara
March 11, 2008
66.247.201.159
Votes: +0
...

Bo tin razon ate. P.e. un palabra cu hopi hende (asta corant) ta haci fout ainda ta e palabra skirbi. E ta cu un "k" y no cu un "c". Den tur idioma "c" dilanti un "i" y "e" ta pronuncia un "s". Ora e ta dilanti un "a, o y u" bo ta pronuncia " k". Esaki ta un di e reglanan cu ma keda aplica desde di mi curso di papiamento.
Gregory, TUR idioma tin nan reglanan y Papiamento TAMBE. Saca bo som si e ta un idioma si of no.

ate
March 11, 2008
86.94.115.154
Votes: +0
...

Pakico no por logra pone e dicshonario di Papiamento riba un cd? Asina mi por cumpre i sinja mi mes con pa scirbi Papiamento mihor. E lo ta hopi practico, pasobra ora cu bo ta scirbi algo riba bo computer, mesora bo por habri e cd i coregi bo mes.

ate
March 11, 2008
86.94.115.154
Votes: +0
...

Pone e stranheronan obligatoriamente sinja Papiamento asina cu nan drenta Aruba ('inburgeringsplicht'). Asina ta cuminsa duna respet na Papiamento. Awendia e Arubianonan ta prefera di papia Spanjo kibra of Inlges kibra cu e stranheronan enbes di coopera pa sinja nan Papiamento. Door di e actitud aki e Arubianonan a lo largo no por ni papia Papiamento, ni Spanjo ni Inlges drechi mas. Shonnan, pone c*ltura di Aruba na promer lugar i purba comunica na Papiamento.

Daruba
March 11, 2008
199.0.82.161
Votes: +0
...

Gregory,

"Langueage"? smilies/cheesy.gif

Ken a papia? smilies/angry.gif

Langueage =Language = Taal = Idioma

GREGORY MATHEUS
March 11, 2008
65.8.200.10
Votes: +0
...

DIALECT NO LANGUEAGE.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter